CEIP CANOSA-RUS

O prazo para presentar as solicitudes de colaboración no comedor escolar durante o curso 2024-2025, está aberto ata o 22 de decembro de 2024.

As persoas interesadas deberán cubrir a solicitude correspondente acompañada da documentación necesaria que se detalla no arquivo adxunto. Esta documentación ten que ser entregada no centro educativo.

Horario no que se desenvolverán as funcións de colaborador de comedor escolar durante o curso, e polo tanto é imprescindible estar dispoñible: setembro e xuño (14:20-15:35); outubro a maio (12:40-14:35, xoves 12:20-14:00).

Publicada a ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.

Xa está publicada no BOE a Resolución pola que se convocan as axudas para alumnos con necesidade específica de apoio educativo para o curso 2024-2025 (BECAS NEAE). O prazo para solicitalas é dende o 30 de abril ata o 13 de setembro, ambos inclusive.

A solicitude debe cumprimentarse de forma telemática mediante o formulario accesible nas direccións www.educacionyfp.gob.es e https://sede.educacion.gob.es .

Estimadas familias: Informamos que todo o alumnado que solicitou a admisión de praza no centro foi admitido na resolución provisional. Poden consultar as listaxes no taboleiro interior que hai na entrada do colexio. Un saúdo. O equipo directivo.

A investigación é fundamental para a innovación e para dar unha resposta educativa acorde ás necesidades actuais e reais. Por iso, dende o CEIP Canosa-Rus queremos colaborar co Traballo de Fin de Grao que está a desenvolver Fátima Cambre Lamas, estudante do Grao de Educación Primaria da Universidade da Coruña. O TFG trata sobre a Educación Matemática na etapa de Educación Primaria e para levar a cabo esta investigación está realizando unhas enquisas para os distintos colectivos da comunidade educativa.

A continuación podedes acceder ás enquisas (ANÓNIMAS) que ván destinadas ás familias, ao alumnado e aos docentes. Agradecemos de antemán a colaboración.

ENQUISA DOCENTES

ENQUISA FAMILIAS