Estas semanas os nenos e nenas de infantil estiveron aprendendo que froitos podemos recoller no outono. Para recordalos todos fixeron este fermoso mural.

Os nenos e nenas de 6º de Primaria sorprendéronnos o último día cunha actuación brillante na que recordaron as cancións e bailes que  máis lles gustaron durante o seu paso polo cole de Oural.

Desde o cole tamén quixemos darlles as gracias por todo o que nos aportaron estes anos, e recordarlles, como di no vídeo "Non vos esquezades que aquí quedamos, desfrutando os vosos logros e coas mans tendidas se algunha vez nos necesitades".

Os nenos e nenas de infantil foron de excursión. A súa primeira parada foi o viveiro "Os Trollos" onde José lles ensinou un montón de cousas interesantes.

A súa segunda parada foi no museo do ferrocarril en Monforte. Alí viron trens moi antiguos e ata se subiron en varios deles.

O mes pasado tivemos unha visita moi especial, a dos nenos e nenas do cole do Incio. Cando chegaron fixemos varios xogos pa coñecernos todos un pouco mellor. Despois, tivemos a actuación do mago Carlos, que nos sorprendeu con numerosos trucos de maxia que deixaron aos nenos e nenas abraiados. Aquí vos deixamos unha pequena mostra do ben que o pasamos. 

Pincha na imaxe para acceder a noticia

Os nenos e nenas de 2º de Educación Primaria, con motivo do día do libro, realizaron este audiolibro para fomentar a lectura desde as ideas máis temperáns.

Este ano no noso cole levamos a cabo o proxecto "Plantamos o noso monte" desde Voz Natura. Neste vídeo contámosvos todo o traballo que fixemos nos últimos meses. Con el, queremos animarvos a todos a seguir o noso exemplo, para que non esquezades nunca, que sen montes, sen árbores e sen plantas non podemos vivir.

Onte os alumnos e alumnas de Infantil, 1º e 2º de Primaria asistiron as actividades  da "Semana das letras e lecturas" organizadas polo concello de Sarria.