Nesta páxina podedes atopar moita información de voso interese: toda a información relativa ó instituto, visitar o interesante blog das actividades da biblioteca, consultar documentos ou arquivos dos diferentes departamentos, ver o blog de dinamización da lingua galega, consultar as actividades realizadas, ver fotos, etc. Toda esta información se irá incorporando á web ó longo do curso .
PROBAS EXTRAORDINARIAS DE SETEMBRO
Calendario das probas de setembro AQUÍ
LISTADO DE LIBROS DE TEXTO 2017/18
Preme AQUÍ para obter o listado completo dos libros de texto para o vindeiro curso
FONDO SOLIDARIO DE LIBROS DE TEXTO
Orde do 16 de maio de de 2017 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos no curso 2017/18
LETRAS GALEGAS 2017
|
Alumnos de San Cibrao practicando por primeira vez a BILLARDA
|
Celebrando o Día das Letras Galegas 2017, o pasado 20 de maio o noso centro coa colaboración do IES Illa de Sarón mantiveron unha xuntanza en San Cibrao con varias actividades:
- Deporte tradicional, con demostración e práctica tutelada de billarda e bolos, coa axuda de expertos nestas modalidades deportivas tradicionais que lles axudaron ós alumnos/as de San Cibrao e Xove as técnicas básicas para iniciarse nestes deportes tan relegados hoxe en día pero que son a base da nosa cultura actual.
- Baile e música galega coa actuación do grupo SAIÑAS de Xove, que nos obsequiou con varios bailes e músicas do seu repertorio.
|
CORRELINGUA 2017 EN VIVEIRO
 |
O pasado 9 de maio os alumnos e alumnas de primeiro curso de ESO,
acompañados polos profesores de lingua galega e por Manuel Yáñez,
desprazáronse a Viveiro para partcipar no xa tradicional Correlingua,
participando das actividades propostas, sobresaíndo o alumno Xosé
López Lamelas ó quedar terceiro na carreira entre todos os rivais da
comarca.
|
INTERCAMBIO CON FRANCIA
|
O noso centro xunto co veciño IES Illa de Sarón de Xove, participan nun intercambio cun centro francés da localidade de Poilly-lez-gien , situado no centro de Francia. Os alumnos/as franceses do college "Les Clorisseaux" recibiron ós nosos 16 alumnos as nas súas casas no pasado mes de marzo e coñeceron a vida cotiá dos seus compañeiros franceses e visitaron os lugares máis interesantes da zona e un día tiveron a sorte de poder coñecer París. Asimesmo, os alumnos/as franceses visitaron ós seus coorespondentes no noso centro e disfrutaron durante unha semana coñecendo a nosa xeografía e cultura.
Alumnos/as franceses visitando Sargadelos
|
 |
ABAU 2017: Así será a nova Selectividade
ROTEIRO LITERARIO EN RIBADEO : FARRUCO GRAÑA
|
Farruco Grana, autor do libro "O Soño de Xoan" acompañou @s alumn@s do IES Marqués de Sargadelos nun roteiro polos lugares de Ribadeo onde acontece a trama.
Unha forma nova e amena de entrar en contacto co creador literario e tamén cos lugares onde se inspira a novela así como outros elementos que axudan a entender o proceso de creación.
Acompañaron ós alumnos/as de 1º de bacharelato os profesores de F¡losofía, lLngua Castellana e Lingua Galega
|
 |
PROGRAMA ATRÉVETE : Aprendemos a ser emprendedores
|
|
Ilusión e confianza, esa é a mensaxe que nos transmitiron na fundación CEL o pasado 23 de Febreiro . Ese día os alumnos de 2º ESO acercámonos ó viveiro de empresas da fundación no marco do PROGRAMA ATRÉVETE, organizado pola Consellería de Cultura, Educación e Ordenación Universitaria para fomentar a actitude emprendedora entre os escolares galegos e no que o noso IES participa por segundo ano.
Fixemos un percorrido polas instalacións acompañados do xerente da Fundación CEL, Rodolfo Ojea, e puidemos charlar con algúns dos emprendedores que desenrolan os seus proxectos no viveiro. Despois varios emprendedores de varias empresas: Raiola Networks, 3edata e Alcia Servicios contaronlles en primeira persona a ilusión e a importancia de perseguir os sonos dende que somos ben noviños e que para emprender é importante usar tanto o corazón como o cerebro sendo fundamental unha boa formación previa antes de poñerse a calquer iniciativa. Tamén viron a importancia que xoga neste caso fundacións como a CEL para axudar e apoiar os novos emprendedores.
