Con motivo da celebración do Día das Letras Galegas leváronse a cabo diferentes actividades nos distintos niveis de Educación Infantil e Primaria. Algunhas destas actividades podedes velas premendo na imaxe que se mostra a continuación:
FOTOS DAS ACTIVIDADES DAS LETRAS GALEGAS NO SEGUINTE ENLACE:
https://drive.google.com/open?id=1aCcsfFwXEJTKddo3m48I6FWZbR8DWr-w
RECITAL LETRAS GALEGAS NO SEGUINTE ENLACE:
https://drive.google.com/open?id=1QeKp1esn_aLAu0sK8LnTDm2i93PDbafT
O alumnado de 5º e 6º de Educación Primaria elaborou un photocall na materia de Plástica. Nel atopamos un peregrino coa vestimenta tradicional diante da Porta de San Pedro, unha porta que serve de entrada á cidade de Lugo para todos aqueles que fan o Camiño Primitivo.
Por outra banda, os nenos e nenas de 5º e 6º tamén elaboraron un póster a modo de mosaico no que se pode observar outro peregrino. Neste caso, este póster foi empregado para aprender o vocabulario da roupa tradicional así como algún obxecto que porta dito peregrino, como a cuncha da vieira, a alforxa, a cabaza ou o bastón. Este vocabulario atópase en galego e en inglés, pegado ao póster cuns velcros polo que se poden sacar os termos e volvelos a colocar para interiorizar o vocabulario en ámbolos dous idiomas.
No seguinte enlace atoparedes un vídeo que amosa algunha imaxe do proceso de creación das anteriores actividades:
O alumnado de 5º de Primaria estivo traballando sobre o Camiño Primitivo ao paso por Lugo.
Todo o noso traballo está recollido no seguinte póster dixital, que inclúe vídeos, códigos QR e podcast.
Os alumnos e alumnas de quinto e sexto de primaria realizaron unha saída á Muralla de Lugo e ao Vello Cárcere.
Edificio construído no ano 1887 como cárcere modelo de estado. Hoxe pertence ao noso patrimonio como ese lugar que da paso á reflexión sobre o pasado acontecido, un "espazo de memorias" onde o valor do edificio vai ligado a súa historia e ao conxunto de memorias das vítimas e de toda a sociedade afectada polos procesos traumáticos vividos arredor del.
Enlace as fotos: https://drive.google.com/open?id=1UNowAQttb-vsWq_HZ63ls80uZZ6LtTC3
Os nenos e nenas de Segundo A de Primaria coñeceron o Camiño a través da investigación, das artes plásticas e do xogo. Así construiron un xogo da Oca no que fan o camiño de forma lúdica e aprenden e disfrutan do Patrimonio que ten Lugo e os seus arredores.
Fotos e video no seguinte enlace:
https://drive.google.com/open?id=15V2JCvT4k7BwbUYfZcQnjG28DtVHVr8D