Durante este ano, tanto nas clases de música como de plástica, traballamos coa proposta de "Proxectando en verde" como  fío condutor do curso.

   Así, no 2º nivel coa cantiga "Buscando Papá Noel", fixemos un mural dun bosque de Nadal e cantamos coa música de Susa Herrera.

Fixemos carteis con slogans para salvar o planeta, un mural primaveral con árbores, plantas e animais de todo tipo.

    Na clase de música aprendemos e cantamos a cantiga popular  ”Tres hojitas madre” cunha sinxela coreografía.

     No 3º nivel a partir da mesma cantiga fixemos debuxos, un libro para a biblioteca e cantámola así:

    No 4º e 5º nivel traballamos a partir da cantiga “ Aparta loureiro verde”.  E no 6º nivel aprendimos a tocala coa  frauta doce.

 LER  PREMENDO AQUÍ O ARTIGO COMPLETO COS TRABALLOS DOS RAPACES.

2º NIVEL

  Neste nivel traballamos durante este curso, conxuntamente os titores e titoras de segundo curso e a mestra especialista en Educación musical a partir da canción “Buscando Papá Noel” de Susa Herrera.

Traballamos tanto nas clases de música como de plástica durante o mes de decembro e durante o desenvolvemento da Unidade Didáctica do Nadal.

Nesta ligazón, publicada recentemente, está reflectida a nosa experiencia:

http://www.edu.xunta.gal/centros/ceipamaia/?q=node/610

Coa chegada da primavera tratamos de seguir co fío condutor,  que sería de novo un alegre e transformado bosque primaveral.

Retomamos para iso os slogans que traballaramos no Nadal, pero nesta ocasión propuxemos aos nenos/as de segundo, que en equipos e na clase de plástica, fixeran un cartel e que o decoraran.

   Aproveitando a saída a Apípolis, os nenos e nenas fixeron debuxos de abellas e bolboretas para decorar o mural. Completamos o mural con flores e algúns paxariños. En equipos tamén tiveron que  elaborar animais vertebrados. Para iso vimos distintas imaxes destes animais e observamos as súas características principais.

E así de bonito quedou o noso mural!

  Na clase de música aprendemos e cantamos unha cantiga popular sobre as árbores: ”Tres hojitas madre” e tamén fixemos con ela, unha sinxela coreografía. Todos se animaron a participar, pois o fixemos a modo de xogo: cada un propoñía un paso ou movemento e todos o repetíamos, iso si, ao ritmo sempre da música. Finalmente, cada clase creou a súa propia coreografía que os nenos e nenas de segundo, non se cansaron de bailar e practicar. 

3º NIVEL

  Traballamos  como no segundo nivel, a partir da canción “Tres hojitas madre”, conxuntamente titoras e a mestra de música.

  Unha vez motivados xa foi moi fácil aprendela, pois a todos nos gustou moito e logo nas nas clases de plástica, os nenos e nenas debuxaron libremente a partir da cantiga aprendida. Con todos eses debuxos tamén fixemos un libro para a biblioteca.

4º e 5º NIVEL

   Traballamos a partir da cantiga popular galega “ Aparta loureiro verde”.   Vimos fragmentos de vídeos coa interpretación da canción por distintas formacións instrumentais. Comprobamos, entón que é unha canción moi coñecida e popular en Galicia.

Cantamos a canción seguindo a letra e acompañados pola frauta pola nosa mestra de música.

6º NIVEL

   Traballamos tamén coa cantiga “Aparta loureiro verde” pero aprendendo a tocala e interpretala coa frauta doce.

Para empezar, na clase de música, propuxemos aos nosos alumnos/as que buscaran e seleccionaran na rede, cantigas populares galegas cuxo tema foran as árbores ou  as prantas.

Logo fixemos unha posta en común sobre a información atopada.

Na plataforma de Edixgal e dentro da área de música, se lles proporcionaron aos nenos e nenas diversas ligazóns con recursos, para traballar a cantiga e aprender a tocala, xa de forma máis autónoma, pero guiados sempre,  pola mestra de música.

O centro Autonómico de Formación e Innovación (CAFI) en colaboración co CEIP A Maía, CEIP Agro do Muíño e CEP de Ventín, organiza unha charla coloquio coa psicóloga especialista, Isabel López Arias sobre "ACOSO: PREVENCIÓN, DETECCIÓN E POSIBLES ACTUACIÓNS" o luns 18 de xuño, ás 17:30h na Casa de Cultura de Bertamiráns.

