No documento adxunto figura a listaxe de libros de texto para o vindeiro curso 23/24.

Recoméndase non mercalos ata que se inicien as actividades lectivas por se non son precisos todos.

As listaxes provisonais das axudas de libros e material didáctico contamos publicalas mañá. Estarán expostas na porta de cristal de acceso ao centro.

En canto se coloquen enviaremos un comunicado por ABALAR xa que hai  dous días de prazo para reclamar .

As definitivas contamos poñelas o 7 de xullo e os vales de libros ou material  poderán recollerse no centro os  días 11 ou 13 de xullo en horario de 10:00 a 14:00 ou no mes de setembro.

Estimadas familias:  Poñemos á vosa disposición o modelo para modificar  os datos das vosas crianzas en canto á utilización ou non do transporte escolar e a elección de materia optativa  de relixión ou, atencion educativa en Educación Infanti e proxecto competencial en Educación Primaria.

En canto a o uso de transporte son usuarias autorizadas aquelas nenas e nenos que están en zona de escolarización do centro. As persoas que teñen o seu domicilio fóra da zona de escolarización e queren facer uso do transporte teñen que presentar unha solicitude no centro cada curso e de haber vacantes seránlles concedidas mentres se manteñan a circunstacia de prazas libres.

Un cordial saúdo.

Os números afortunados son para o primeiro lote o 158  e o 220 para o segundo lote.

No blogue da biblioteca teredes a gravación do sorteo.

De non aparecer os boletos afortunados  seredes informados  a través da páxina e procederase a un segundo sorteo.  

INFORMACIÓN BOLSAS NEAE 2023-2024

Recentemente vén de publicarse a convocatoria para a solicitude de bolsas e axudas dirixidas ao alumnado con Necesidade Específica de Apoio Educativo.

O prazo para a presentación das bolsas será do 8 de maio de 2023 ata o 20 de setembro de 2023.

Esta presentación deberá facerse a través de medios electrónicos (https://sede.educacion.gob.es/portada.html). Igualmente, a copia da solicitude e a documentación que a acompaña deberá entregarse no centro educativo antes do 20 de setembro.

Á espera de recibir máis instrucións por parte dos organismos educativos, as axudas están destinadas ao alumnado que presente as seguintes características:

- Axudas directas e subsidios para o alumnado, incluíndo ao alumnado con TDAH (Trastorno por déficit de atención por hiperactividad), que requiran por un periodo da súa escolarización ou ao longo de toda ela, determinados apoios e atencións educativas específicas derivadas de discapacidade, de trastornos graves de conduta ou de trastornos graves da comunicación e da linguaxe asociados a necesidades educativas especiais.

Tamén poderá ser beneficiario de axudas directas e subsidios o alumnado con Trastorno do espectro autista (TEA), non incluido no párrafo anterior, e que requira destes apoios e atencións educativas específicas.

Para acceder ás axudas tamén deben cumprirse determinados requisitos de carácter económico e patrimonial que veñen recollidos na convocatoria. Para máis información, achégase o enlace á mesma:

Convocatoria%20NEAE%20curso%202023_2024%20Firmada.pdf

É recomendable que as persoas interesadas en solicitar as bolsas comecen a recompilar a documentación necesaria. Isto é:

- Certificado de discapacidade (de existir).

- Certificado de empadroamento.

- Certificación bancaria na que conste o alumnado beneficiario como tituar ou cotitular da conta.

- Certificación dos gabinetes ou centros para a reeducación pedagóxica, da linguaxe ou programas específicos para alumnado con altas capacidades.

- Copia do DNI/NIE das persoas proxenitoras, alumnado, así como copia do libro de familia.

Para máis información, podedes poñervos en contacto co Departamento de Orientación.

Un cordial saúdo.

Comunicamos  que está admitido todo o alumnado que solicitou praza en 4º de Educación Infantil e 4º de  EducaciónPrimaria.

Para o resto de solicitudes non dispoñemos de vacantes. As listas provisionais de persoas admitidas  e non admitidas publicaranse a mediados de abril.