Novas

O día 30 de xaneiro celebramos no noso centro o Día da Non Violencia e a Paz. Para dar comezo, dous alumnos de Primaria leron un manifesto para a Paz. A continuación, todo o alumnado, profesorado e persoal do centro participamos nunha coreografía elaborada por Alba, a nosa mestra de Música, da canción "A mi me gusta la vida" de Funambulista.

PORQUE... "GÚSTANOS A VIDA!"

Podedes ver o vídeo premendo na imaxe.

O noso alumnado déixavos un novo capítulo do Programa "TAS OU NON TAS", onde nos falan dos chícaros, un produto moi presente na historia da xente de Foz, xa que supuxo un recurso moi importante na mesa e nas economías familiares no século pasado.

O 21 de decembro celebramos no colexio a despedida do ano. Foi un día moi divertido. Podedes ver un resumo premendo na imaxe.

Hoxe tivemos a grata visita da filla do apalpador, Antía Vázquez, acompañada do músico André Espiñeira, para deleitarnos cun formato de contacontos musicado e interactivo onde se mesturaron cantigas, lendas e dinámicas. 

Esta actividade está organizada pola Vicepresidencia da Diputación de Lugo co obxectivo de promover a presenza de tradicións propias na representación do Nadal e ofrecer a nenas e nenos unha proposta de lecer en galego nestas datas.