You are hereLETRAS GALEGAS 17.05.2020

LETRAS GALEGAS 17.05.2020

By Anónimo - Posted on 17 Maio 2020

Moi bo domingo!

Comezamos o día de hoxe con algo de música:

Como xa sabedes, o 17 de Maio é o día das Letras Galegas, e aínda que este ano, dadas as circunstancias que estamos vivindo, se pospuxo a celebración dese día, nós, dende o centro, queremos homenaxear ó autor deste ano con algunha actividade, polo que vos propoñemos o seguinte:

Para todos os cursos e aqueles alumnos que desexen participar: propoñémosvos debuxar unha caricatura de Calero, onde, ó lado, escribades a vosa palabra favorita en galego e o lado nos expliquedes porque vos gusta esa palabra.
Para 5º e 6º: gustaríanos que buscarades rúas das provincias galegas co nome do autor, e sacar unha captura de pantalla ou foto de dita rúa. Cada grupo tendes asignada unha provincia, de xeito que a 5ºA tocouvos A Coruña, 5ºB deberedes centrarvos en Lugo, 6ºA tendes Pontevedra e para 6ºB asignousevos Ourense.

https://www.lavozdegalicia.es/noticia/ourense/toen/2020/05/13/span-langgl-colexio-toen-concello-viana-do-bolo-proponen-actos-as-letras-galegasspan/0003_202005O13C2994.htm

Ambas tarefas terán como data límite de entrega o venres 22 de maio, e deberedes envialas ós vosos titores.

Ademais, deixamosvos estas ideas para aqueles que queirades coñecer e traballar algo mais sobre Carvalho Calero.

A través deste enlace poderedes ver unha serie de caricaturas que o debuxante Siro elaborou, seguro que vos da ideas para debuxar a vosa!

https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0008.html

Neste outro enlace tendes información sobre a vida do autor:

https://www.lingua.gal/o-galego/promovelo/dia-das-letras-galegas

Se o que queredes son Unidades didácticas para traballar sobre o escritor, podedes acudir a estoutro enlace, hai algunhas en galego e outras en portugués:

https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0009.html

"As pitas baixo a choiva" é unha páxina web que nos ofrece uns recursos moi chulos e amenos para aprender sobre Calero, conta con música, un conto e unha Unidade didáctica:

http://aspitas.gal/

E coma todo-los anos, a web do Seminario Galán ofrécenos unha morea de recursos adaptados a diferentes idades para homenaxear, coñecer e traballar os autores homenaxeados cada ano nesta data tan importante para a nosa terra. Se premedes en cada un dos libros podedes acceder a distintas actividades, biografía, videos, xogos e incluso antigas fotografías:

http://seminariogalan.org/inicio/portada

E para táqueles con vena artística, un par de enlaces por si vos animades a participar. Como cada ano, a marca Feiraco convoca un concurso de relatos breves, este ano, ademais, engadiu a novidade dun Certame Infantil de Artes Plásticas moi interesante. Dende o centro animámosvos a participar, pois teredes a oportunidade de sacar á luz ese talento que moitos de vos tendes e ademais.... os premios son moi xugosos!!!

Adxuntos van un par de documentos mais sobre o autor.

E finalmente, unha serie de xogos, para que disfrutedes e o pasedes en grande!: