Primeiro, antes da nada, eu, Coguleo, quero dicirvos o seguinte:
Eu encóntrome moi pero que moi entusiasmado con esta nova casa que teño e do chula que quedou. Desde agora mesmo, gozaremos dunhas incribles e espectaculares vistas ao noso Mar Cantábrico. Xa me sinto arroupado outra vez cos libros que me rodean e que locen en novos e prácticos andeis. Podo ver como as cores se reflicten e brillan grazas ás paredes que están pintadas de cores. A verdade é que quedaron chulísimas.
Temos moito, moitísimo máis espazo que antes e xa nos podemos sentar nos novos sofás da biblioteca. Neles estamos aínda máis cómodos ca nunca, se cabe. Estrearemos novas mesas e novas cadeiras para estarmos sentados comodamente mentres lemos libros e máis libros. Ah, e tamén hai libros para os máis pequerrechos e moitos para os máis grandes do lugar.
Os profes están tan ledos coma min. Eu nunca os vira así de felices na vida.
Pero, sobre todo, e por riba de todo canto hai neste mundo, desexo que este agasallo nos traia máis e excitantes e alucinantes lecturas, que nos sirva para que todos os pícaros deste colexio me podan visitar tanto ou máis e aínda moito máis que nunca.
Agora vou querer velos todos xuntos moitas máis veces e nas actividades que tanto nos gustan de lectura, ou cando vexamos unha peli na super mega grande pantalla de vídeo, ou cando representen para min e todos os demais obras de teatro ou novos contos, eses que tanto nos gustan porque saímos neles, ben guapos por certo.
É que estou tan emocionado que xa non me saen máis palabras bonitas porque para bonita a NOVA BIBLIOTECA DO CEIP FONDO-NOIS, o noso colexio que mirade como o pasamos de ben na inauguración...
Na páxina de tamén nos ofrecen a súa cunha morea de filmes a xeito de contos solidarios.
A continuación deixamos unha selección dalgún deles, aptos para menores de 12 anos:
Kirikou e as bestas salvaxes (Kirikou et les bêtes sauvages) Dirección: Michel Ocelot y Bénédicte Galup. País: Francia Ano: 2005 Duración: 75 min. ir á web oficial»
Apta para todos os públicos (TP)
O avó, no seu trono da gruta azul, cóntanos cómo Kirikú se converte en xardineiro, detective, oleiro, comerciante, viaxeiro e médico e como o máis pequeño e valente dos heroes terá que buscar no seu interior para atopar o valor, a astucia e a xenerosidade necesarias para triunfar sobre o mal.
Cinzas no ceo (Cenizas en el cielo) Dirección: José Antonio Quirós. País: España Ano: 2008 Duración: 96 min. ir á web oficial»
Apta para maiores de 7 anos (N.R.M. 7)
Ferguson, un escocés aventureiro que escribe guías turísticas, visita o norte de España para completar a súa última publicación. A autocaravana que conduce déixao entalado non precisamente á beira dunha fermosa praia senón baixo as chemineas dunha central térmica. Vese obrigado a permanecer alí, e descobre un novo mundo...
Os limoeiros (Etz limon) Dirección: Eran Riklis. País: Israel, Alemania e Francia Ano: 2008 Duración: 106 min. ir á web oficial»
Apta para todos os públicos (TP)
Salma, unha viúva palestina, decide librar unha batalla contra o ministro de Defensa de Israel, cuxa casa linda co seu campo de limoeiros, na fronteira entre Israel e os Territorios Ocupados. A policía non tarda en decretar que as árbores de Salma representan unha auténtica ameaza para o ministro de Defensa e a súa familia, e ordena que se tallen...
A banda visítanos(Bikur hatizmoret) Dirección: Eran Kolirin. País: Israel e Francia Ano: 2007 Duración: 90 min. ir á web oficial»
Apta para maiores de 7 anos (N.R.M. 7)
A banda visítanos segue as desventuras dunha banda de músicos exipcios que por un malentendido acaban perdidos nun pequeoo poblo israelí no medio do deserto. A rutina diaria dos habitantes deste pobo verase completamente trastocada...