Despois da visita trasladámonos ata Quescrem no polígono de Castro Riberas de Lea, que empezou nas instalacións da Fundación CEL e agora xa é unha das empresas galegas que mais medrou o ano pasado con presencia en varios paises e que posúe unha amplia gama de productos en queixo crema cunha distinción de calidade da que dimos conta ó final da visita degustando algúns dos seus productos.
|
 |
CÓDIGO SAPIENS en San Cibrao
 |
CÓDIGO SAPIENS: Unha exploración da ciencia da linguaxe
Este xoves 9 de febreiro os alumnos do noso centro acompañados polos alumnos do Ies Illa de Sarón de Xove asistiran na Casa da Cultura de San Cibrao (12h) á representación do discurshow(mestura de teatro e ciencia) CÓDIGO SAPIENS de Xurxo Mariño e Vicente Mohedano.
É un privilexio poder disfrutar de novo das actividades de divulgación científica de Xurxo Mariño, que xunto a Mohedano nos dan unha aproximación lúdica á ciencia da linguaxe . Este traballo de divulgación foi estreado en Bilbao no pasado outono e está tendo moi boa crítica.
Xurxo Mariño (Foz, 1969) é doutor en Bioloxía pola USC é actualmente compaxiña as actividades de divulgación científica coa docencia na UDC especializandose na Neurobioloxía.
|
SEMANA BRANCA EN ANDORRA
|
Un grupo de 25 alumnos/as de 4º de ESo e 1º de Bacharelato participou na tradicional actividade invernal que se ven repetindo desde o ano 2000 no noso centro.
A posibilidade de iniciarse ou perfeccionar o seu esquí /snowboard con monitores profesionais, a visita ó balneario caldea e unha semana de vida nun entorno distinto foron moi valorados polos participantes.
E a metereoloxía que acompañou con uns días soleados e outros con neve, o que lle deu ás paisaxes invernais dos Pirineos unha beleza singular.
|
 |
Ciclo de Química Industrial: Visita a empresas en Santiago e Caldas de Reis
 |
Os alumnos e alumnas do Ciclo Superior de Química Industrial do noso centro, acompañado polas súas profesoras, viaxaron a Santiago e Caldas de Reis para visitar varias empresas relacionadas co seu ámbito profesional (Nanogap, Foresa e Fordevasa).
A inminente fase de prácticas en empresa para os alumnos/as do segundo curso fai máis interesante esta visita , onde viron de primeira man o traballo que poderían desempeñar no futuro.
En algunha de estas empresas xa traballan varios exalumnos do noso ciclo, polo que a relación académica e profesional é moito máis real.
|
CINE EN GALEGO :SICIXIA - EXPOSICIÓN XOSÉ Mª CAO: Caricaturas
Todo o alumnado do centro asistiu á exposición organizada polo Concello de Cervo do caricaturista cervense Xosé Mª Cao, para coñecer a súa obra, a técnica e a evolución artisitica de esta especialidade. Aproveitando este entorno tan especial tamén se disfrutou do Paseo dos Namorados.
Tamén , o alumnado de 4º de ESO e 2º de Bacharelato acudiu ao cine a Viveiro para ver a película que se vén de estrear sobre a Costa da Morte titulada “Sicixia”. O filme lévanos a través da imaxe e do son por estas fermosas paisaxes da Costa da Morte a través dun enxeñeiro coleccionista de sons da xente e da natureza. Ao longo do desenvolvemento do seu labor coñece a Olaia, muller que despertará nel a paixón amorosa. Unha historia que mestura realidade e ficción e con aspectos nalgún momento do filme de carácter mítico.
Para máis información clica no seguinte enlace
COUSAS: TEATRO DE CASTELAO EN VIVEIRO
O alumnado de 3º de ESO e 1º de Bacharelato asistiu á representación teatral do libro de Castelao “Cousas”. Foi en Viveiro, no teatro Pastor Díaz a cargo do grupo de teatro “Os Quinquilláns”.
Se queres máis información clica nos enlaces da Biblioteca ou na foto
DÍA DA MÚSICA NO IES MARQUÉS DE SARGADELOS
Para conmemorar o Día da Música (22 de novembro) os alumnos/as de Música desprazáronse á cidade de Coruña os días 24 e 25 para paricipar un amplo e variado número de actividades culturais:
- Museo de Arte Contemporáneo (MAC) para facer un obradoiro de fimación en 3D.
