Desde os nosos blogues persoais podemos experimentar coas distintas ferramentas web (a primeira, este editor dentro da páxina dinámica) para logo facer un uso didáctico que se recolla nos espazos dos departamentos respectivos. Estas bitácoras só estarán accesíbeis (e, daquela, visíbeis) aos e ás profes. Ademais, unha vez que se publica, premendo no título da nosa anotación (ou artigo, entrada, post) podemos editala e cambiar o que desexemos ou borrala.
O intercambio de ideas ao respecto terá que realizarse preferentemente no Foro, mais tamén dá xogo comentar as anotación d@s demais nos seus blogues.
Só fai falta que nos animemos, logo.
Velaquí un exemplo do pouco útiles que soen ser os titoriais, neste caso sobre como inserir imaxes. A cuestión é experimentar!