Sabemos que é un tema que nos preocupa a todos: familias, profesorado e alumnado, así que agardamos contar coa  vosa asistencia o vindeiro luns.

   Fai uns días recibimos a visita dalgúns dos pequenos da gardería O Bosque que se incorporarán en setembro a este centro. Viñeron coa directora e as súas profes e trouxéronnos un precioso móvil que agora está pendurado na entrada do colexio. Os alumnos de 5 anos ensináronlles as súas aulas e agasalláronos cunhas flores feitas por eles.

    Hoxe tivemos  a reunión cos pais e nais que se incorporarán para o vindeiro curso... e como o prometido é deuda este é o video de Benvida que mostra un pouco o día a día no cole.

   Cristina, que é Policía Local do Concello de Ames, coordinou unha saída para falarnos de SEGURIDADE VIAL. Acompañou cos seus compañeiros esta  andaina das tres clases de 5 anos desde o colexio polas rúas de Bertamiráns. Cristina, Eva e Martín ensináronnos a ver as rúas con máis responsabilidade.

   De volta pararon no Pazo da Peregrina onde as titoras tiñan organizado un xogo de busca. Sós ou mellor en grupo, tíñan que localizar unha serie de cousas a partir das fotografías que se lles entregaron no panel: plantas, letreiros, marcas nas pedras, elementos arquitéctónicos...

E de remate merendaron no campo do Pazo. Pasárono moi ben! 

(máis información no blog de 5 anos DE 6ºA  PREMENDO AQUÍ)

SEGURIDADE VIAL

XOGO DE BUSCA NO PAZO DA PEREGRINA

   Ao longo do curso os alumnos participaron nun traballo en común, proposto desde o Equipo de Normalización a todo o Claustro, sobre todas as árbores e as plantas que temos no colexio... e por fin está rematado. Chámase "PROXECTANDO en VERDE"  e na  AULA VIRTUAL desta web tedes a disposición de todos o resultado da investigación sobre todas as especies do inventario. Agora, desde os máis pequenos de infantil ata os maiores, son pequenos expertos na súa especie. Decoráronse ademáis as portas das aulas coas especies traballadas.

Tamén se colocaron sinaladores a carón de cada especie co seu nome e  un código QR elaborado polo equipo de TICS desde o que podedes acceder a toda a información recollida.

 

Estimadas nais, pais, familias:

Como xa se vos informou por correo electrónico, queda fixada a reunión informativa coa directora do IESP de Ames, para o luns 4 de xuño, de 9:30 a 10:00h., na biblioteca do CEIP A MAÍA.

As familias do alumnado que finalmente non pasará ao IESP de Ames por ter feito reserva en outro centro, non teñen que asistir a esta reunión.

   Os alumnos de 6º de infantil fixemos unha saída ao Pazo do Faramello no Concello de Rois. Gonzalo Rivero de Aguilar, o seu dono, ensinounos o xardín e fixo con nós o recorrido mentras nos contaba a historia do Pazo e as labores de recuperación do contorno con especies autóctonas resistentes ao lume.

   Despois dunha longa camiñata polo entorno do Pazo merendamos coas familias e pasamos unha xornada moi especial.

  Coa axuda dos pais plantamos tres árbores do amor (cerquis siliquastrum) no Xardín do Recordo en memoria das víctimas do accidente do Alvia en Angrois. E colgamos un tendal co poema BICOS de Ana Mª Fernández. 

   Podedes ver como o pasamos no blog de 6ºA de infantil e nesta montaxe coas foto da visita.

  O pasado luns 21 os nenos de 5 anos achegáronse ao "Fogar do meu burro", un Centro de Terapia con animais na aldea de Lamas coordenado por Tomás, no que os protagonistas son os burros. Uns animais que, según Tomás, son moi respetuosos co ritmo dos demais e por eso os emprega para terapias. Podedes ver máis información no blog de infantil.

   Aprenderon a facer instrumentos musicais (Tomás leva anos coa musicoterapia) e a respetar a uns animais que son pacientes, lentos, tranquilos, colaboradores e sobre todo e a pesar do seu nome, moi intelixentes. 

Os alumnos e alumnas dos centros educativos de Ames participaron nesta proposta do EDNL  do Concello. Fixemos un tendal de poemas cos paxaros no paseo fluvial de Bertamiráns, na travesía do Porto no Milladoiro e no monte escolar de Carballo.

   Dous alumnos de cada clase foron elexidos por sorteo para representar aos seus compañeiros e levar os poemas que agora están pendurados das árbores para que disfrutedes lendo estos versos ilustrados.