- Visita ó Castelo de San Antón, para coñecer de primeira man a historia da cidade.
- Visita ó museo interactivo DOMUS e ó MUNCYT.
Pero os pratos fortes da vista estaban relacionados coa música , para ver a GARUFA BLUE DEVILS BIG BAND, escoitando pezas de blues, swing ou coñecidas bandas sonoras , e por último, asistiron a un dos espectáculos máis vistos do momento, MAMMA MIA, cun extenso recorrido pola discografía do grupo ABBA, que fixo que os nosos alumnos/as participasen de forma activa cantando e bailando sen parar.
NOVOS NÚMEROS DE TELÉFONO E FAX
TFNO. 982 87 01 93
FAX 982 87 02 04
DÍA INTERNACIONAL CONTRA A VIOLENCIA DE XÉNERO
SELECTIVIDADE 2016 : 100% APROBADOS
O noso centro presentaba un total de 13 alumnos/as (dos 18 que estaban matriculados en 2º de Bacharelato) e todos/as aprobaron a Selectividade polo que , a partir de agora, xa están no proceso de escoller os seus estudos universitarios. Este resultado é brillante polo que debemos dfelicitar tanto a alumnos/as , pais/nais e tamén a todo o equipo docente.
Podes consultar as notas no seguinte enlace
PREMIOS ATRÉVETE
|
|
As alumnas de 2º ESO do IES Marqués de Sargadelos Bárbara Gargallo, Celtia González e Maruxa Gómez participaron este ano no programa ATRÉVETE da Conselleria de Educación para promover tarefas de emprendemento e a creatividade así como o traballo en grupo. Nesta ocasión as alumnas gañadoras presentaronse ó concurso co traballo titulado APPSANCI, resultando gañadoras na categoría de secundaria pola provincia de Lugo así que o venres se trasladaron á cidade da cultura de Santiago de Compostela acompañadas pola súa profesora Fina Rodríguez para recoller o premio e diplomas da man do Conselleiro que destacou a importancia destas iniciativas no ámbito do ensino.
|
PROBAS DE ACCESO Á UNIVERSIDADE
Toda a información sobre as probas de acceso á universidade (convocatoria,matrícula, sedes, calendarios, horarios, reclamacións, parámetros de ponderación, notas de corte do ano anterior...)están na web da CUIG.
Preme na imaxe pra ir á sua web
Tamén podes descargar os documentos para o pago de taxas:
- Información para a expedición de título : INFO
- Modelo para o pago de taxas pola expedición de título : TAXAS
CICLO SUPERIOR DE QUÍMICA INDUSTRIAL
VISITAS A ENTREPINARES E A TUDELA VEGUÍN
Os alumnos e alumnas do ciclo superperior de Química Industrial do IES Marqués de Sargadelos visitaron os centros de producción de Quesos Entrepinares en Vilalba e dior de Química Industrial do IES Marqués de Sargadelos visitaron os centros de producción de Quesos Entrepinares en Vilalba e da cementeira Tudela-Veguín en Narón.
Foron unhas visitas moi interesantes onde coñeceron os procesos de producción e se achegaron de primeira man a centros de traballo relacionados co ciclo.
TEATRO " O CONSULTORIO"
Os alumnos e alumnas do IES Marqués de Sargadelos disfrutaron na casa de cultura de San Cibrao da obra de teatro "O consultorio" do grupo de Foz Pico do Castro. Esta obra trata temas moi de actualidade na nosa sociedade desde unha visión divertida como son a falta de comunicación na familia, a soidade, as relacións sociais, etc.
Os asistentes pasaron un bo rato ó mesmo tempo que descubriron de forma lúdica temas novos como o complexo de Edipo.
VIAXE Á ILLA DE WIGHT (U.K.)
Un grupo de 26 alumnos/as de Inglés do IES Marqués de Sargadelos acompañados polos profesores de Inglés e Ciencias Naturais visitaron a illa de Wight ( Sur do Reino Unido) durante cinco días para realizar actividades relacionadas coa lingua inglesa e Bioloxía. Realizaron varias actividades entre as que destacan :
- Fossil hunting, búsqueda de fósiles e restos de dinosaurios nas praias da illa.
- Contacontos en inglés , no que participaron activamente.
- Sendeirismo pola costa para ver os famosos Needles .
