O ano pasado na segunda quincena de abril 19 alumnos do noso centro (das seccións bilingües de inglés de 4ºESO) viaxaron a Estados Unidos dentro do programa do intercambio bianual iniciado no curso 2012-2013 entre o IES CASTRO ALOBRE e  UPPER DUBLIN HIGH SCHOOL.

Os alumnos deste instituto, situado na poboación de Fort Washington, no estado de Pennsylvania, estarán en Vilagarcía no mes de febreiro. Aquí podedes consultar o programa de actividades que temos organizado para agasallalos durante a súa estancia na nosa vila.

Tamén podedes atopar as noticias publicadas na prensa local:

Un intercambio educativo trae a Vilagarcía a alumnos de un instituto de Estados Unidos

Una expedición ´yankee´ en Arousa

Durante o acto mostrouse un vídeo con imaxes dos alumnos que rematan o 2º bacharelato. 

E tamén contou coa presenza de dous exalumnos da primeira promoción do instituto, un dos cales adicou un poema adicado ao seu Instituto: 

Instituto Laboral de Vilagarcía

(Acróstico)

Imperdoable pola miña parte sería

Non agasallarte na data do teu CINCUENTENARIO

Sobranceira e nutricia tafona de recordos!

Testemuño indeleble da miña adolescencia ida!

INSTITUTO LABORAL DE VILAGARCÍA!

Tocar as campás do teu aniversario cómpre hoxe

Urxe, porque angueira das persoas agradecidas é

Tradear os duros e morriñosos buxos da memoria

Onde por méritos propios ti estás, emblemático noivo do Ensino!

Lembrareite eu sempre por lle ter dado tantas cousas

A quen soubo de desprezos, fames mouras e marusías.

Bautizarme nas culturais augas das túas pías

Oportunidade lle deu a este raparigo de arrabaldes e rurais de

Rimar esta pateliña de versos modestos pero sentidos

Acreditar aos catro ventos o teu labor este poeta soñador empedernido:

Loado por sempre sexas, guieiro e faro!, caro amigo!

Devala o sol polo Barbanza mentres por Xiabre xorde a lúa paseniño

E eu morriñoso a tremer as cordas da miña ordinaria e desafinada lira.

Velaí vai pois neste poema o meu máis profundo recoñecemento

Infladas as case engurradas velas do meu peito coas

Líricas e entrañables palabras da Lingua Nai

As da Galicia viva.

Grazas pola frutífera andaina que comezo deches

A bordo daquel mes de san Martiño do ’52 bretemoso e frío.

Recibe do teu alumno fundador a homenaxe merecida

Cando cumpres as primeiras cincuenta primaveiras da túa vida

Ilustre e inesquecible obradoiro de futuros!

Antigo INSTITUTO LABORAL, vello amigo.

EDUARDO VICTOR CASTRO LÓPEZ (exalumno)