A Consellería de Cultura e Educación acredita a produción científica dos investigadores do programa Isidro Parga Pondal
Comprobouse o cumprimento dos requirimentos de calidade de produción dos investigadores que rematan o devandito programa
Nos cinco anos que durou o programa a Consellería investiu máis de catro millóns de euros nos 23 investigadores cuxos expedientes foron avaliados
A Consellería de Cultura, Educación e Ordenación Universitaria ven de resolver o proceso de acreditación da produción científica dos 23 investigadores do programa Isidro Parga Pondal da convocatoria do 2007, nos que se investiron preto de 4.1400.000 euros ao longo dos cinco anos que dura o programa.
Cómpre destacar que o proceso resolto é o relativo ao cumprimento dos requisitos de calidade de produción e actividade científico- tecnolóxica, que implican unha traxectoria destacada para os mencionados investigadores.
Dos 23 expedientes sometidos ao proceso de análise, a través da Axencia de Calidade do Sistema Universitario de Galicia (ACSUG), 18 de eles foron avaliados positivamente e polo tanto recibiran unha certificación que o acredite. De eses oito son da Universidade de Santiago, oito de Vigo e dous da Coruña.
Cómpre recordar que o programa Parga Pondal é contribuír a superar o déficit de recurso humanos no sistema de I+D de Galicia mediante as axudas á contratación de doutores cunha formación investigadora acreditada en organismos científicos estatais ou estranxeiros, para a súa incorporación ás universidades do Sistema Universitario de Galicia.
Esta avaliación que se realiza no último ano do contrato, supón, para os avaliadores que a superaran, unha acreditación de excelencia científica que lles dá a posibilidade de incorporación estable ás Universidades do SUG.