Os centros de secundaria  xunto co Concello da Estrada organizan a I Mostra de Orientación Educativa e Profesional na nosa vila. Trátase dunha novidosa iniciativa que pretende xuntar esforzos e ofrecer a toda a comunidade educativa estradense, familias, alumnado e profesorado unha serie de actividades divulgativas das diferentes posibilidades que ofrecen os centros educativos así como as universidades e outras entidades.

Na Mostra participa activamente o IES Antón Losada Diéguez que manterá stands informativos de todas as familias profesionais que se ofertan no centro realizando diversos obradoiros dirixidos a todos os asistentes á feira.

A visita á Mostra, que se celebra nas instalacións da Fundación do Moble, é gratuíta pode facerse no horario que se indica no programa que se achega.

O contido da actividade e os horarios poden consultarse e descargarse picando AQUÍ:

FOLLETO PROGRAMA DA MOSTRA DE ORIENTACIÓN DA ESTRADA