Skip to Content

Complementarias

Pupas, sustos e outros disgustos.

Lun, 20/01/2020 - 22:54 — miguelbg

Hoxe tocoulles aos de 3º, 4º e 5º de primaria, aprender sobre primeiros auxilios coa axuda de técnicos de emerxencias sanitarias e persoal de enfermería do Sergas, dentro do programa "Pupas, sustos e outros disgustos". Aprenderon un montón!

Moitas grazas a Elías pola proposta e por xestionar a solicitude da actividade.

25N - MANS CONTRA A VIOLENCIA

Dom, 22/12/2019 - 14:24 — miguelbg

Durante o mes de novembro realizamos varias actividades relacionadas co 25 de novembro, Día Internacional para a eliminación da violencia contra a muller:

  • Lectura e visionado de vídeos sobre varios contos coeducativos.
  • Murais e actvidades diversas a nivel de aula con eses libros.
  • Libro-fórum na biblioteca.
  • Mural colectivo: 25N - MANS CONTRA A VIOLENCIA.
  • Rap contra a violencia de xénero.
  • Elaboración dun vídeo resumo de todo o traballado:

Fotos:

https://photos.app.goo.gl/thgNhLHcnaWboqro8

Prácticas de primeiros auxilios

Dom, 08/12/2019 - 23:20 — miguelbg

O pasado luns, 2 de decembro, contamos un ano máis coa presenza de Sara e Elías para instruir ao alumnado de 5º e 6º de primaria acerca dos primeiros auxilios, con especial fincapé na reanimación cardiopulmonar. Primeiro recibiron unha breve charla teórica e logo fixeron a parte práctica usando os bonecos e incluso aos propios compañeiros.

Dende o cole agradecemos de novo a Elías e Sara a súa presenza, colaboración, paciencia e bo facer cos nosos rapaces e rapazas. Ver fotos clicando na imaxe.

Xogando ao atletismo Sportur 2019

Ven, 15/11/2019 - 12:00 — miguelbg

O xoves 14 de novembro, participamos na competición de atletismo celebrada en Expourense con motivo da Feira Sportur 2019. Participamos con 2 equipos benxamíns e 2 alevíns. Competimos nunhas magníficas instalacións e pasámolo en grande xunto con moitos outros colexios da nosa comarca e tamén da do Ribeiro.

Os nosos atletas tiveron actuacións moi destacadas, tanto a nivel individual como por equipos. Podedes ver aquí as fotos do evento.

Mochilas viaxeiras 2019-20

Mér, 23/10/2019 - 22:27 — miguelbg

Comezamos xa coas mochilas viaxeiras deste curso...!! E así, cos contos de Pedro Brandariz e cas mochilas viaxeiras, damos por concluídos os actos de apertura da biblio e tamén a celebración do Día das Bibliotecas. Felices lecturas!!!

Contos pola igualdade con Pedro Brandariz

Mér, 23/10/2019 - 22:09 — miguelbg

CELEBRAMOS O DÍA DAS BIBLIOTECAS.

Hoxe mércores, 23 de outubro, realizamos o acto de apertura da biblioteca escolar, e para elo contamos coa presenza de Pedro Brandariz, coñecido humorista pola súa participación habitual en programas como Luar, da TVG.

Contou varias historias que tiñan como valor fundamental a igualdade de xénero, e algúns alumnos participaron como actores e actrices protagonistas de ditos contos. Pasárono estupendamente!!

Clica na imaxe para ver as fotos.

Braulio, dos Bolechas, veu a entrevistarnos!!!

Sáb, 28/09/2019 - 12:09 — miguelbg

O pasado martes, 24 de setembro, recibimos unha visita moi especial: Braulio, un dos irmáns Bolechas. Veu a gravar o seu programa Braulio Tuber, que se emitirá próximamente na TVG. Avisarémosvos cando se vaia a emitir.

Braulio entrevistou ao alumnado de 5º e 6º curso de primaria, e posteriormente saudou a todos no comedor... Foi moi divertido!

Actos fin de curso 2019

Dom, 23/06/2019 - 12:42 — miguelbg

O pasado venres 21 de xuño, tivo lugar o acto final de curso, no que se "graduaron" os alumnos de 6º de infantil e os de 6º de primaria. Houbo bailes, entrega de orlas, discursos de despedida e agradecemento, agasallos, vídeo-resumo do ano escolar, reencontro con antigos alumnos, bágoas e moitas, moitas emocións...

(Ver fotos clicando na imaxe)

Despedindo a Sonny

Dom, 09/06/2019 - 21:37 — miguelbg

O xoves 30 despedimos á nosa auxiliar de conversa deste curso. Agasallos, globos, apertas, moitos bicos e algunhas bágoas para dicirlle ata loguiño a Sonny. Que che vaia moi ben!!

Apadriñamentos lectores no Día do libro

Mér, 24/04/2019 - 21:46 — miguelbg

O pasado martes, 23 de abril, celebramos o Día do libro con diversas actividades, destacando os apadriñamentos lectores, nos que os maiores contaban aos máis pequenos distintos contos seleccionados previamente da nosa biblioteca.

Clicar na imaxe para ver as fotos.

Torneo comarcal de minibalonmán 2019

Dom, 07/04/2019 - 21:16 — miguelbg

O pasado mércores participamos no torneo comarcal de minibalonmán, no que obtivemos un meritorio 4º posto, cunha gran actuación das nosas rapazas e rapaces. Parabéns a tod@s!! Clica na imaxe para ver as fotos.

Xornada de educación vial - 2019

Xov, 21/03/2019 - 17:12 — miguelbg

Onte, mércores 20 de marzo, visitounos persoal da Xefatura Provincial de Tráfico para seguir a traballar a educación vial do alumnado do centro. Tivemos charlas para todos os cursos, montamos nun furgón da Garda Civil de Tráfico, fixemos o circuito que nos preparou Protección Civil... e ata pasamos un control de alcolemia!

Contacontos pola igualdade

Mar, 12/03/2019 - 15:29 — miguelbg

Hoxe o alumnado de infantil e 1º ciclo de primaria puido disfrutar dunha sesión de contos para aprender a rachar cos estereotipos sexistas.

Agradecemos ao CIM de Sta. Águeda a iniciativa para realizar no noso centro esta divertida actividade en prol da igualdade.

Reciclando aparellos electrónicos cos Bolechas

Xov, 07/03/2019 - 22:37 — miguelbg

Hoxe xoves, 7 de marzo, tivemos unha charla cun científico moi simpático e amigo dos Bolechas. Falounos de como debemos facer para reciclar os RAEE (residuos de aparellos eléctricos e electrónicos). Foi moi divertido, e ata bailamos e rapeamos!!

Charlas sobre: violencia machista e riscos de internet.

Mér, 19/12/2018 - 16:20 — miguelbg

Neste mes de decembro, o alumnado de 5º e 6º de primaria recibiu, un ano máis, dúas charlas impartidas pola Garda Civil, dentro do Plan Director do Ministerio do Interior, no que o centro se inscribe cada ano. Esta vez tocou aprender máis sobre violencia machista e tamén sobre os riscos de internet.

Distribuir contido


by Dr. Radut