- Visita a un museo xurásico con guía local.
- Visita ó Xardín Zoolóxico Amazon World Zoo Park, no que interactuaron con animais dos cinco continentes.
- Charla sobre o ecosistema da illa.
- Cea temática con actores.
- Visita a un mercado típico da zona.
A nosa lectora de Inglés, Helen Cooke, natural da illa, foi a perfecta anfitriona e fixo que esta experiencia fora moi satisfactoria tanto para os alumnos/as como para os profesores, polo que esta viaxe será lembrada de forma moi positiva e se intentará repetir no futuro.
Proximamente, estarán as fotos na GALERÍA
ENTROIDO 2016
Xa podes ver as fotos do Entroido 2016 así como un vídeo elaborado polos alumnos de TIC de 1º de Bacharelato
| FOTOS |
VIDEO
|
 |
 |
Clica nas imaxes
COÑECENDO CICLOS FORMATIVOS -VISITA Ó IES PERDOURO
O noso centro , dentro da estratexia de informar ós alumnos/as das saídas universitarias e de formación profesional ós alumnos de 4º de ESO e Bacharelato, visitaron as instalacións do IES Perdouro en Burela. Durante a visita se informaron da oferta de ciclos formativos e coñeceron in situ ciclos formativos como o de Mecanizado (na foto con alumnos/as de 1º de Bacharelato e a profesora Fina Rodríguez).
SEMANA BRANCA - ANDORRA 2016
Un grupo de 26 alumnos e alumnas acompañados por 2 profesores disfrutaron da tradicional Semana Branca viaxando a Andorra desde o 16 ó 23 de xaneiro do presente mes. Disfrutaron das estacións de esquí de Pal e Arinsal , con cursos de iniciación e perfeccionamento de esquí ou snowboard e coa clásica e relaxante visita ó Balneario Caldea.
A experiencia foi un éxito tanto pola satisfacción dos viaxeiros como pola responsabilidade e saber estar dos nosos alumnos/as.
En breve, podes ver máis fotos na GALERÍA
DÍA INTERNACIONAL CONTRA A VIOLENCIA DE XÉNERO
A comunidade escolar do IES Marqués de Sargadelos concentrouse no exterior do centro contra a violencia de xénero, sumándose neste 25 de novembro ás actividades conmemorativas espalladas por todo o mundo.
Asimesmo Os departamentos de Música, Tecnoloxía e Plástica realizaron un vídeo que se presentou ós/as alumnos/as e que xa podes ver premendo no lazo violeta que aparece abaixo.
IX SEMANA GALEGA DE SEGURIDADE (A MARIÑA)
|
O IES Marqués de Sargadelos paricipou de forma activa na IX Semana Galega de Seguridade, que para a zona de A Mariña organizou Alcoa coa colaboración das forzas de seguridade,ISSGA e diversas empresas proveedoras de productos e servizos do sectoer da seguridade laboral.
Os nosos alumnos/as de ESO, FPB e ciclos formativos participaron de forma activa das diversas actividades.
Se queres máis información e fotos , preme no cartel
|
 |
AXUDA LIBROS 2015-16
A NOSA BIBLIOTECA NA REVISTA GALEGA DO ENSINO
 |
A boa xestión da nosa biblioteca, a cargo dun equipo de profesores dirixido por Xoán Xosé Saá, acaba de verse recoñecida pola Revista Galega do Ensino, que nos pon de exemplo na implantación do uso dos libros electrónicos, nun extenso artigo que podes ver se premes na imaxe da esquerda.
A nosa noraboa polo un traballo ben feito e recoñecido a nivel galego.
|
Libros de texto Curso 2015/16
CURSO 2014/15
|
Videoclip "AQUÍ TES UN AMIGO"
Realizado polos Departamentos de Música e de Normalización Lingüistica
Clica na imaxe para poder reproducir este videoclip dos nosos alumnos/as de 3º e 4º de ESO
|
 |
SELECTIVIDADE: Casi pleno !!
Un total de 21 alumnos e alumnas do IES Marqués de Sargadelos se presentaban ás Probas de Acceso á Universidade 2015 . E novamente foi un éxito pois un total de 19 alumnos/as as superaron (máis dun 90%)polo que debemos de felicitar ós alumnos/as e ó equipo de profesores, esperando que as notas acadadas sexan as que necesiten para acceder ós estudos demandados.
 |
Para acceder ás notas e outras documentos,
na web do CIUG, preme na imaxe da dereita
|
 |
Para realizar reclamacións ou solicitar unha segunda corrección , o prazo remata o vindeiro martes día 22 (14h.)
