NORMATIVA APLICABLE AO PROCESO DE ADMISIÓN

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

SOLICITUDE DE ADMISIÓN

Realizarase do 1 ao 20 de marzo de 2023 entregando no centro o ANEXO II: ADMISIÓN DE ALUMNADO

Este Anexo II pode:

- Recollerse no centro a partir do 1 de Marzo.

- Descargarse dende o enlace anterior para imprimilo e cubrilo a man.

- Descargarse dende o enlace anterior, cubrir os datos no ordenador e posteriormente imprimilo.

A solicitude deberá ser entregada no centro conxuntamente con:

• Fotocopia do DNI do alumno/a ou da folla do libro de familia no que apareza o mesmo.
• No caso de alumnado xa escolarizado, documento acreditativo no que se indique o curso no que está matriculado o presente ano académico.
• De ser o caso resolución xudicial de senteza de separación ou divorcio

A solicitude  tamén poderá ser entregada no prazo indicado mediante a Sede Electrónica utilizando a aplicación ADMISIÓN ALUMNADO .

A presentación de máis dunha solicitude poderá dar lugar á perda dos dereitos de admisión.

POSTOS ESCOLARES OFERTADOS CURSO 2023/2024

4º Educación Infantil (3 anos) - 22 Prazas ordinarias - 3 Prazas NEAE

5º Educación Infantil (4 anos) - 7 Prazas ordinarias

6º Educación Infantil (5 anos) - 10 Prazas ordinarias

1º Educación Primaria - 2 Prazas ordinarias - 2 Prazas NEAE

2º Educación Primaria - 6 Prazas ordinaria

3º Educación Primaria - 14 Prazas ordinaria

4º Educación Primaria - 24 Prazas ordinaria

5º Educación Primaria - 2 Prazas ordinarias

6º Educación Primaria - 8 Prazas ordinarias

ADSCRICIÓN

O noso centro ten adscrita a unitaria de Aralde e está adscrito ao IES Armando Cotarelo Valledor.

BAREMACIÓN

No caso de haber máis solicitudes que prazas procederase a baremar en función dos criterios establecidos na orde e no decreto que rexen este proceso de admisión do alumnado.

Os documentos a achegar para xustificar os criterios alegados na solicitude de admisión, así e como a valoración de cada un deles pódese consultar neste enlace CRITERIOS XERAIS DO BAREMO DE ADMISIÓN DO ALUMNADO.

De ser necesaria realizar o proceso de baremación indicaranse no seu momento o prazo para a presentación da documentación.

ÁREAS DE INFLUENCIA DO CENTRO

• Vilaxoán
• Renza
• Canelas
• Faxilde
• Aralde
• Galáns
• Rial
• Eiviño
• Ferrazo
• Parroquía de Sobradelo dende a rúa San Cibrán (incluída) cara a Vilaxoán

SERVIZOS COMPLEMENTARIOS DO CENTRO

• Comedor escolar
• Transporte escolar

INFORMACIÓN SOBRE O PROCESO DE ADMISIÓN E MATRÍCULA CURSO 2023/2024

O listado provisional de admitidos publicarase antes do 25 de Abril.

 O número de identificación da instancia é o que se lle asignou cando foi entregada no centro.

O prazo de reclamacións aos listados provisionais de admitidos é de 5 días hábiles a partir do día seguinte da súa publicación.

 O listado definitivo de admitidos publicarase antes do 15 de Maio

A formalización da matrícula realizarase do 20 ao 30 de Xuño