A biblioteca está incluída no Plan de Mellora de Bibliotecas Escolares (PLAMBE) e emprégase o programa MEIGA para a súa xestión.
Adoptouse a CDU, para que ao alumnado lle sexa máis práctico e sinxelo atopar os libros ou devolvelos da biblioteca.
De forma resumida explicamos ditas adaptacións.
Desta CDU respectouse os números 0, 1, 2 e 7 e modificouse o 3, 5, 6 e 9 que etiquetamos como CM (Coñecemento do Medio).
O número 8 está clasificado por xénero literario (T =Teatro, P= Poesía, BD= Banda deseñada, N= Narrativa) e, neste ultimo caso, pola lingua na que están escritos: NG ( Narrativa en galego ), NC ( Narrativa en castelán ), NI (narrativa en inglés), NP (narrativa en portugués).
Todas as etiquetas son de cor branca, agás as de coñecemento do medio que son verdes.
Sobre as etiquetas colocouse un adhesivo circular que indica para que idade está aconsellado.
Estas cores son:
Azul: Prelectores
Vermello: Primeiros lectores
Verde: Lectores autónomos
Amarelo: Lectores expertos
Ditas etiquetas teñen tres partes:
1ª liña: Unha ou dúas letras que indican o xénero ao que pertence o libro e o indicativo do idioma no que están escritos (só no caso da narrativa).
2ª liña: Tres letras maiúsculas que indican as tres primeiras letras do apelido do autor.
3ª liña: Tres letras minúsculas que fan referencia ao título da obra.
Os libros están colocados nos estantes distribuídos en varias zonas:
-Narrativa para Infantil e primeiro ciclo
-Narrativa para o segundo e o terceiro ciclo
-Enciclopedias e dicionarios
-Poesía e teatro
-Coñecemento do medio
-Zona de adultos
-Plástica
-Libros de edición propia
Dentro desas zonas están colocados por orde alfabética de autores, e finalmente por títulos.
Os CDs e DVDs están situados nos estantes dunha sala do edificio administrativo no que tamén creamos unha biblioteca profesional. O material informático está basicamente na aula destinada a este fin.
