En relación a como vai ser o vindeiro curso, xa sabedes que debido à Covid 19, temos que seguir as indicacións que nos dicten as Consellerías de Educación e de Sanidade. Iso suporá un cambio grande na nosa maneira de traballar, pero ten que ser así mentres dure a pandemia.
Con todo xa estamos elaborando medidas que nos axuden nesta situación: reestruturar os horarios de entradas e saídas, aproveitar os espazos exteriores o maior tempo posible, crear grupos de aula estables, etc.
Temos que crearlle ao alumnado a maior sensación de seguridade posible, non poden sentir que o colexio é un sitio perigoso. Quedar na casa non parece a mellor opción, nin garante inmunidade. O alumnado precisa relacionarse cos iguais. Este curso terá prioridade o coidado físico e emocional sobre todo o demais. Como queira que sexa, as indicacións das consellerías serán as que marquen as pautas a seguir.
Esperemos que esta situación non se prolongue no tempo. Dependerá dos coidados que poñamos en todo. E tamén da sorte.
PROCESO DE ADMISIÓN DE ALUMNADO PARA O CURSO 2020-2021
Prazo de presentación de solicitudes de admisión:
Restablecerase o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes .
Presentación da documentación acreditativa dos criterios de baremo : ata o día 26 de maio de 2020.
Publicación das listaxes provisionais do alumnado admitido e non admitido: antes do 9 de xuño de 2020.
Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
Publicación das listaxes definitivas do alumnado admitido e non admitido: ata o 26 de xuño de 2020.
Formalización da matrícula en educación infantil e primaria: do 1 ao 10 xullo de 2020.
Cando Ruxe, Faísca, Ninfa e Lúa comezan este curso, apenas se coñecen. Mais un incidente inesperado fará que as súas vidas cambien para sempre. Decataranse de que teñen máis cousas en común que asistiren á mesma escola, e máis preocupacións que entregaren a tempo os traballos de clase.
Estraños poderes, aventuras e misteriosos encontros. todo isto mesturado nunha viaxe polo tempo, na procura de respostas, na terra dos seus antergos... os celtas.
Noa ten doce anos e parece que o único que lle importa é Internet e o que pensan dela os seus compañeiros do instituto. Pero iso vai cambiar. Durante un terrible incendio perderá o seu irmán pequeno nunha mámoa, que en realidade é o acceso ao incrible mundo Introterrestre. E isto é o principio. Irá na procura do cativo e poñerá en risco a súa vida con tal de axudalo. Descubrirá que existen eirugas coma coches e tartarugas coma montañas. Aprenderá que nese mundo de seres estraños ela é o monstro. Será consciente do dano que lle fan os humanos á Terra, e por que son odiados naquel mundo subterráneo. Enfrontarase ao Gardián da luz ancestral e resolverá o secreto misterio dos ecos do lume.
Leopolda Diéguez cóntalle a Gran Gogol a historia da nena que quería saber onde fora parar o mar que antes rodeaba a vila, e do monstro que construíu un muro para que a auga salgada non volvese chegar ata alí. Fálalle da terrible condición que o monstro lle esixe a quen queira atravesar o muro. Gran Gogol escoita con atención, porque se cadra iso é o mellor que pode facer alguén que está pechado no alto dunha torre... Unha nova historia da viaxeira Leopolda Diéguez, fascinante narradora e facedora de artes máxicas.
A lebre e a hiena conversan, nunha xeira de pesca, sobre asuntos cotiáns. «A mentira é a cousa que máis doe do mundo», di a lebre; e a hiena bota a rir. Para demostrarllo, a lebre elaborará, na porta de palacio, un «pastel» moi especial que vai provocar a cólera do rei; logo, coa complicidade das moscas, expertas en ca…case todo tipo de cheiros, buscarán entre os animais, o culpable de semellante obra.
"Poemar o mar" é un libro de poemas que forma parte da triloxía que se completa con "En la cuna del mar" e "Palabras do mar". Nestas tres obras o mar é o gran protagonista, un mar que ronca, que molla con poemas, que ten trenzas, que anda murcho, que chora por dentro e cala por fóra. Mares con ondas amarelas, con illas coma estrelas, mares de plumas que son de auga e mel, mares de tinta verde con barquiños de papel.
Carlos quere saber que pasaba na época dos seus tataravós. Pero a historia empeza moito antes, cando os humanos nos pareciamos máis aos monos que ás persoas. Pouco a pouco fomos evolucionando, aprendemos a cultivar a terra, a manexar moitos instrumentos, descubrimos novos mundos e inventamos unha chea de cousas…
Outra volta sobre un clásico entrañable da Literatura Infantil e Xuvenil galega, con poemas musicados, algúns deles que evocan os campos, o bulir da fauna dos bosques e dos ríos, e a vida cotiá da infancia no medio rural.
“Poemar o mar” é un libro infantil e xuvenil da editorial xerais e ademáis é perfecto para os rapaces de 9 anos cara diante. Xa vai pola 3ª edición. O protagonista destos versos é o mar.
Carlos quere saber que pasaba na época dos seus tataravós. Pero a historia empeza moito antes, cando os humanos nos pareciamos máis aos monos que ás persoas. Pouco a pouco fomos evolucionando, aprendemos a cultivar a terra, a manexar moitos instrumentos, descubrimos novos mundos e inventamos unha chea de cousas…
Outra volta sobre un clásico entrañable da Literatura Infantil e Xuvenil galega, con poemas musicados, algúns deles que evocan os campos, o bulir da fauna dos bosques e dos ríos, e a vida cotiá da infancia no medio rural.
