Skip to Content

error portada web

Hola, feliz ano a todos. Antes das vacacións ocorreu un erro na nosa web. Cando accedemos a web como invitado, aparece unha páxina de inicio distinta a nosa cunha mensaxe "Benvido ó teu novo sitio Drupal". Se entro co meu nome de usuario e contrasinal si aparece a páxina de inicio do noso centro. Non sei se o modifiquei eu sin darme conta ou que pasou. A ver se mo podedes arranxar ou dicirme como facelo. Grazas
‹ página de inicio desplazamento das barras da plantilla ›
  • APIs de Blogue

Posible problema de permisos...

j.casado - 13/01/2010 - 14:22
Ese "fallo" adoita vir provocado por un despiste nos permisos de roles. Probablemente modificástedes algo e, sen querer, o rol de usuarios convidados quedou sen permiso para ler certo tipo de contidos (habitualmente "páxina"). A teoría di que con restablecerlle a este rol o permiso de lectura debería arranxarse. Juan Casado, CEIP A Sangriña - A Guarda
  • APIs de Blogue

non atopo o fallo

iescastroalobre... - 15/01/2010 - 18:04
Hola Juan, mirei os roles de usuario anónimo(supoño que será este o que está mal) e non atopo nada relacionado con Lectura Páxina. Non sei o que modifiquei e non o sei arranxar. A ver se me podes indicar en que apartado está. Grazas
  • APIs de Blogue

Proba aqui:

j.casado - 15/01/2010 - 20:25
En principio, vou partir da base de que o usuario convidado non pode ver só a portada, xa que o resto de contido publicado aparentemente o pode ver calquera persoa que acceda á vosa web (eu mesmo estou vendo agora, por exemplo, as Normas básicas de funcionamento) e a vosa Mensaxe de benvida. Por tanto, quero pensar que o que non se ve é o tipo de contido chamado "sen catalogar" (Uncategorized nodes), que é como soe estar a presentación na portada (sen taxonomías asignadas). Imos tratar de arranxalo: 1.- Accede como admin 2.- Dentro do bloque de administración, pincha en "por módulo". Baixa ata o apartado "Taxonomy Access Control", e dentro del selecciona "Taxonomy Access: Permissions". Eu téñoo colocado como atallo directamente no bloque do usuario administrador, pero non lembro agora se o coloquei eu ou xa ben por defecto. Se ves que sae esto último (Permissions) cando accedas como admin, tamén serve e chegarás moito antes. 3.- Selecciona o rol para os convidados (Anonymous user) e pincha editar. 4.- Agora verás todas as taxonomías definidas para este usuario. Pincha en "Uncategorized nodes". Calculo que é aquí onde tes o problema. Deberías ter marcada só a opción "Ver". 5.- Unha vez activada, grava os cambios no botón de abaixo. 6.- Pecha a sesión de administrador 7.- Comproba que agora xa ves a portada como usuaria convidada ;) Con todo isto, deberías telo listo. Se modificaches algo nesta sección algún día, comproba que o anonymous user teña por defecto permiso (A de "Allow" in english) para ver todas as taxonomías que forman os bloques de toda a páxina (foros, categoría de departamentos, profesorado, etc...). Sorte, e xa me contas! Juan Casado, CEIP A Sangriña - A Guarda
  • APIs de Blogue

funciona

iescastroalobre... - 19/01/2010 - 18:02
Hola Juan, por fin funcioa; moitas grazas
  • APIs de Blogue

De nada! Alégrome que

j.casado - 21/01/2010 - 17:26
De nada! Alégrome que servira ;) Juan Casado, CEIP A Sangriña - A Guarda
  • APIs de Blogue

Boas

abalar.zonacero - 28/01/2010 - 18:34

Boas compañeiros, da gusto ver como hai participación no foro. Pouco a pouco a ver si se dinamiza, nós tentaremos pasar un pouco máis por aquí.

Un sáudo e ánimo!

-----------------

Grupo de Asesores SIEGA 

  • APIs de Blogue


forum | by Dr. Radut