Xa pasou un mes de confinamento e son numerosas as propostas que se dedican a coidarvos, a vós, as familias, porque sodes as que agora estades a facer un gran traballo. Por iso, desde este departamento queremos achegar o noso graniño de area a este gran esforzo que estades a facer día a día.
Todos: equipos directivos, profesores, familias, alumnos e alumnas estamos a nos adaptar a esta nova situación que nos está tocando vivir… e peques, a cada un de vós botámosvos de menos.
Así que desde a nosa fiestra, que é esta páxina web, queremos favorecer unha actitude positiva que vos axude a mirar e a vivir co maior optimismo posible esta situación.
Para o que vos deixo unha ligazón onde se nos convida a explorar as emocións e sentimentos á vez que se reforza a lectoescritura, o razoamento, a creatividade,… Desde as editorial PALABRAS ALADAS S.L., que comparten material didáctico gratuíto, obséquiannos neste caso cun marabilloso libro coa súa correspondente proposta de actividades dirixidas ao alumnado desde os 3 ata os 12 anos.
https://www.palabrasaladas.com/amar_en_cuarentena_por_el_coronavirus.html
Esperamos vervos pronto, mentres tanto, animo e fortaleza!!