Visita ó Parque de tráfico en Foz
Un grupo de 15 alumnos e alumnas de 1º de ESO acompañados por dous profesores visitaron Foz para participar nunha xornada práctica na que os alumnos/as puidesen aplicar os coñecementos de Educación Vial que reciben nas clases de Proxecto Interdisciplinar. Foi unha xornada moi positiva e cun alto nivel de participación, cunha pequena charla teórica que se acompañou de paseos en karts, motos e bicis polo circuito de aprendizaxe.
Para completar a actividade visitaron a Piscina Municipal de Foz onde tamén o pasaron moi ben, tal como se ve nas imaxes de arriba.
ENQUISA SOBRE A PRODUCIÓN DE ALUMINIO
A Historia provincial e o seu goberno
|
O noso centro participa na presentación do libro "A historia provincial e o seu goberno", colaborando coa Deputación de Lugo .
O Departamento de Xeografía e Historia traballou cos materiais aportados pola Instir¡tución Provincial para mellorar o coñecemento de diversos aspectos do funcionamneto da Deputación e a ampliación da xeografía provincial ós noso alumnos/as.
Na foto da dereita podemos ver á profesora de Historia co alumnado de 4º de ESO no traballo práctico posterior á esposición teórica .
|
 |
ACTUALIDADE NUN CLIC
LIBROS DE TEXTO 2014/15 : LISTADO (Pdf)
VISITA Ó CENIMA E PARQUE DE TRÁFICO (FOZ)
Un grupo de 18 alumnos/as de 1º de ESO
acompañados por 2 profesores viaxaron a Foz para visitar o CENIMA e o Parque Municipal de Tráfico.
Na visita ó CENIMA poideron disfrutar dunha mostra de arte de creadores da Mariña así como dunha mostra de creacións de alumnos/as de toda a comarca.
No Parque de Tráfico poideron poñer en práctica os seus coñecementos de Educación Vial nunhas instalacións con bicicletas, motos e karts. Foi unha actividade moi divertida na que conseguiron non perder os puntos do seu carnet de conducir virtual, demostrando que poden ser en breve uns bos conductores.
Dada a excelente acollida da actividade (como en outros anos) non dubidamos en voltar no vindeiro curso.
VIAXE CULTURAL A MADRID
Un grupo de 28 alumnos/as do noso centro acompañados por dúas profesoras viaxaron durante 4 días a Madrid para 
realizar unha visita cultural cunha apretada axenda:
- Visita ó Museo do Prado
- Visita ó Museo de Arte Reina Sofía
- Parque do Retiro
-Templo Debod
- Musical Rey León
- Palacio de Oriente
- Catedral da Almudena
- Madrid dos Austrias
- Tour cun bus turístico
- Senado , con visita privada ó antigo hemiciclo e á súa bibliteca
Foron 3 días de visitas moi interesantes onde os nosos estudantes non tiveron tempo de aburrirse e disfrutaron dunhas visitas moi amenas, onde por certo , levaron varias felicitacións polo interese que amosaron en cada unha das visitas.
A actividade foi moi valorada e esperamos que se repita nos vindeiros cursos.
PREMIOS DE NARRATIVA COCA COLA
Un ano máis alumnos/as do noso centro foron seleccionados na fase galega de relatos curtos tanto na modalidade de lingua castelá como na de lingua galega. As alumnas de 2º de ESO Miriam Corbeira e Paula Rodríguez foron seleccionadas na fase galega do concurso e recibiran un premio que se otorgará na Illa de San Simón proximamente.
Tamén debemos lembrar que o relato de Miriam Corbeira pode ser selecionado para a fase nacional do concurso (lingua castelá).
A nosa felicitación tanto ás alumnas premiadas como ó resto de alumnos/as participantes que non foron seleccionados polo seu esforzo e , por suposto, ós profesores/as que os animan a participar .
VISITA A ASTURIAS
Un grupo de 58 alumnos/as acompañados por 4 profesores/as do IES Marqués de Sargadelos viaxou a Asturias para visitar a Central lechera Asturiana onde se lles mostrou o proceso industrial de transformación do leite ata tal como nos chega ás tendas.
Tamén aproveitaron para visitar o Museo da Minería, onde se sorprenderon da réplica dunha mina e das condicións de traballo dos mineiros.
