O alumnado do centro tivo o placer de presenciar o espectáculo "Varietés do animalario" do grupo de teatro O Paporrubio. Durante unha hora, nun contexto humorístico e divertido, a raposa e o lobo vense envoltos nun conflicto pola propiedade dunha pereira con sete peras, á que misteriosamente vanlle desaparecendo as peras. No texto vense cuestionados os roles habituais que teñen a zorra e o lobo na cultura galega de tradición oral; os dous se convirten en vexetarianos, son rexeitadeos polos seus grupos habituais de compañía e acaban sendo compañeiros a causa do amor pola Pereira e as sete peras.
Durante estas últimas semanas, tanto o alumnado como os mestres do CEIP Oza dos Ríos estivemos a argallar nunha versión da canción "Presumo de galego" do grupo galego Cuarta Xusta. Co gallo da celebración do Día das Letras Galegas, enchemos toda a semana de actividades e xogos que teñen a lingua galega como denominador común. Desexamos que vos guste este video
O pasado xoves tivemos a oportunidade de recibir unha charla por parte do persoal da Cruz Roja de Betanzos. A temática da charla destinada aos alumnos de 4º, 5º e 6º de E.P. foi sobre o acoso escolar, prevención do mesmo e concienciación dos nosos rapaces sobre esta problemática tan importante na actualidade.
O alumnado de 5º e 6º de E. Primaria tivo a oportunidade de asistir á charla "Navega con Rumbo", unha iniciativa encamiñada a que os rapaces naveguen dunha forma segura pola rede afastandoos do ciberacoso e os introduza no uso responsable das novas tecnoloxías e as redes sociais. Estas charlas son froito dun acordo de colaboración entre o Colexio Profesional de Enxeñería en Informática de Galicia e a Consellería de Educación.
No noso caso, ademais, esta actividade está enmarcada dentro do Plan Dixital do Centro deste curso xa que temos deseñado coma un dos obxectivos do mesmo "acadar un maior coñecemento por parte do alumnado dos riscos e perigos ocasionados por facer un mal uso das novas tecnoloxías por parte do alumnado do último ciclo de E. Primaria" a través da realización de diferentes charlas e talleres de concienciación.
Onte 29 de abril, tivemos a oportunidade de asistir ás xornadas "Obradoiro de acompañamento emocional nas infancias contemporáneas" impartidas polo psicólogo e educador social Juan Carlos Permuy, cofundador do gabinete CoidadosAmente. Durante dúas horas fixo un repaso polos puntos chave ao redor do acompañamento emocional en nenos e adolescentes. Nesta ocasión, ademais dos membros do claustro, abrimos á charla ás familias do noso alumnado, cunha moi boa resposta por parte delas. Esta actividade está enmarcada no programa Emociona-T da iniciativa Contratos-Programa CP Inclúe da Xunta de Galicia da que formamos parte nos últimos anos, priorizando o benestar emocional do alumnado na procura dun desenvolvemento integral deste.
O alumnado de 5º e 6º de E. Primaria segue a traballar no proxecto "Arquitecturas da Memoria". Esta semana tocounos traballo de campo xa que saímos de excursión polo concello a xeolocalizar fragmentos das historias que os nosos entrevistados nos relataron ao longo do curso. O seguinte paso será cargar todos os datos e os audios na aplicación deseñada a tal efecto. Moi pronto teredes noticias da presentación pública deste proxecto transversal no que tanto esforzo, traballo e interés estamos a poñer.
Co gallo da celebración do Día do Libro propuxémosvos que fixerades unha actividade de carácter voluntario que consistiu en que escollerades un conto que lle gustase aos vosos fillos/as e que cos materiais que tiverades a man recreásedes a súa portada, poñendo como protagonistas da mesma aos rapaces.
Desde o día de onte comezamos a poñer no taboleiro situado enfrente á biblioteca as vosas creacións e temos que felicitarvos pola voso inxenio. Hai verdadeiras obras de arte¡¡¡ E sobre todo, moi divertidas¡¡¡
Por outra banda, animamos aos que aínda non fixeron a actividade a que a fagades. Tedes toda a semana para entregala¡¡¡¡
Os rapaces de 6º E.P. xa están de volta despois de realizar a excursión fin de curso que os levou ao norte de Portugal, concretamente ao complexo de multiaventura Pena Aventura. Puideron disfrutar de diversas actividades no medio natural como tirolina (a máis grande de Europa), camiñar polas árbores, escalada en roca, paintball, karts ou minigolf. Disfrutaron dunha climatoloxía estupenda e pasaron uns días do máis divertido.
Agradecer profundamente o traballo e a dedicación da súa titora Sandra, que xunto co noso director Juan, acompañaron aos rapaces nesta viaxe. Tamén desexamos dar as grazas ao concello de Oza Cesuras que colaborou facéndose cargo dos gastos de transporte, a todos os compoñentes do claustro de mestres e da comunidade educativa que colaboraron cos rapaces de diferentes formas e, por suposto, a todas as familias que tedes colaborado nestes meses de forma activa nas diversas actividades organizadas para recadar fondos.
O pasado venres os rapaces de 6º E.P. e a sua titora organizaron un bingo e un mercadillo para recaudar fondos para a excursión fin de curso a Portugal que están a realizar esta mesma semana. Queremos agradecer a todos os que asististes a vosa colaboración en dito evento xa que a participación foi masiva e, nomeadamente, ao supermercado Eroski, Carnicería Maribel, Casa Segundo, Panadería Pita, Bar Pacheco e Teixido Flor que xenerosamente doaron as cestas coas que se premiaban aos gañadores das diferentes partidas de bingo que se celebraron.
A xornada rematou cun sorteo dun xamón entre os que mercaron as rifas que venderon os rapaces durante as semanas previas.
Unha vez máis, moitísimas grazas a todos pola vosa axuda e implicación.
O pasado venres organizouse no centro a I Carreira Solidaria CEIP Oza dos Ríos. Todos os rapaces do centro participaron nunha pequena carreira pedestre no parque anexo. As dúas primeiras probas tiveron como protagonistas ás familias xa que pais e nais participaron xuntamente cos seus fillos e fillas. Posteriormente, as carreiras por ciclos completaron a xornada atlética.
O único requisito para participar era traer calquera tipo de alimento non perecedeiro. Todos estes alimentos foron entregados aos servizos sociais do Concello de Oza-Cesuras que os distribuirá segundo as necesidades existentes.
Dende a dirección do centro queremos agradecer ás familias a súa colaboración participando nesta actividade e tomamos o compromiso de que esta actividade teña continuidade en vindeiros anos
