Deixámosvos nesta entrada novos capítulos creados polo noso alumnado de Radio RumorOza.
Os nenos de 4º andan a xogar ca máquina do tempo que construiron os maiores do cole. Neste programa visitan varios momentos da prehistoria. Colaboración especial de Luci, Iván, Enzo, Xoel e Noa, das aulas de 4 e 5 anos.
Por outra banda, Aylín, Manu, e Dani viaxan no tempo ata a época na que os Romanos conquistaron Galicia. Este Podcast conta ca colaboración especial de Antón , Marco e Olivia da clase de 1º de Primaria.
O vindeiro sabado 10 de xuño o Concello de Oza-Cesuras organiza un roteiro nocturno polos petroglifos descubertos recentemente na parroquia de Seselle, entre as 21h e as 00h. A actividade inclúe unha merenda e seguro de balde. Máis info na imaxe inferior.
Publicamos grazas á xentileza e dedicación dos membros da ANPA un vídeo resumo con imaxes das diversas actividades extraescolares organizadas polo Concello de Oza dos Ríos durante este curso académico. Aproveitamos para lembrarvos que estedes atentos durante este mes, xa que en breve sairá a data de matriculación para as actividades extraescolares do vindeiro curso.
Segundo a Orde de 10 de maio de 2023 pola que se regula a participación no fondo solidario de libros e se convocan axudas para adquirir libros de texto e material escolar, queda aberto o prazo ata o 21 de xuño para presentar as solicitudes.
A forma de presentación poderá ser vía telemática ou presencial no centro. Quen precise os impresos en formato papel os poderá recoller na conserxeria do centro.
O pasado venres 12 os rapaces de 3º, 4º, 5º e 6º EP visitaron a parroquia de Seselle para facer unha visita guiada polos petroglifos recentemente atopados na zona. A visita, organizada polo concello, incluiu un roteiro con actividades xogadas mediante as cales os rapaces foron quen de coñecer máis polo miúdo a súa contorna.
Xa temos listo a montaxe fotográfica coas imaxes das actividades que levamos a cabo co gallo do Día das Letras Galegas celebrado este ano conxuntamente cos Maios. Aproveitamos a xuntanza para entregar os premios aos gañadores do concurso de relatos organizado polo centro. Noraboa a todos¡¡
Onte martes tivemos o pracer de poder asistir a un concerto improvisado durante o recreo por parte do noso profesor de música Pablo Pardo e Kike da Escola de Música de Oza. Os pequenos pasaron un rato divertido grazas a interpretación de diversos temas por parte destes dous virtuosos do saxo.
