CEIP CANOSA-RUS

Estimadas familias: No calendario escolar que figura publicado nesta web con data 6 de xuño de 2022 podedes acceder á información relativa aos períodos de vacacións e días non lectivos deste curso 2022-2023. A continuación indicamos un pequeno resumo:

Período de vacacións de Nadal: do 23 de decembro ao 6 de xaneiro, ambos inclusive.

Período de vacacións de Entroido: 20,21 e 22 de febreiro.

Período de vacacións de Semana Santa:  do 3 ao 10 de abril, ambos inclusive.

Festivos locais do Concello de Coristanco para o ano 2023: martes de entroido (día 21 de febreiro) e venres, 19 de maio.

Día do ensino a nivel autonómico coa consideración de non lectivo: 31 de outubro.

Estimadas familias: Mañá empezamos as clases e ponse en marcha o servizo de comedor deste novo curso con moita ilusión e algúns cambios que descubriremos mañá. Deixamos o menú de setembro no adxunto. Un saúdo. 

Estimadas familias: Todas aquelas persoas que estean interesadas en colaborar no comedor escolar durante este curso 2022-2023 poden presentar a solicitude no centro. O prazo para presentala xa se comunicou a través da web do centro que se iniciaba a principios de xullo pero necesitamos que se hai máis persoas que queiran desempeñar as funcións de colaboración co comedor que este martes, 6 de setembro acheguen ao centro ou ben a través do correo electrónico a solicitude debidamente cuberta e asinada. O modelo de solicitude a cubrir está dispoñible para poder descargar na páxina web. Moitas grazas. Un saúdo. O equipo directivo.

Estimadas familias: O horario lectivo durante o mes de setembro é de 09:30hs a 14:30hs. De 14:30hs a 15:30hs será o tempo de comedor para todos aqueles que queiran facer uso do mesmo. Se algunha familia non quere facer uso do comedor durante o mes de setembro, deberá comunicalo ao correo do colexio coa maior antelación posible para poder organizar de forma óptima o servizo tendo en conta o número de comensais previstos. Lembramos que non se permite a entrada de alumnado do centro antes das 09:10hs. A partir de outubro o horario lectivo do noso centro será distinto do que tamén informaremos no seu momento. Un saúdo. O equipo directivo.

Estimadas familias: Durante este curso 2021-2022 levamos a cabo un proxecto de xestión integral de residuos no noso centro. Nos corredores de cada un dos andares hai contedores grandes amarelos e azuis que empregamos para depositar o papel e cartón que xeramos durante a nosa actividade diaria e tamén os envases. Contamos tamén cun pequeno contedor de pilas e baterías que despois se incorpora ás que se recollen na entrada do colexio, posto que somos un dos puntos de recollida de pilas e baterías do Concello de Coristanco que se encarga de xestionar a recollida periódica deste tipo de residuos que tanto contamina.

Estimadas familias:

Hoxe  remata o horario de atención ao público, tanto de xeito presencial como telefónico e telemático.

Todas as familias que teñan trámites pendentes, deberán xestionalos a partir do 1 de setembro no horario de atención, que se publicará nesta mesma páxina web.

Un saúdo.

O equipo directivo

Estimadas familias: Xa está publicada no taboleiro de conserxería a listaxe definitiva de admitidos e excluídos de Fondolibros. Os beneficiarios de vales para libros e/ ou material, xa están dispoñibles para ser recollidos polas familias os días: 12, 13 e 14 de xullo, en horario de 10:00h a 13:00hs. IMPORTANTE: No caso de que a persoa que veña recoller os vales non sexa nai/pai/titor/titora legal do alumno ou familiares directos, deberán traer unha autorización por escrito da familia indicando os datos identificativos da persoa autorizada.

• Ler máis