Skip to Content

Campamento conciliación de verán

Xov, 2022-05-05 14:46 — admin
Estimadas familias, difundimos esta información sobre o CAMPAMENTO CONCILIACIÓN DE VERÁN:
 
Dáse publicidade á listaxe provisional de persoas admitidas no Campamento de verán 2022 do Concello de Coristanco para promover a conciliación da vida familiar e laboral, así como a listaxe de agarda para realizar os chamamentos nos casos de renuncia dalgunha das persoas admitidas.
Dispoñen dun prazo de 10 días laborais a contar dende mañá para formular alegacións ou presentar renuncias á praza, mediante solicitude disposta para o efecto nas dependencias da Biblioteca pública municipal ou ben mediante descarga na web municipal e remitila por correo electrónico (biblioteca@coristanco.gal).
Para o acceso aos pertinentes anexos: https://www.coristanco.gal/campamento-de-conciliaci

Menú de maio

Mér, 2022-05-04 15:15 — admin

Aquí vos deixamos o menú de maio, cuxo menú especial de fin de mes está relacionado co Día das Letras Galegas!

Segundo período de distribución de froitas frescas

Dom, 2022-05-01 14:52 — admin

Estimadas familias: O luns, 2 de maio iniciamos o segundo e último período de distribución de froitas frescas no colexio. O reparto de froita, para todo o alumnado que desexe consumila, terá lugar durante dez días lectivos consecutivos finalizando o vindeiro venres, 13 de maio. Un saúdo. O equipo directivo. 

LISTAXE ADMISIÓN PROVISIONAL ALUMNADO CURSO 2022-2023

Ven, 2022-04-22 15:37 — admin

Con data do 22 de abril,informamos da Publicación da Resolución Provisional de alumnado admitido no centro para o curso 2022-23.

Informamos de que todo o alumnado, tanto de Educación Infantil como Educación Primaria que presentou a solicitude, está admitido e está exposto no taboleiro de conserxería. Aínda así, publicarase a resolución definitiva antes do 15 de maio de 2022 no devandito taboleiro.

DIRECTRICES SOBRE O USO DAS MÁSCARAS NO ÁMBITO EDUCATIVO NA COMUNIDADE AUTÓNOMA DE GALICIA

Ven, 2022-04-22 11:19 — admin

Menú de abril

Mar, 2022-04-12 22:51 — admin

Aquí vos deixamos o menú do mes de abril que poderedes continuar degustando cando voltemos ao cole despois do merecido descanso. Vémonos o martes!

Campaña de Campamentos de Verán 2022

Mar, 2022-04-12 15:50 — admin

Estimadas familias: A continuación publicamos a información que nos fixo chegar hoxe o Concello de Coristanco respecto á Campaña de Campamentos de Verán 2022 na residencia do IES Rosalía Mera. Un saúdo. O equipo directivo. 

Convocatoria de Axudas de Estudos do Concello de Carballo.

Mar, 2022-04-12 15:32 — admin

Estimadas familias: A continuación publicamos a información que nos fixo chegar hoxe o Concello de Carballo respecto á convocatoria de axudas de estudos para alumnado de 2º ciclo de Educación Infantil e estudos de Grao Elemental ou Profesional no Conservatorio Profesional de Música de Carballo. Curso 2021-2022.

Vacacións Semana Santa 2022

Ven, 2022-04-08 12:06 — admin

Lembrámosvos que dende o luns 11 ata o luns 18 de abril, ambos os dous inclusive estaremos de vacacións. Vémonos o martes 19 de abril! Un saúdo, O Equipo Directivo

Convocatoria de bolsas de carácter xeral para o curso 2022/2023

Lun, 2022-03-21 09:57 — admin

Queridas familias: O sábado 10 de marzo publicouse no BOE a nova convocatoria de bolsas de carácter xeral para o curso 2022/2023.O prazo para presentar as solicitudes é do 30 de marzo ao 12 de maio, inclusive (A presentación realízase a través da sede electrónica do Ministerio de Educación

Novas COVID

Xov, 2022-03-17 09:06 — admin

Estimadas familias: O pasado 1 de marzo de 2022, tras a valoración da situación epidemiolóxica actual por parte das diferentes comunidades autónomas, a Comisión de Salud Pública chegou a un acordo a partir do cal se elimina a recomendación de corentenar aos contactos estreitos a nivel comunitario. 

Axuda a Ucraína de forma eficaz

Ven, 2022-03-11 19:30 — admin

Estimadas familias: Deixamos aquí o comunicado conxunto sobre a crise humanitaria de Ucraína onde se recollen unha serie de recomendacións para axudar de forma eficaz á poboación do país que tanto está a sufrir desde fai varios días. Un saúdo. O equipo directivo.

Menú de Marzo

Lun, 2022-03-07 21:18 — admin

Dentro dunhas semanas daremos a benvida á primavera e a novas cores, paisaxes, flores, froitos...mentres non chega imos agardar con calma ata que sexa o momento de gozar da nova estación. Aquí tendes o menú de marzo, esperamos que vos guste!

Inicio do segundo período de distribución de lácteo

Ven, 2022-03-04 22:51 — admin

Estimadas familias: O próximo luns, 7 de marzo empezamos o segundo período de distribución de leite líquido de consumo no noso centro. Será durante vinte días lectivos consecutivos e con el finaliza a distribución de lácteos concedida ao noso centro. A principios de maio empezará o segundo período de distribución de froita para todo o alumnado. Un saúdo. O equipo directivo.

Vacacións de Entroido

Xov, 2022-02-24 01:19 — admin

Estimadas familias: Lembramos que os días 28 de febreiro, 1 e 2 de marzo son días non lectivos este curso e polo tanto non haberá clase. Un saúdo. O equipo directivo. 

Distribuir contido


by Dr. Radut