Skip to Content

EDLG

Equipo de dinamización e normalización lingüística de galego

BO NADAL E FELIZ 2023!!

A Comunidade Educativa do San Francisco Javier, quere desexarvos un Bo Nadal e Feliz 2023!!!

Grazas a todas as alumnas e alumnos que participastes cas vosas postais, e que hoxe se ven representadas por  Noa, Miguel,Sara e Néstor !!!

 

OS LÉVEDOS: SERES MINÚSCULOS CUNHA IMPORTANCIA MAIÚSCULA

O pasado 1 de decembro visitáronnos dúas biotecnólogas. Detrás deste nome un tanto complicado está o estudo dos lévedos, que están presente no noso día a día.

PROGRAMA TEI: TITORÍA ENTRE IGUAIS

Despois do parón da pandemia, retomamos o programa TEI,  un programa de gran tradición no colexio (desde o curso 2017) cuxo obxectivo e a prevención da violencia e do acoso escolar. Onte presentámolo ás familas de 5º e 3º EP.

O TEI pon en contacto aos nenos e nenas de 5ºEP, que exercerán de titores-as, co alumnado de 3ºEP, que serán os seus titorizados-as.

Cando xurda unha conduta inapropiada da que o alumno/a de 3ª é a víctima, recurrirá ao seu titor/a de 5º para que entre os tres intenten resolver o problema.

Este tipo de actividades prepara ao alumnado para a vida e exercita as súas habilidades sociais para previr problemas de convivencia no futuro.

 

25 DE NOVEMBRO, POLA ELIMINACIÓN DA VIOLENCIA CONTRA AS MULLERES.

O venres 25 de novembro, conmemoramos nun acto de centro o día internacional para a eliminación da violencia contra a muller.

Levamos a cabo variadas actividades para a visibilización e a concienciación nas diferentes etapas, retomando os obradoiros de igualdade realizados a comezo de curso.

O alumnado elaborou murais, debuxos, leu contos e aprendeu a canción "La puerta violeta" de Rozalén.

Podedes ver todas as fotos do día na galería da páxina web. 

SAMAÍN

O pasado venres celebramos o Samaín: disfrazámonos, divertímonos, vimos as cabazas que estaban expostas, fixemos actividades dixitais...., e aquí deixamos unha mostra  do noso día.  

O periódico La Opinión Coruña, veu visitarnos e fíxose eco da nosa terrorífica xornada!! Podedess ler a noticia premendo na seguinte ligazón aquí

DÍA DAS BIBLIOTECAS

Hoxe, 24 de outubro, celébrase o día das bibliotecas, promovido polo Ministerio de Cultura e Deporte. 
O alumnado pode visitar este espazo informativo e de lectura e achegarse a ver a decoración da entrada que fixo o Equipo de Biblioteca Escolar.

ENTREGA DE PREMIOS LETRAS GALEGAS

Un curso máis as nosas alumnas e alumnos, desde as máis pequenas ata os maiores, participaron nun concurso de poemas, na súa VI edición, co tema Unha viaxe polo mundo, sorprendéndoos coa súa creatividade e orixinalidade.

Aquí podedes ver os poemas seleccionados.

Agradecemos a todas e a todos tomar parte neste concurso e dámoslles os nosos parabéns aos traballos seleccionados!!!.

Ata a próxima edición!. 

 

LETRAS GALEGAS 2022

Velaquí están as nosas homenaxes a Florencio Delgado Gurriarán, autor ao que está adicado o Día das Letras Galegas 2022. Tamén presentamos os traballos realizados polos máis cativos e cativas do noso cole.  

 
 
 
 
 
 
 

ENTREGA AGASALLOS VI EDICIÓN CONCURSO BANDA DESEÑADA

Parabéns ás clases e ao alumnado participante, e ganadores da  VI Edición do Concurso de Banda Deseñada.

Moitas grazas pola vosa participación e colaboración, un ano máis, cos vosos traballos!!!

Saúdos desde o EDLG!!!

 

 

VI CONCURSO DE BANDA DESEÑADA: UNHA VIAXE POLO MUNDO!!

Un curso máis, @s nos@s alumnas e alumnos, desde @s máis pequen@s ata os maiores, participaron no Concurso de Banda Deseñada, na súa VI Edición, co tema UNHA VIAXE POLO MUNDO, sorprendéndonos coa súa creatividade e orixinalidade.

Agradecemos a tod@s por tomar parte no Concurso, e parabéns aos traballos seleccinados!!!

Ata a próxima edición!!!

Saúdos desde o EDLG!!!!

Podedes ver os cómics seleccionados premendo no título: 

Unha viaxe polo mundo!!!

 

 

 

 
 
Distribuir contido


by Dr. Radut