DÍA DO LIBRO 2014
|
O pasado día 23 de abril todos/as os/as alumnos/as do noso centro participaron na lectura pública de "El Quijote" na que participaron conxuntamente con alumnos do IES Monte Castelo de Burela e do Concello de Cervo.
A lectura fíxose en varios idiomas e o lugar elexido foi a Praza dos Campos de San Cibrao.
|
|
SEMANA BRANCA en ANDORRA
Un grupo de 28 alumnos/as de 4º de ESO e 1º de Bacharelato do IES Marqués de Sargadelos participou na XIV edición da Semana Branca en Andorra, viaxe que se realiza desde o ano 2001 e que sirve para iniciar ós alumnos nos deportes da neve (ou perfeccionar o aprendido se viaxan por segundo ano). A actividade foi todo un éxito, con curso de esquí e snowboard , entrada ó balneario Caldea e aproveitamos a actividade para coñecer Andorra.
Todo o grupo disfrutando das augas do balneario Caldea
|
|
O noso alumno Simón López , distinguido na Estalmat
Simón López, alumno do noso centro de 4º de ESO asistiu o pasado sábado ó acto de clausura da Estalmat, proxecto de estimulación do talento matemático para alumnos de Secundaria.
Simón lópez participa deste proxecto desde o ano 2011 e na imaxe da esquerda podémolo ver recollendo en Santiago o diploma acreditativo das mans da vicedecana da Facultade de Matemáticas Rosa Crujeiras.
A nosa noraboa para Simón , alumno que desexamos que abra o camiño a outros/as que participen con éxito nos cursos vindeiros en este tipo de experiencias.
|
A Nosa Solidariedade coas Víctimas
A comunidade educativa do IES Marqués de Sargadelos expresa o seu rexeitamento á violencia
e a solidariedade coas víctimas no exterior do centro cun sentido minuto de silencio
PREMIOS EXTRAORDINARIOS DE BACHARELATO
 |
Un total de cinco alumnas do noso centro optan ós Premios extraordinarios de Bacharelato cunhas probas que, para a provincia de Lugo, se celebran en Lugo (IES Sanxillao) e na que só poden participar os alumnos/as cun expediente igual ou superior ó 8,75 na media dos dous cursos de Bacharelato. As nosas representantes son Ana Álvarez Moreno, Rosalía Gil Asenjo, Yanira López Basanta, Alicia Rapa Ben e Rebeca Villapol Baltar ás que lles desexamos moita sorte nas probas que realizan o 27 de xuño
Por outra banda as alumnas Rosalía Gil Asenjo e Rebeca Villapol Baltar figuran dentro dos mellores expedientes de Galicia e a Consellería entregaralles un diploma nun Acto de Recoñecemento en Santiago o vindeiro 5 de xullo. Esta distinción está reservada só ós expedientes académicos superiores ó 9 na media entre Bacharelato e as PAU.
O IES Marqués de Sargadelos súmase a este recoñecemento que extende ás alumnas e ós profesores/as que tiveron no noso centro.
|
LIBROS DE TEXTO PARA O CURSO 2013/14
Xa está exposta a relación de libros de texto para o curso 2013/14, podes velos no seguinte enlace PDF "LIBROS"
Asimesmo podes informarte das axudas para a compra de libros de texto da Xunta de Galicia no seguinte enlace :
"GRATUIDADE SOLIDARIA"
Se queres informarte das posibilidades de obter os libros a través do banco de libros da ANPA deberás informate na Secretaría do Centro en horario de mañá (9.30 / 13.30h.).
SELECTIVIDADE : NOVO PLENO DE APROBADOS
Unha vez coñecidos os resultados das probas de xuño da SELECTIVIDADE 2013 o noso centro volve a pesentar uns resultados excelentes: Dos 20 alumnos/as con matrícula completa en 2º de Bacharelato, un total de 14 se presentaban ás probas de selectividade e a superaban todos/as.
A nosa noraboa ós nosos alumnos/as polo seu traballo ó longo da Secundaria e o Bacharelato e tamén debemos resaltar o mérito dos profesores/as que lles axudaron a que obtiveran este éxito.
Se queres consultar a túa nota visita
CIUGA e se queres ver a lista de aprobados podes facelo en
La Voz de Galicia.
