Flashcards

As flash cards inclúense como apoio ás unidades citadas, pero tamén poden servir para presentar ou repasar o vocabulario noutras unidades. Tendo en conta que o profesorado poderá seleccionar as flash cards que desexe para o seu uso na aula, algúns xogos de tarxetas incorporan máis vocabulario do que aparece nas unidades. Deste xeito, será o profesorado quen decida se interesa presentar novos items de vocabulario, dependendo do nivel de cada grupo.

Cada tema de flash cards contén 3 arquivos diferentes:

1. Un arquivo pdf onde as flashcards aparecen nun único arquivo, coa imaxe e a palabra nunha mesma cara. Para utilizalas, deberase dobrar a tarxeta á metade, de xeito que o alumnado só vexa unha das caras (a palabra ou a imaxe).

2. Un arquivo coas imaxes das palabras, que deberá imprimirse ou fotocopiarse no anverso da folla.

3. Un arquivo coas palabras, que deberá imprimirse ou fotocopiarse no reverso da folla anterior.