Tamén se suspenden as actividades escolares no exterior nas zonas da costa de Coruña e Pontevedra

A Consellería de Cultura, Educación e Ordenación Universitaria informa de que, adicionalmente á suspensión de actividade docente e do transporte escolar nos centros escolares situados nas zonas de montaña de Lugo e de Ourense e acordada para mañá 22 de xaneiro, que afecta á totalidade dos concellos de ámbalas dúas zonas climáticas, suspéndense as actividades fóra do recinto escolar nas zonas climáticas de Noroeste de A Coruña, Oeste de A Coruña, Suroeste de A Coruña, Rías Baixas, Pontevedra, e Miño de Pontevedra.

Tendo en conta que a Axencia Estatal de Meteoroloxía avisa dun adverso meteorolóxico por refachos de vento superiores a 100 Km por hora nas zonas climáticas de Noroeste de A Coruña, Oeste de A Coruña, Suroeste de A Coruña, Rías Baixas, Pontevedra, e Miño de Pontevedra, en atención ao risco declarado, a Comisión de Alertas acordou suspender as actividades fóra do recinto escolar.

A listaxe de concellos incluídos en cada zona climática pode consultarse na páxina web de Meteogalica (www.meteogalicia.es).