Seguindo a tradición, outro ano máis, celebramos o Entroido no cole con distintas actividade ao longo da semana.

Comezamos cumprindo os mandados da "Maquesa de Vilaxoán" que este ano viu disfrazada de Marqués. Tivemos que pintar un lunar na cara, levar algo de cor vermello, poñer unh pano na cabeza e disfrazarnos libremente.

Organizamos dúas charlas, unha a cargo dun compoñente da "Peña Solfato" que nos falou de como era o Entroido nos tempos da ditadura e a outra realizada varios integrantes da comparsa "Marajota e media" que nos amenizaron coas súas cancións.

Pica na imaxe para ver as fotos das actividades de Entroido

O venres desfilamos polos arredores do colexio acompañando a nosa sardiña para o que vestímonos de "Peña Solfato" e de "choronas".

Pica na imaxe para ver as fotos do Entroido

Rematamos a festa comendo doces típicos destas datas que foron traídos polo alumnado.

Pica na imaxe para ver o vídeo do desfile de Entroido

Este ano celebramos o Entroido no cole seguindo durante toda a semana os mandados do Pai Sarmiento, amigo da nosa ben querida Marquesa de Vilaxoán.

Como remate de festa o venres realizamos o noso particular Camiño de Santiago seguindo a "Ruta do Pai Sarmiento". Todo o alumnado vestido de peregrino ou de outras cousas relacionadas coa perenigración percorreu as distintas etapas polos arredores do colexio. En cada unha das etapas selláronlle o seu certificado de paso.

Unha vez chegados a Santiago, na nosa "praza do Obradoiro", bailamos a canción Terra das Tanxugueiras e repuxemos forzas comendo unha galleta conmemorativa do camiño.

Para a realización da actividade contamos coa colaboración da ANPA á que dende aquí queremos darlle as grazas.

VER VÍDEO ENTROIDO 2022

Durante esta semana celebramos o Entroido no cole, seguindo as ordes da Señora Marquesa de Vilaxoán que nos mandou levar un lunar pintado na cara, os zapatos distintos e cor nun mechón do pelo.

O venres tivémonos que adaptar a festa á situación que estamos a vivir polo que non puidemos facer o desfile no patio para mostrar os nosos disfraces aos compañeiros/as doutros cursos e as familias e tivemos que conformarnos con que nos virán os nosos compañeiros/as de clase e cun recreo que foi un pouco máis longo.

Tampouco degustamos os tradicionais doces de entroido pero no seu lugar tomamos un chocolate con churros.

Se queredes saber como eran os nosos disfraces mirade as fotos.

VER FOTOS ENTROIDO 2021

O 21 de Febreiro celebramos o Entroido no centro. Este ano como estamos de aniversario os nosos disfraces foron de gala e desfilamos ao son de grandes éxitos musicais das últimas décadas.

Como ven sendo habitual, despois do desfile degustamos doces típicos destas datas aportados polas familias do alumnado.

VER FOTOS ENTROIDO 2020

VER VÍDEO DESFILE ENTROIDO I                 VER VÍDEO DESFILE ENTROIDO II

VER VÍDEO DANCE MONKEY 6º A                                   VER VÍDEO PARTY ROCK 6º B

Un ano máis chega o Entroido e no cole non deixamos pasar a oportunidade de disfrazarnos, desfilar para amosar o guapos e guapas que nos puxemos, bailar as nosas coreografías, tocar unha "batukada" e repoñer forzas comendo os doces que trouxemos para compartir co resto do alumnado, o profesorado e as familias.

Os disfraces deste ano foron:

- Educación Infantil; Artistas do reciclaxe

- 1º de Primaria; Mergurlladores limpando o mar.

- 2º de Primaria: Bombeiros de Vilaxoán.

- 3º e 4º de Primaria: O conto do Colibrí.

- 5º Primaria; Fondo do mar.

- 6º Primaria; Mar de loito.

VER FOTOS ENTROIDO 2019

O venres 9 de Febreiro celebramos no cole a nosa festa de Entroido na que os nenos e nenas dos distintos cursos mostraron os seus disfraces no desfile que organizamos no patio:

- Educación Infantil; trasgos

- 1º Primaria; pintores

- 2º Primaria: xardineiros

- 3º Primaria: vacas

- 4º Primaria; panadeiros e pasteleiros

- 5º Primaria; deportistas e animadoras

- 6º Primaria; viaxeiros e turistas.

Unha vez finalizado o desfile repuxeron forzas comendo os doces de entroido elaborados a tarde anterior no taller de cociña organizado pola Escola de Pais e Nais e outros doces que trouxeron os rapaces e rapazas da casa. Todo estivo moi rico.

VER FOTOS ENTROIDO 2018

Este ano os disfrace de entroido centráronse no proxecto de investigación que estamos levando a cabo.

Os nenos e nenas de Educación Infantil disfrazáronse de gotas de auga. O alumnado de 1º e 2º transformáronse en pequenos científicos ao igual que os rapaces e rapazas de 5º e 6º.  O alumnado de 3º disfrazáronse de mariscadores e mariscadoras e os nenos e nenas de 4º de abellas e apicultores.

A festa comezou cun gran desfile no patio para a continuación degustar os doces típicos destas datas.

VER FOTOS ENTROIDO 2017

Un ano máis celebramos o Entroido no cole.

De martes a xoves tivemos que cumprir os mandados da Marquesa de Vilaxoán que nos fixo poñer algo na cabeza, algo ao redor do pescozo e unhas gafas.

O venres foi o día grande co desfile de Entroido onde vimos unha gran variedade de disfraces, tras o desfile degustamos doces típicos destas datas.

Este ano, o mal tempo non nos permitiu realizar o desfile de Entroido polo todo patio, pero como as nosas ganas de diversión eras maiores que a choiva e que o vento, fixemos un pequeno desfile no patio cuberto antes de pasar a degustar as filloas e outros doces de Entroido que foron elaborados polas familias e pola ANPA do cole.

Durante toda esta semana tivemos que cumprir as ordes da Marquesa de Vilaxoán que mandounos deixar crecer o bigote, vestirnos cun mandil e poñer dous zapatos distintos.

Esta semana recibimos a visita da Excelentísima Marquesa de Vilaxoán que veu ata o cole para darnos as ordes de Entroido.

O martes o cole encheuse de nenos, nenas e profes con bigote.

O mércoles como facía moito frío mandounos traer unha bufanda para no arrefríar.

Finalmente o xoves como se atopaba un pouco cansa mandou vir ao cole en pixama ou camisón