PREMIO 1ºESO

No presente curso académico o alumnado de 1ºESO participou activamente no Plan Proxecta titulado Apuntámonos a non beber baixo a coordinación de Eva, a orientadora, e a colaboración do resto do profesorado participante: Laura, Marián e Uxío.

O intenso traballo en grupo permitiu que o alumnado de 1ºESO fora un dos dous gañadores entre todos os centros participantes polo que poderán desfrutar dunha xornada de lecer no Aquapark de Cerceda.

Porén, o máis importante é a experiencia de traballo colectivo e os contidos traballados que agardamos contribúan a visibilizar o dano individual e social que produce o consumo de alcol na adolescencia e evitalo, ou polo menos a pospoñer a idade de iniciación no seu consumo.

NORABOA!