Resultados do Concurso de relatos Coca-Cola
Un total de 4 alumnas (María Fdez., Laura Pena, Laura Glez. e Carmen Rguez.) do noso Centro participaron no pasado mes de abril no Concurso de relatos Coca-Cola nas modalidade galego e castelán. O tema do concurso eran catro versos dos "Cantares gallegos" de Rosalía de Castro e a alumna Carmen Rodríguez González obtivo o premio de relato curto en galego.
O venres 24 de maio esta alumna se desprazará a Lugo a recoller o seu ben merecido premio polo que recibe a nosa noraboa e tamén agradece ás outras alumnas participantes o seu esforzo.
VISITA Ó PARQUE DE TRÁFICO EN FOZ
Alumnos/as de 1º e 2º de Eso do noso centro visitaron as instalacións do Parque de Tráfico en Foz para recibir unha clase de Educación Vial (dentro do seu Proxecto Interdisciplinar) e poder levar á práctica os seus coñecementos nun circuito con bicis, motos e karts. Pasárono en grande aída que algún perdeu algún punto do seu carnet virtual de conductor. Destacamos o bo facer da Policía Local de Foz e o interés dos rapaces en aprender estas nocións viarias.
Curso de cociña no Bacharelato
Alumnos/as de 1º de Bacharelato asistiron a un curso de cociña organizado pola ANPA no que deberon elaborar dous menús completos. Aprenderon técnicas básicas de cociña e a valorar o traballo diario das persoas que lles fan a vida máis doada. O mellor foi a degustación final do arroz con polo, os pementos recheos, a ensalada, os postres... que , de seguro, estaba máis rico ó ser de elaboración propia.
23 DE ABRIL : DÍA DO LIBRO
A bilioteca do noso Centro quixo conmemorar o día do libro contando co escritor Paco Rivas que deu unha interesante charla sobre a creación poética en xeral e a súa obra en particular. O nosos alumnos/as amosaron unha gran curiosidade pola temática da charla e incluso lle chegaron a pedir que recitara algún dos seus poemas preferidos.
Asimesmo, aproveitouse este sinalado día para que a ANPA do noso centro entregase 5 libros electrónicos que xa están á disposición dos alumnos/as (préstamo) cunha interesante colección de textos incluídos.
OLIMPÍADA MATEMÁTICA
 |
| Rafa Rouco, David Pernas, Gabriel Galante e Laura Quelle |
Os alumnos/as Rafa Rouco, David Pernas, Gabriel Galante e Laura Quelle representaron ó noso centro na presente edición da Olimpíada Matemática, celebrada no Instituto Xoán Montes (Lugo) o venres 19 de abril.
Podes ver máis información no seguinte enlace
INTERCAMBIO CON FRANCIA
O noso centro xunto co veciño IES Illa de Sarón de Xove, participan nun intercambio cun centro francés da localidade de Poilly-lez-gien , situado no centro de Francia. Os alumnos/as franceses do college "Les Clorisseaux" recibiron ós nosos 16 alumnos as nas súas casas no pasado mes de marzo e coñeceron a vida cotiá dos seus compañeiros franceses e visitaron os lugares máis interesantes da zona e un día tiveron a sorte de poder coñecer París.
|
Os alumnos/as participantes no Concello de Cervo Foto : Concello de Cervo
|
|
Os nosos alumnos/as de paseo en barco en París coa Torre Eiffel ó fondo
|
Esta semana os nosos alumnos/as acollen ós alumnos/as franceses para que coñezan a nosa cultura e podan visitar os nosos lugares máis repreentativos na Mariña e tamén se desprazarán a Santiago e A Coruña. Tamén poderán comparar o noso sistema educativo co seu asistindo e participando nas clases do centro. Podes ver máis fotos da viaxe e da estancia en Francia na GALERÍA .
_____________________________________________
ÉXITO NO RALLY MATEMÁTICO
Un grupo de 8 alumnos e alumnas de 3º de ESO do noso centro conseguiron unha das 3 prazas da fase galega do Rally matemático que organiza a Institución Galega da Ciencia (Igaciencia) . A fase final en Santiago decidirá a que centro representará a Galicia na superfinal de Toulouse (Francia) o vindeiro 17 de maio.
A nosa noraboa a Luismi, Judith, Claudia, Andrea, Nerea, Lucía, Teba, Simón e ó Departamento de Matemáticas.
