O Ministerio de Educación ven de convocar as axudas para alumnado con Necesidade Específica de Apoio Educativo de cara ao vindeiro curso 2024-2025
O prazo de presentación de solicitudes vai do 30 de abril ao 13 de setembro de 2024.
As axudas van dirixidas a:
- Alumnado con Necesidades Educativas Especiais derivadas de discapacidade, trastornos graves de conduta ou trastornos graves de comunicación e da linguaxe.
- Alumnado con Trastorno por déficit de atención por hiperactividade asociado a discapacidade ou trastorno grave da conduta ou da comunicación e a linguaxe.
- Alumnado con Trastorno do Espectro Autista.
- Alumnado con Altas Capacidades.
Como novidades nesta convocatoria de 2024, destacar que o umbral de renda familiar requerido para percibir a axuda baixou un 5%, e que tamén se rebaixou do 33% ao 25% o grao de discapacidade que deben ter os solicitantes.
Mantense o subsidio de 400€ para axudar ás familias do alumnado con NEE nos gastos da vida cotiá.
Pinchando na imaxe teredes acceso ao sitio web dende o que formular a solicitude.
Toda persoa que precise asesoramento, pode acudir ao Departamento de Orientación.
