Máis de 165.000 alumnos e alumnas comezan este venres o curso de educación secundaria, bacharelato e outras ensinanzas

Na xornada de mañá darán comezo as clases de 86.073 estudantes de educación secundaria, e para 30.790 de bacharelato. A eles súmanse os 34.000 de ciclos ordinarios e 2.416 de programas de cualificación profesional inicial (PCPI). En educación especial 1.249 estudantes comezan as clases do novo curso, nas ensinanzas artísticas serán 10.043 e nas deportivas, 442.

Cómpre sinalar que para o curso que comeza mañá a cifra provisional de matriculados en ciclos formativos ordinarios (xa que o prazo para inscribirse aínda está aberto) é de preto de catro mil estudantes máis o que demostra o interese que espertan estes estudos entre as galegas e galegos.  Ademais a esta cifra se lle engadirá as dos PCPI, así como a educación para adultos tanto presencial como a distancia.

Para incrementar a oferta relativa aos estudos de formación profesional a Consellería adaptou este curso sete institutos en centros integrados de FP, dando conta do traballo desenvolvido a prol da calidade educativa e para dar resposta ás demandas da sociedade.

Educación Secundaria

Un total de 86.073 alumnos empezarán o curso en centros galegos que imparten Educación Secundaria Obrigatoria en toda Galicia, fronte aos máis de 88.000 do ano pasado. Deles 45.918 cursarán estudos de 1º e 2º da ESO, mentres que 40.155 estudarán 3º e 4º da ESO. Por provincias, A Coruña conta con 35.250 alumnos matriculados na ESO, Lugo con 9.272, Ourense con 8.512 e Pontevedra con 33.039.  A distribución provincial segundo a titularidade dos centros é a seguinte:

Por centros públicos, privados con concerto e sen el as diferenzas respecto do curso pasado quedan do seguinte modo:

Nesta etapa educativa destaca un aumento do alumnado non nacionalizado español, que chega os 4.756, o que supón 408 alumnos máis que no curso 2009/2010.

Bacharelato ordinario

Mañá tamén comezarán o curso os alumnos do bacharelato ordinario. En total 30.790 estudantes están matriculados no curso 2011-2012, en ensinanzas postobrigatorias en toda Galicia. Deles, 12.571 están matriculados na provincia da Coruña, 3.503 en Lugo, 3.408 na provincia de Ourense e 11.308 en centros de Pontevedra.

Destes mesmos, na Coruña son 6.539 alumnos os matriculados no primeiro curso do bacharelato, 1.822 en Lugo, 1.824 en Ourense e 5.736 en Pontevedra. Así, suman 15.921 alumnos. No segundo curso, son 6.032 os matriculados en centros coruñeses, 1.681 en Lugo, 1.584 en Ourense e 5.572 en Pontevedra; facendo un total de 14.869 alumnos.

Por distribución provincial segundo a titularidade dos centros, a táboa é a seguinte:

Por rama do bacharelato, os datos do alumnado matriculado en Galicia, son os seguintes:

Nesta etapa educativa o alumnado non nacionalizado español, aumenta lixeiramente respecto do curso pasado.

Formación Profesional

No relativo aos estudos de Formación Provisional, as cifras aínda son provisionais, xa que a matricula continúa aberta tanto para os ciclos formativos, como para modular e a distancia. Cómpre destacar que nos datos provisionais dos ciclos formativos ordinarios xa mostran un importante incremento de estudantes respecto do ano pasado, de preto do 10% máis.

Ditas cifras, a espera de obter as definitivas, xa dan conta do interese que xeran estes estudos entre as galegas e galegos e que se ve reforzadas polas políticas levadas a cabo pola Consellería de Educación da Xunta de Galicia a prol da formación profesional coa conversión de sete institutos en centros integrados de FP. Unha conversión que supón un incremento significativo das cifras ofertadas para este curso que maña comeza.

Ciclos formativos ordinarios

No relativo aos estudantes de ciclos formativos ordinarios os datos provisionais indican que xa están matriculados 34.000 estudantes, dos que 26.706 corresponden a centros públicos, 3.000 a centros privados con ciclos non concertados, e 4.294 a ciclos privados concertados.

  *as cifras son provisionais, xa que a matricula continúa aberta

Destas cifras, 18.395 alumnos e alumnas corresponden a ciclos formativos de grao medio, e 15.605 a ciclos de grao superior. En ciclos formativos o alumnado non nacionalizado español tamén aumentou respecto curso 2011/2012.

 *as cifras son provisionais, xa que a matricula continúa aberta

Programas de Cualificación Profesional Inicial

Tendo en conta que a matrícula aínda continúa aberta, as estimacións de alumnos matriculados para o vindeiro curso nos PCPI son dun total de 2.416, 2.056 en centros públicos, 75 en centros privados non concertados e 285 en centros privados concertados.

Educación Especial

Un total de 1.249 alumnos empezarán o curso en centros públicos de ensinanza Especial en toda Galicia. Deles, 451 están matriculados en centros coruñeses, 74 na provincia de Lugo, 62 en Ourense e  178 en centros pontevedreses.

Ensinanzas musicais

Para o vindeiro curso 2011-2012 as estimacións de alumnado para as ensinanzas musicais son de 7.996 matriculados, dos que 3.236 corresponden á A Coruña, 1.135 a Lugo, 858 a Ourense e 2.767 a Pontevedra.

En base a se os alumnos estudan en conservatorios de música ou en centros autorizados, a táboa sería a seguinte:

Ensinanzas regradas de danza

En total son 347 os matriculados para o vindeiro curso 2011-2012, dos que 142 pertencen a A Coruña, 187 a Lugo.

Ensinanzas de Arte Dramático

No vindeiro curso serán 178 os alumnos en ensinanzas de arte dramática en toda Galicia, o que supón un incremento de 17 matriculados con respecto ao curso pasado.

Ensinanzas Profesionais de Artes Plásticas e Deseño

Para o vindeiro curso, os matriculados nestas ensinanzas serán un total 734 en Galicia, 95 en grao medio e 639 en grao superior. Deles, 374 pertencen a centros coruñeses, 78 a Lugo, 136 a Ourense e 146 a Pontevedra.

Ensinanzas Artísticas Superiores

Nesta modalidade os matriculados son 788 alumnos en ensinanzas dos cales 729 corresponden a estudos de deseño e 59 aconservación e restauración de bens culturais.

Ensinanzas deportivas

En Galicia hai un total de 442 alumnos matriculados neste tipo de ensinanzas, dos que 138 pertencen a A Coruña , 37 a Lugo, 21 a Ourense e 246 a Pontevedra.

Deles, 402 son alumnos de grao medio e 40 de grao superior.