Biblioteca

Propostas de actividade

Ao igual que no curso anterior, levamos a cabo un concurso de debuxo para que a nosa mochila do empréstito luzca a carón do noso proxecto documental sobre o Universo.

Cada nena e cada neno deseñou un debuxo sobre este tema, en negro sobre branco, a unha soa cor, xa que a mochila deste curso é de cor negra. Cada unha das aulas votou de entre todos os debuxos da súa clase e, posteriormente expuxemos os deseños gañadores para que toda a escola procedera a votación.

Aquí tedes todos os deseños

E o gañador foi... o número 7!!!!

Este mes de novembro é un mes moi importante, no que aproveitamos a conmemoración do 25-N para traballar aspectos moi importantes como o respecto, o trato igualitario, as mulleres importantes da nosa vida e da nosa contorna, e a igualdade.

Así, aproveitamos para poñer en marcha as mochilas da igualdade, que viaxarán ás casas para que en familia poidades compartir mementos de lectura cos cativos sobre este tema.

O 25 de novembro conmemórase o Dia contra a Violencia de Xénero. Na escola quixemos afonda no respecto cara o outro sexo, e fixemos unha pequena exposición fotográfica na que os nenos mostraban un cartel coa palabra RESPÉCTOTE, e as nenas portaban un cartel que dicía RESPÉCTAME.

Durante a semana do 25 de outubro inauguramos a nosa Biblioteca poñendo a proba as nosas aptitudes como detectives, coñecendo as distintas zonas da biblioteca e todo o que alí podemos atopar.

Nada máis chegar á Biblioteca atopabamonos unha maleta, encadeada e pechada cun cadeado que non podíamos abrir. Tamén había unha nota que nos levaba á zona da prensa para buscar unha palabra escondida entre os xornais:

A palabra escondida era MÚSICA. Así aprendimos que na nosa Biblioteca hai unha zona que contén libros con música e cds... Ao atopar esta zona descubrimos unha mensaxe segreda:

Esta mensaxe nos levaba á zona de lectura, a cada un dos grupos a súa zona de lectura, e alí atopábamos unha nova pista escondida entre os libros: dentro dun sobre había un quebracabezas...

Este quebracabezas conformaba a portada dun libro de consulta, e unha vez alí atopábamos un novo sobre cunha nova pista:

A nova pista nos levaba á zona de cómic, que ten unha nova ubicación dentro da Biblioteca. Alí, entre os cómics, atopamos un pendrive, que nos levaba á zona dos ordenadores:

No pendrive había un vídeo duns poemas dun libro sobre Rosalía de Castro. Tocábanos agora buscar a zona de poesía da nosa Biblioteca e atopar ese libro, cunha nova pista:

Xa queda pouco para rematar... Se o misterio queres liberar, nos xogos terás que buscar. Esta era a última pista, que nos levaba á zona de xogos.

Nos xogos por fin atopamos a chave que abría o cadeado e liberaba o misterio!!