Bibliotecas Escolares Solidarias 2022/2023: centros seleccionados en Voluntariado de Lectura-Primaria e Selos "Biblioteca Escolar Solidaria"
Publicase a resolución da Dirección Xeral de Ordenación e Innovación Educativa, de 25 de maio de 2023, pola que se resolven dúas das iniciativas integradas no programa BIBLIOTECAS ESCOLARES SOLIDARIAS correspondentes ao curso 2022/2023.
Concédense os Selos "Biblioteca Escolar Solidaria" 2022/2023 a 5 centros educativos que se detallan, unha vez valoradas as candidaturas presentadas.
Así mesmo, selecciónanse 10 experiencias dun total de 50 memorias presentadas polos centros adheridos á iniciativa "Voluntariado de Primaria".
O programa "Bibliotecas Escolares Solidarias" é unha iniciativa integrada no Plan LÍA 2021-2025 de bibliotecas escolares, da Consellería de Cultura, Educación, Formación Profesional e Universidades, en colaboración coa Consellería de Política Social (Dirección Xeral de Xuventude, Participación e Voluntariado).
