Blogue de Vanesa

O martes foi o Día do té e as aulas 1 e 3, conmemorámolo dun xeito moi chulo!

Recolectamos un montón de infusións: roiboos, manzanilla, frambuesa, de naranxa... e moitas máis! 

Ulímolas, probámolas e pintamos con cada unha delas facendo un paisaxe primaveral.

Botade un ollo!

A semana das Letras Galegas foi intensa e fixemos unha morea de cousas: 

veu a visitarnos o alumnado do CEIP Illa Verde, fíxonos dúas obras de teatro e desfrutamos dunha chocolatada e duns xogos adaptados todos xuntos. Tamén traballamos diferentes refráns galegos e deixamos un mural ben bonito. Ademais, preparamos unha exposición sobre Luísa Villalta, na que colgamos as chaves dos nosos recordos en relación ao libro desta autora conmemorada "As chaves do tempo". E, por último e non menos importante, tivemos unha romería semellando os diferentes oficios galegos, desfrutamos de Os Xardois coa súa música tradicional galega e a visita das nosas familias.

Desfrutamos moito e aprendimos un montón de cousas!

Botade un ollo!

O alumnado das aulas 5, 6 8 e 9 celebraron un contacontos O Maio, con versos de Curros Enríquez e aproveitaron para facer os seus e coñecer as diferentes plantas galegas.

Ademais, cantaron e bailaron moito!

Queredes aprender algunha receita cos alimentos da nosa horta?

Aquí tedes algunha de elas, esta rapazada é toda unha experta!!!

Ata se animaron a probalas!

Este mércores 8 de Maio asistimos ao Correlingua na Plaza de Santa María de Lugo. Algúns de nós fixemos unha camiñata ao longo da Muralla e de diferentes calles de Lugo e outros, quedamos a merendar para coller forzas.

Logo, estivos no concerto de Cuarta Xusta, un grupo de rock que é unha pasada! Desfrutamos e bailamos un montón!

Botade un ollo e escoitade algunhas cancións deste grupo, estamos seguros de que vos gustarán!

Tamén, parte do cole foi a desfrutar dunha mañá soleada á Praza de Augas Ferreas e, polo que nos contaron, pasárono xenial!

DENDE AQUÍ ATE ACOLÁ, GALEGO XA!

Este luns 29 de Abril foi o Día do Universo e nós decidimos desfrutar un pouquiño del a través de actividades sensoriais. 

Ademais, coñecimos os planetas, a súa orde, a lúa, observamos a través dun telescopio... aprendimos un montón de cousas do noso universo!

O pasado 22 de Abril foi o Día da Terra. Para concienciarnos de que hai que coidala, unha Terra enfer,a, elaborada polos rapaces/as de Programas Formativos, foi rodando polas aulas e o alumnado do centro foi sanándoa con boas accións que axudan a que coidemos o noso planeta. Así, todos aprendimos unha morea de cousas que podemos facer para coidar da nosa Nai Terra e conseguimos unhas medallas por ser coidadores da mesma.