Escolares

Bo día rapazas e rapaces.

Un día menos para deixar atrás esta situación. Aínda quedan uns cantos días por diante así que, para non perder o hábito, vou deixar varias ligazóns para que poidades ir repasando ao voso ritmo.

Esta é a miña proposta, pero tedes unha morea de recursos na rede (VEDOQUE, MUNDOPRIMARIA, CEIPLORETO,...) onde poder escoller.

Non deixedes pasar a oportunidade de participar na elaboración dos vosos diarios de corentena, que á volta compartiremos cos compañeiros e compañeiras, e dedicada un intre, todos os días, á lectura.

Un saúdiño  

Fernando

**** No caso de que non nos deixe entrar: a maioría das actividades multimedia están pensadas para ser executadas nun ordenador habilitando o permiso a Adobe Flash Player. De non ser posible podemos acceder a estes ou outros links a través do seguinte roteiro:

CEIPLORETO/CURSO/EDITORIAL (a que queirades) e, unha vez dentro escollede as unidades didácticas relcionadas coa saúde, hábitos saudables, alimentación,... e todas as actividades que queirades 

Propoñemos a seguinte tarefa, dirixida de 6 a 12 anos, para realizar diariamente durante o tempo que permaneza o centro pechado:

Imos escribir un diario en galego onde contemos todo o que facemos cada día e como nos sentimos.

Poden engadirse debuxos e pode facerse tanto en papel como en soporte dixital.

Cando voltemos á escola serán entregados aos mestres e mestras para ser correxidos.

Lembrade:

- Poñer a data.

- Coidar a ortografía e a presentación (podemos utilizar diccionarios se é preciso).

- Usar correctamente as maiúsculas e os signos de puntuación.

- Manter un orde e coherencia á hora de redactar.

Non hai extensión mínima nin máxima, cada neno escribirá o que poida en función do seu nivel.

Saúdos e que teñades moi boa semana! 

As mestras e mestres do CEIP da Barqueira.