Aproveitando que despois do Entroido estábamos todos un pouco cansos e cansas, decidimos facer diferentes recantos de traballo na aula. Así, empregamos dúas sesións nas cales cada un dos grupos debía pasar por cada recuncho e facer as tarefas que nel se pedían.
RECANTO 1: Programar a abella Bee Boot. Así, eles mesmos escolleron o taboleiro no que querían traballar, a meta a que querían chegar, o itinerario a seguir e os turnos á hora de programar. Para algún era o primeiro día con isto dos robots e, para a maioría, un recordo do traballo cos mesmos. Aínda así, cada día sorpréndenme máis. Sodes moi grandes pequenos xigantes!!!!
RECANTO 2: Memory.Queríamos incluír este novo material no recanto de xogos de mesa, así que, que mellor maneira de mostralo e coñecer o seu uso que facendoo todos/as á vez. Así, debemos tirar o dado, identificar a cor, sacar un "boneco" e ver se coincide co da nosa tirada. Se é así, xa temos un, se non, debemos ser capaces de lembrar onde estaba xa que o xogo non termina ata que todos esteñan fora. Finalmente, debemos contar quen ten máis e, ese, será o gañador/a.
RECANTO 3: Lego. Creamos as nosas propias construccións engadindo os engranaxes máis complexos para mellorar as nosas obras e permitir así o seu movemento.
RECANTO 4: ABN. Facemos torres cos policubos e asociamos a cantidade á grafía correspondente.
RECANTO 5: Mesa de luz. A única premisa é disfrutar coa experimentación da luz e a creacción de diversas obras artísticas.
RECANTO 6: Xogo de coordinación. Este material aínda nos costa un pouco dominalo, pero confío plenamente que, en nada, serán expertos en realizar cada unha das súas tarxetas. Así, deben intentar coordinar os movementos e desprazamentos das fichas, para igualar o modelo da tarxeta escollida.