Selector rápido de contidos

Avisos

Última hora, información puntual, novidades, convocatorias, actualizacións, lexislación...

Eleccións ao Consello Escolar

> 08.11.2018

Constituída o 8 de novembro a Xunta electoral para o proceso de eleccións ao Consello Escolar acordou o seguinte calendario electoral:

  • Presentación de candidaturas: Entre as 12.00 horas do 08.11.2018 ata as 14.00 horas do 15.11.2018

  • Publicación da relación provisional de candidatos/as: Día 16.11.2018 ás 11,30 horas

  • Período de reclamacións á relación provisional de candidatos/as: Ata as 11,30 horas do 23.11.2018

  • Publicación da relación definitiva de candidatos/as: Día 23.11.2018 ás 12.00 horas

  • Sorteo para a elección das mesas electorais: Día 23.11.2018 ás 12.30 horas

  • Celebración das votacións: Día 28.11.2018 co seguinte horario:

    • Votación de estudantes: Entre as 11.00 e as 13.30 horas

    • Votación de docentes: En Claustro extraordinario ás 11,25 horas

    • Votación de nais/pais/titores legais de estudantes: Entre as 17.00 e as 19.00 horas

  • Proclamación de candidatos/as elixidos: Día 30.11.2018 ás 11,25 horas

 

Concurso de traslados para o profesorado

Concurso de traslados para o profesorado dos corpos de catedráticos, PES, PT, EOI, EAA e OA, CMUS, mestres, inspectores ao servizo da Administración educativa e inspectores de educación para o ano 2019 -

Xúntase a Orde do 15 de outubro de 2018 pola que se convoca concurso de traslados entre persoal funcionario docente dos corpos de catedráticos e profesores de ensino secundario, escolas oficiais de idiomas, música e artes escénicas, artes plásticas e deseño, profesores técnicos de formación profesional, mestres de taller de artes plásticas e deseño, mestres, inspectores ao servizo da Administración educativa e inspectores de educación.

  • O prazo de presentación de solicitudes e documentos será desde o día 6 de novembro de 2018 ao 27 de novembro de 2018, ambos os dous incluídos.
 

Rexistro na aula virtual

O día 31 de outubro é o último día en que estará aberta a ficha de inscrición de estudantes na aula virtual.

A partir do 1 de novembro, ningún estudante poderá inscribirse na aula virtual de forma directa. 

Reestruturación na Xunta de Galicia

O DOG anuncia cambios na estrutura da Xunta de Galicia. O novo nome da consellería de educación é Consellería de Educación, Universidade e Formación ProfesionalA nova conselleira de Educación é Carmen Pomar Tojo.

Ao longo deste mes iremos modificando todos os documentos do centro para adaptalos á nova denominación.

Guías de estudantes

Están dispoñibles as guías de estudantes de bacharelato e de FP.

Calendario de presentacións

Publicado o calendario de presentacións do curso 2018-2019.

Presentación do vehículo simulador de accidentes resultado dun proxecto de innovación na FP

Presentación do vehículo simulador de accidentes resultado dun proxecto de innovación na FP -

Hoxe, 15 de febreiro de 2018, tivo lugar a presentación pública do vehículo simulador de accidentes resultado do proxecto "Simulador de rescate de vítimas de accidentes de tráfico", premiado na Convocatoria para o desenvolvemento de proxectos de innovación tecnolóxica ou científica e proxectos de innovación didáctica no ámbito da Formación Profesional 2016.

Este proxecto é froito da colaboración entre o CIFP Ferrolterra e o IES Leixa, xunto coa empresa Ambulancias Ferrolanas S.L. e a Sociedade Española de Medicina de Urxencias e Emerxencias (SEMES).

Con esta presentación ponse en valor a calidade e profesionalidade das ensinanzas e centros educativos de Formación Profesional e dáse a coñecer esta ferramenta a outros colectivos relacionados coa seguridade cidadán, aos que lles pode resultar de grande utilidade tanto para a súa formación como para a realización de campañas de sensibilización da condución responsable: Servizo Galego de Saúde, 061, 112, protección civil, bombeiros, empresas de ambulancias, Asociación Galega de Técnicos en Emerxencias Sanitarias (ASGATE), concellos de Ferrolterra, grupos de emerxencias supramunicipais, Cruz Vermella e outros centros educativos.

Imaxe Portada: 
Imaxe: 
Presentación vehículo simulador de accidentes IES Leixa
Presentación vehículo simulador de accidentes IES Leixa
Presentación vehículo simulador de accidentes IES Leixa
Presentación vehículo simulador de accidentes IES Leixa
Presentación vehículo simulador de accidentes IES Leixa
Presentación vehículo simulador de accidentes IES Leixa
Presentación vehículo simulador de accidentes IES Leixa
Presentación vehículo simulador de accidentes IES Leixa

[Novas de FP]

ERASMUS do IES Leixa

A directora do IES Leixa Ana Roel e a titora de FCT do ciclo medio de Farmacia e Parafarmacia Laura Ríos, acompañaron ás estudantes do ciclo medio de Farmacia e Parafarmacia, Lucía Antón e Ana López, a Valença (Portugal) onde realizarán a formación en centros de traballo na Farmacia do Jardim, do país veciño, grazas a senllas becas ERASMUS.

 

Erasmus do IES Leixa (04.04.2016)


ERASMUS do IES Leixa

A estudante do ciclo superior de Deseño e edición de publicacións impresas e multimedia  Estefanía Fernández é presentada na empresa Multitema, de Oporto (Portugal) onde vai realizar a formación en centros de traballo como estudante ERASMUS do IES Leixa. Foi acompañada pola titora de FCT María Salas e o profesor José Antonio López.

Erasmus do IES Leixa (31.03.2017)

Powered by Drupal - Design by artinet