CEIP Oza dos Ríos

 A Consellería ven de publicar no día de hoxe a instrución sobre comedores escolares vixente para o curso 23-24. Debido a tardanza coa que este ano se fixo a publicación desta circular, comezaremos a recoller as solicitudes a partir do 1 de setembro. Durante a última semana do mes de agosto recibiredes unha mensaxe Abalar para recordarvos os días nos que poderedes recoller os impresos e entregalos no centro.

As nais/pais ou titores legais que desexen anotarse para ser colaboradores no servizo de comedor deben enviar un correo electrónico a ceip.oza.rios@edu.xunta.gal

Podedes consultar a instrución de comedores completa premendo AQUÍ

Dimos peche ao curso académico 22-23 co festival fin de curso. Desexamos agradecer enormemente a colaboración dos membros da ANPA que, como xa é costume, adican desinteresadamente o seu tempo na organización do evento. Tamén a destacar o feito de que foron elas as responsables da elaboración das fotos grupales que lles foron entregadas aos vosos fillos recentemente. Moitas grazas.

Tamén nos gustaría agradecer o grande esforzo realizado para levar a cabo con éxito o festival ás familias, ás titoras e tamén ao alumnado. Sen a colaboración de todos non tería sido posible.

Pasade todos unhas boas vacacións.

Despedimos con moita tristura ao noso alumnado de 6º de EP que remata a súa etapa no centro. Un grupo estupendo de nenos e nenas, formado por boas persoas cun gran corazón que esperamos que teña todo o éxito do mundo no futuro. Deixámosvos un video montaxe na súa honra elaborado a través de Radio RumorOza. 

Presentámosvos a penúltima entrega de episodios elaborados polo alumnado de Radio Rumoroza.

Luci Rey e Mario Dopazo, alumnos de 4º E.P. viaxan á época visigoda, onde se atopan cos seus compañeiros Manu e Irene. Posteriormente, Eric e Inés regresan uns centos de anos despois onde coñecen a un pobre campesiño e ao conde que goberna esas terras (coa particpación de Izan e Ángela da clase de 3º E.P)

Manu Ledo e Vera viaxan igualmente á Idade Media, onde coinciden cunha invasión Viquinga e coñecen a Bluetooth e a Lagerta, dous famosos nórdicos representados por Martina e Izan.

Luci Loureda, Daniela e Saúl viaxan á Florencia do ano 1500, alí coñecen a Leo Da Vinci e Michelangelo, representados por Asier e Carlota de 5º E.P. Non é de perder¡¡¡

Na seguinte ligazón poderedes atopar a listaxe cos libros de texto correspondentes ao curso 2023-2024.

PREMA AQUÍ

Un saúdo