Case o 20% dos Premios Nacionais de Educación en ensinanza non universitaria 2013 son galegos
O IES de Ames, o CEIP Frián-Teis (Vigo), o IES Sánchez Cantón de Pontevedra e o Colexio Internacional SEK-Atlántico de Pontevedra foron catro dos 22 centros premiados en toda España por diferentes proxectos que contribúen a mellorar a calidade da educación
Estes galardóns, sumados aos resultados do Informe PISA e outros recoñecementos recentes, certifican o excelente momento polo que está a pasar a sistema educativo de Galicia
A Consellería de Cultura, Educación e Ordenación Universitaria, congratúlase de que case o 20% dos Premios Nacionais de Educación en ensinanza non universitaria para o ano 2013 convocados polo Ministerio de Educación, Cultura e Deporte distinguiran dous centros educativos e dous equipos docentes galegos dentro dos 22 galardóns concedidos. Estes premios, sumados aos resultados do Informe PISA e outros recoñecementos recentes, certifican o excelente momento polo que está a pasar a sistema educativo de Galicia.
A finalidade desta convocatoria é o recoñecemento do labor e a traxectoria educativa así como a dos proxectos educativos que contribúen á mellora da calidade da educación distinguindo as seguintes categorías diferenciadas en función dos destinatarios dos premios: centros docentes, carreira académica de investigación e innovación educativa, entidades para a promoción educativa e equipos docentes.
Deste xeito, na categoría de Centros Docentes, o Premio Nacional ao uso das Tecnoloxías Aplicadas a Educación recaeron no IES de Ames, polo proxecto ‘Os petróglifos de Ames’; e o CEIP Frián-Teis en Vigo recibiu o Premio Nacional ao Desenrolo de Competencias de Lectoescritura e Audiovisuais polo proxecto ‘A lingua sabe a pan’. Doutra banda, a Categoría Equipos Docentes, o Premio Nacional para o Uso das TIC como Apoio á Personalización da Aprendizaxe en Educación Secundaria foi para o IES Sánchez Cantón de Pontevedra, pola programación de aplicacións Android ‘APP Inventor’. O cuarto premios, tamén na categoría Equipos Docentes, foi para o Colexio Internacional SEK-Atlántico de Pontevedra, que recibiu o Premio Nacional para o Uso das TIC como Apoio ao Desenrolo da Creatividade e o Emprendemento dos Alumnos en Educación Secundaria, polo proxecto ‘Produtores de Cine’
Estes catro centros seguen a estela doutros colexios premiados en anos anteriores con estes galardóns que recoñecen o gran traballo realizado polos equipos docentes galegos e certifican a mellora tanxible do noso sistema educativo nos últimos cinco anos. A convocatoria deste ano 2013, na que participaron centros educativos e mestres de toda España, concede ademais un premio de 10.000 euros para os proxectos gañadores.