_____________________________________________
NAVEGA CON RUMBO
Os alumnos e alumnas de 1º e 2º de ESO tiveron a charla "Navega con Rumbo", na que poideron coñecer os riscos de Internet para os escolares: sitios non seguros, ciberacoso, protección dos datos persoais, a publicación de fotos e videos..., para que Internet sexa un mundo de posibilidades de lecer e apredizaxe evitando todo tipo de riscos.
Podes ver os contidos do programa na seguinte WEB
___________________________________________________
SEMANA BRANCA NO INSTITUTO
Un total de 22 alumnos/as do noso centro participan nesta clásica actividade desde o sábado 19 ata o vindeiro sábado 26. Despois dunha longa viaxe xa poden disfrutar dos deportes invernais (esquí e snowboard) na estación invernal andorrana de Pal-Arinsal . O estado das pistas é perfecto e aproveitan a gran cantidade de neve que este inverno deixa nos Pirineos.
O grupo do IES Marqués de Sargadelos este luns en Andorra
Pose ver máis imaxes na GALERÍA
Podes ver un pequeno vídeo de M.Trigo
____________________________________________________________________________
Concurso de repostería Ciclo Superior de Química industrial
Xusto antes de empezar as vacacións os alumnos/as do Ciclo Superior de Química Industrial organizaron un concurso de repostería para toda a comunidade escolar do noso instituto, contando con moita participación, gran acerto nas presentacións e, despois da degustación, unha gran calidade no sabor dos postres presentados.
Podes ver unha pequena presentación dos resultados
BOAS FESTAS E SORTE COS REIS MAGOS!
__________________________________________
TEATRO CLÁSICO "AHORA MISMITOS"
O luns en horario de tarde os nosos alumnos e os alumnos do IES Illa de Sarón de Xove tiveron a oprtunidade de presenciar a obra de teatro "Ahora mismitos" do grupo andaluz Malaje, obra que achega os mitos clásicos á realidade dos rapaces actuais. Non só presenciaron a obra, tamén participaron de forma activa na dramatización de varios mitos que, de seguro, xa non esquecerán nunca.
____________________________________________
VISITA DE MARICA CAMPO
A escritora Marica Campo visitou o noso centro para poder falar cos nosos alumnos/as da súa obra en xeral e dos seus últimos libros en particular, lectura recomendada polo equipo da Biblioteca, e así poder coñecer a nosa literatura nos libros e coñecer en persoa ós autores .
Máis información : Blog Biblioteca Blog Dinamización - Máis fotos : Galería
___________________________________________
LENDO A CELSO EMILIO FERREIRO
Os alumnos/as do noso centro conmemoraron este mércores os 100 anos do nacemento do ilustre poeta galego lendo a súa obra e tamén gozaron dun breve documental sobre este destacado escritor na nosa lingua.
Máis información : Blog Biblioteca Blog Dinamización - Máis fotos : Galería
____________________________________________
VISITA Á EXPOSICIÓN "AVES DE GALICIA"
Os alumnos/as do noso centro visitaron este venres a exposición "Aves de Galicia" da Obra Social de La Caixa na Casa da Cultura de San Cibrao, e puideron coñecer as aves e hábitats máis importantes de Galicia e participar nas actividades didácticas que se lles presentaron
____________________________________________
PRESENTACIÓN DO TRABALLO "ECOLOXÍA DA COSTA"
Traballo sobre as algas realizado polo Departamento de Ciencias Naturais coa colaboración da Fundación Alcoa e da ANPA do IES Marqués de Sargadelos en formato bilingüe e Abalar
Este traballo está xa disponible AQUÍ e xa está incorporado ós contidos Abalar do centro (servidor Abalar) e será engadido proximamente ós contidos Abalar (repositorio) para toda a comunidade escolar de Galicia.
Para ver máis fotos : Galería
____________________________________________
Día contra a violencia de xénero : Actuación de María Xosé Silvar "Ses"
O pasado luns 26 pola tarde os alumnos/as do IES Marqués de Sargadelos e os do IES Illa de Sarón asitiron ó concerto da cantautora María Xosé Silvar que nos presentou o seu proxecto "SES" para conmemorar o Día Internacional contra a VIOLENCIA DE XÉNERO.
Para ver máis fotos : Galería
____________________________________________
MELLORAS NA BIBLIOTECA
Estamos a mellorar as instalacións e o equipamento da biblioteca, coa dotación de novas mesas de lectura máis cómodas, un equipo audiovisual de proxección e pantalla, novos e modernos equipos informáticos para o uso dos alumnos/as e , o máis importante, novas iniciativas de animación á lectura.
