O mércores 22 de xaneiro visitounos a contacontos e actriz galega Raquel Queizás e agasallounos cun conto no que facía partícipes a alumnado e profesorado. Foi todo un éxito!!!
O pasado luns 20 de xaneiro o alumnado de 5º e 6º de Educación Primaria puideron asistir a unha charla sobre a navegación segura pola Internet, na que o relator, Diego Cid, deu un repaso polos perigos que a rede entraña e polas precaucións que hai que ter o dar de alta un correo electrónico ou unha alta nalgunha rede social.
Os nenos e nenas de Educación Infantil o pasado venres 20 de decembro tiveron a oportunidade de falar con Papa Noel por videoconferencia e pedir os seus agasallos. Para ver as fotos preme na imaxe:
RECORDADE: Vacacións de Nadal do 21 de decembro ata o 8 de xaneiro, ambos inclusive.
O alumnado do 3º ciclo de Educación Primaria o luns 16 de decembro tivo a oportunidade de visitar a exposición de metereoloxía no IES de Quiroga na cal o profesor Xosé Espinosa lles explicou diferentes aspectos e usos de aparellos relacionados coa metereoloxía.
Con motivo da conmemoración do 35º aniversario da Constitución Española, no CEIP de Quiroga desenvolvéronse actividades sobre este evento. Ademais das actividades realizadas nas aulas, a encargada da Biblioteca, Ana Mª Núñez, levou a cabo distintas actividades para celebrar o cumpreanos da Constitución. Estas actividades consistiron na visión dun video e actividades interactivas na Pizarra Dixital.