2º Ciclo de Ed. Primaria

O pasado luns o alumnado de 4º, 5º e 6º de Educación Primaria asistiu a un concerto explicativo da man dos músicos Rosa e Pablo.

O alumnado tivo a oportunidade de coñecer o porqué dalgúns roles do ser humano na sociedade explicado a través da música tradicional galega.

Todo, ao tempo que se informaban sobre a evolución dos instrumentos galegos que coñecen hoxe en día e da importancia da música na sociedade xa desde as orixes da humanidade e ata os nosos días.

A conclusión foi que a música abarca moitos ámbitos da nosa vida redundando con importantes beneficios en cada un de nós como seres humanos e en conxunto como sociedade.

Velaquí algunhas imaxes da actividade.

Un ano máis o alumnado do noso centro participou na convocatoria de STOP Accidentes- ANCAS (proxecto de participación cidadá, onde o peón é o protagonista) Agora imos andando ao cole!!! 

Queremos felicitar á nosa alumna Alba García Botana de 3ºB porque o seu debuxo saiu seleccionado e o día 17 de decembro recibiu o premio no Salón de Plenos do Concello de A Coruña, e a súa creación pasa a formar parte do calendario 2021 de ANCAS.

Podemos escoitar a explicación do seu debuxo pinchando aquí

PARABÉNS ALBA!!!

Por fin chegamos ao remate do curso!!

Achégovos as últimas tarefas que son voluntarias, non teredes que envialas.

Parabéns a todos e todas polo voso traballo. E grazas as familias pola súa colaboración.

Boas Vacacións e feliz verán!!

Ola, de novo, nesta tarde de domingo na casa.

Enviamos as solucións ás actividades do día 26, que como vos daredes conta, son as mesmas que demos en papel o pasado venres, 13, na aula. Decimos isto para que non fagades o traballo por duplicado.

Xa nos contaredes por correo electrónico ou por Abalar como saíron as fichas.

Saúdos virtuais