A Consellería de Educación confirma que o vindeiro curso escolar haberá preto de 200 interinos máis que o ano pasado

A Consellería de Educación e Ordenación Universitaria confirmou hoxe que o curso escolar de secundaria e bacharelato, Formación Profesional e outras ensinanzas que se inicia este venres farano con 157 profesores interinos máis dos que tiñan estes niveis educativos nas mesma datas do 2010. Cómpre recordar que a cifra de interinos tamén se incrementou na etapa de infantil en 27, especialmente en pedagoxía terapéutica e audición e linguaxe.

Deste xeito a Consellería volve a demostrar os resultado do traballo desenvolvido pola administración galega a prol de garantir a axeitada atención docente a todo o alumnado galego, prestando especial atención ao apoio aos estudantes con necesidades específicas de atención educativa, así como o mantemento da calidade do ensino.

Prazas adxudicadas

Segundo afirmou o director xeral de centros e recursos humanos, José Manuel Pinal, “xa están adxudicadas as prazas que se van a cubrir polo profesores que están en expectiva e tamén polos interinos de cara ao curso que comeza este venres. Xa se coñecen os destinos e tomarán posesión de forma inmediata de xeito que todos estarán nos seus postos o venres para un comezo de curso normal”.

Neste punto o director xeral destacou que “se adxudicaron 3.043 prazas que se corresponden con 156 especialidades distintas e, como pasara en primaria, nesta etapa educativa tamén se incrementa o número de interinos en 157 máis que nas mesmas datas do 2010”. Así todos estes profesores poderán confirmar o seu destino nas listas publicadas na páxina web da Consellería de Educación.

Termos cuantitativos

Asemade sinalou que “as cifras dadas a coñecer pola Consellería confirman que en  termos cuantitativos increméntase o número de interinos”, xa que como recordou “a estas cifras de secundaria débense engadir os 27 interinos máis que xa teñen a súa praza en primaria e infantil, unha etapa na que destaca especialmente aumento do número de mestres de audición e linguaxe e de pedagoxía terapéutica”.

Deste xeito a Consellería de Educación volve a dar conta de seu traballo a prol da calidade educativa, xestionando eficientemente os recursos existentes e dando resposta as demandas educativas que se presentan nas distintas etapas educativas.