Viva Cuba Dirección: Juan Carlos Cremata Malberti País: Cuba, Francia Ano: 2005 Duración: 80 min. ir á web oficial»
Apta para maiores de 7 anos (N.R.M. 7)
Malú e Jorgito son dous nenos que se prometeron amizade para toda a vida, a pesar de que as súas familias se detestan. Cuando a avoa de Malú morre e a súa nai decide irse vivir fóra de Cuba, Malú e Jorgito terán que escaparse até a fin do mundo en busca dunha esperanza para o seu amor.
Binta ten sete anos, vive nuha preciosa aldea no sur do Senegal, e vai ao colexio. A súa curmá Soda non ten esa sorte. A ela permítenlle aprender as cosas que ignora deste mundo. Binta admira a seu pai que, preocupado polo progreso da humanidade, está empeñado en levar a cabo algo que se lle ocorreu.
O neno que quería ser un oso (Drengen der ville gøre det umulige) Dirección: Jannik Hastrup País: Dinamarca e Francia Ano: 2002 Duración: 75 min.
Apta para maiores de 7 anos (N.R.M. 7)
Unha osa polar dá a luz a un cachorro morto. O compañeiro, para aliviar a súa pena, decide roubar un neno para que ela o adopte. O neno aprende o modo de vida dos osos e cando é devolto á súa familia biolóxica non consegue adaptarse. Anhela a súa anterior vida e síntese como un oso.
A bicicleta de Pequín (Shiqi sui de dan che) (Beijing bicycle) Dirección: Wang Xiaoshuai. Países: China, Taiwan, Francia. Ano: 2001. Duración: 113 min.
Apta para maiores de 7 anos (N.R.M. 7)
Película chinesa sobre o valor dunha bicicleta, a loita por ese medio de transporte como única posibildade de futuro, o odio, o amor, a amizade a través dunha bicicleta en pleno século XXI.
O encerado (Takhté siah) Dirección: Samira Makhmalbaf País: Irán, Italia Ano: 2000 Duración: 85 min.
Apta para todos os públicos (TP)
Un grupo de profesores viaxan polo Kurdistán cargando cos seus encerados ás costas en busca de estudantes aos que ensinar. No camiño atopan moita xente maior e formas de vida variadas, tratando de axudar e compartir o coñecemento con calquera persoa que estea disposta a aprender.
Nen un menos(yi ge dou bu neng shou) Dirección: Zhang Yimou País: China Ano: 1999 Duración: 106 min.
Apta para todos os públicos (TP)
É a historia dunha nena obstinada que pelexa polo seu posto e tenta manter a clase completa, loitando contra a pobreza extrema. Ela, pouco máis vella cós seus alumnos, irase convertendo nunha mestra real ao longo do filme.
Ladrón de Bicicletas (Ladri di Biciclette) Dirección: Vittorio De Sica País: Italia Ano: 1948 Duración: 90 min.
Apta para todos os públicos (TP)
Dirixida por Vittorio De Sica, esta película emprega todas as peculiaridades do estilo neorrealista: unha historia simple sobre as vidas de personas comúns e correntes, todo isto contraposto a unha problemática social como foi a da Italia despois da Segunda Guerra Mundial.
Desde a páxina de ofrécennos a oportunidade de disfrutar con esta lectura enriquecedora que nos levará por un camiño moi ecolóxico da man do personaxe
Vicentiño, paxaro do río Miño:
Para saber +: Contos Solidarios é un proxecto cultural, medioambiental e de solidariedade promovido polo contacontos galego Anxo Moure, que dende o ano 1989 percorre as terras de Galiza, Asturias, Portugal, O Bierzo..., contando historias solidarias coa terra e coas persoas que a habitan.