Skip to Content

Charla "Perigos e malos usos das TIC na infancia e na adolescencia"

Lun, 30/05/2022 - 21:07

Estimadas familias:No centro elaboramos unha enquista sobre os usos tecnolóxicos do noso alumnado e  os resultados foron preocupantes.  Pensamos organizar unha charla sobre o tema e queremos contar coa presenza do Dr.Antonio Rial Boubeta.

Precisamos saber cantas persoas estarían dispostas a asistir . Sería un martes do mes de xuño (7, 14 ou 21) a partires das 17:30.

Para comunicar a vosa asistencia podedes empregar o modelo do documento informativo  que achegamos como adxunto ou comunicalo ao centro por teléfono ou correo electrónico.

 

Convocadas as axudas para adquisición de libros e material Primaria. Axudas MEC NEAE

Mér, 18/05/2022 - 18:26

A partires de mañá ábrese o parzo para solicitar as axudas de libros e material para Educación Primaria convocadas pola  Consellería de Cultura , Educación , FP e Universidades. Na seguinte dirección tedes toda a información e os anexos https://www.edu.xunta.gal/fondolibros/ 

Tamén os tedes impresos no centro . O  prazo remata o 22 de xuño.

No anexo figura un resumo de todo o proceso.

O MEC tamén abriu o prazo para solicitar as axudas de  alumnado con NEAE.Mañá subiremos o enlace e a información da que dispoñamos.

 Un cordial saúdo da Equipa Directiva

Axudas do Concello para comedor, material e actividades

Mér, 04/05/2022 - 09:53

Nos  documentos adxuntos tedes a información sobre as bolsas convocadas polo  Concello para material, comedor e actividades extraescolares.

O prazo de solicitude  é de 10 días hábiles a partires do seguinte da publicación no BOP.

 

 

 

Publicación de listaxes provisionais de admisión

Ven, 22/04/2022 - 08:02

Están expostas no centro as listaxes provisionais de persoas que teñen asignada praza no proceso de admisión. 

Resultado provisional do proceso de admisión

Mar, 29/03/2022 - 13:53

Unha vez rematado o prazo de solicitude de admisión comunicamos que están admitidas todas as solicitude de 4º de EI e 5º de EP. 

O resto de solicitudes están pendentes de baremar en 6º de EI ou no resto dos cursos  á espera de que se confirme a admisión de alumnado noutros centros nos que fixeron solicitude.

Última xornada de portas abertas

Sáb, 12/03/2022 - 22:14

O vindeiro martes 15 entre as 16:30 e as 17:30 terá lugar a última xornada de portas abertas . As persoas que non están inscritas poden facelo chamando ao teléfono do centro ou enviando un correo electrónico.

Solicitude de admisión

Xov, 24/02/2022 - 13:26

   Estimadas familias. Do día 1 ao 21 de marzo é o  período de solicitude de admisión .

   No apartado de "Admisión" teredes toda a normativa , a relación de vacantes e en canto esté dispoñible os modelos de solicitude. 

   No apartado de "o centro" a información relativa a instalacións,  mapa  de zona de influencia, rúas de zona de escolarización, no apartado  "transporte" as rutas do transporte escolar.

   A información dos servizos complementarios. Tamén nos apartados "madrugadores" e "comedor" 

Un cordial saúdo.

A equipa directiva

 

Desfile de Antroido

Xov, 24/02/2022 - 13:24

Estimadas familias. Como xa sabedes, mañá celebraremos o venres de antroido e volvémolo sacar fóra do centro.

Este ano tócalle  ao barrio da Almáciga. Sairemos do cole sobre ás 10:40 e voltaremos sobre ás 11:30. O percorrido será polas rúas Proxecto Vagalume,Teo,Touro,Pino,Betanzos e Proxecto Vagalume.

Utilizaremos a beirarúa dereita e as familias que queirades acompañarnos pedímosvos  que utilicedes  a esquerda. 

Para manter os grupos burbulla é fundamental que o alumnado de cada curso permaneza en todo momento co seu grupo polo que vos rogamos que non separedes as crianzas do seu grupo nin vos metades vós a formar parte del.

Esperemos que para o curso que vén teñamos oportunidade de xuntarnos no centro unha vez que remate o desfile.

Un afectuoso saúdo.

A Equipa Directiva

Xornadas de portas abertas.

Mér, 16/02/2022 - 12:13

Os días 24 de febreiro e o  3 de marzo terán lugar as xornadas de portas abertas para que poidades coñecer as instalacións do centro.

Será ás 17:00 e a visita durará  aproximadamente unha hora.

Cada día cubriránse un máximo de 20 prazas e, de ser preciso, poríamos un terceiro día o xoves 10 de marzo.

Debido a situación sanitaria agradeceríamos que viñésedes unha persoa por familia e que non traiades as crianzas.

Unha vez rematado o proceso de admisión, se  a situación sanitaria o permite, faremos visitas para familias coas crianzas.

Para pedir cita podedes chamar ao 881867930 ou enviar un correo electrónico ao ceip.apostolo.santiago@edu.xunta.gal .

En breve subiremos á páxina toda a información do proceso de admisión. 

Saúdos afectuosos

A Equipa Directiva.

Información aula de 6º

Lun, 14/02/2022 - 22:38

Estimadas familias, trala aparición de 4 casos positivos na aula de 6ºA EP (18 alumnos) nos últimos 7 días, superando o 20% establecido no protocolo, considérase necesario corentenar como contactos estreitos ao resto de alumnado da aula agás o alumando que:

1.-Teña a pauta de vacinación completa anterior ao 26 de xaneiro de 2022 .Se foi positivo nos últimos 6 meses e ten unha dose da vacina anterior a esa data actúase como se tivese a dose completa .

2.- Pasara a enfermidade nos últimos 6 meses ( se foi positivo nos últimos 3 meses non ten que facer nin corentena nin vixianza e se foi positivo entre 3-6 meses non fará corentena pero si vixiancia sen poder acudir ao comedor) 

A corentena domiciliaria é de 7 días a contar dende a data de contacto co último caso positivo (día 10 de febreiro) se se realiza PDIA (PCR ou test de antíxenos en sitio homologado), non en domicilio entre o 5º-7º día, ou de 10 días si non se realiza PDIA.

Achegase a información de contactos con corentena e contactos en vixianza.

Un afectuoso saúdo.

A Equipa Directiva

Distribuir contido


by Dr. Radut