CRITERIOS DE CUALIFICACIÓN
1º BACH. CURSO 2012-2013
O Departamento de Lingua e Literatura galegas acordou establecer as seguintes porcentaxes:
1- UN 25%:
EXPRESIÓN ORAL:
- Actitude e uso da nosa lingua no contexto da aula. Terase en conta o grao de participación e evolución na expresión oral.
- Sintetizar oralmente o sentido global de textos escritos diversos, identificando as ideas principais e secundarias.
- Exposicións e exames orais (libro de lectura, exposicións de traballos etc…) así como a participación nos debates feitos na clase.
NOTA: serán consideradas faltas graves na avaliación da lingua oral a utilización de castelanismos e tempos compostos, ademais da incorrecta colocación dos pronomes.
SERÁ AVALIADO NEGATIVAMENTE NON UTILIZAR A LINGUA GALEGA NO CONTEXTO DA AULA.
LIBROS DE LECTURA, COMPORTAMENTO E ESFORZO COTIÁNS .
O exame dun dos libros de lectura obrigatoria será unha proba oral, co cal, neste apartado, será valorada a correcta interpretación da obra literaria escollida, quedando encadrada no apartado anterior a valoración do nivel de corrección da lingua galega.
Considerarase como requisito imprescindíbel para aprobar LINGUA GALEGA E LITERATURA (1º BACH.), a lectura e presentación dos traballos das obras incluídas na lista de lecturas como obrigatorias.
O listado de obras é aberto e poderá ser ampliado segundo considere este departamento, tendo sempre presente as necesidades educativas do alumnado.
As alumnas/os que acaden en cada avaliación unha nota igual ou superior a catro, poderán subir a nota ata 2 puntos coa lectura voluntaria de obras literarias presentes na mencionada lista de lecturas.
2- UN 75%
- Realización de probas escritas, teóricas e prácticas.
Na corrección das probas terase en conta a expresión escrita (ortografía e redacción). Así nos exames escritos as faltas ortográficas teranse en conta seguindo os seguintes criterios:
FALTAS MOI GRAVES
- Escribir en castelán.
- Non distinguir entre s/x, b/v, una/unha…
- Acento diacrítico.
- Usar formas compostas co verbo haber *he dito.
- Antepoñer o pronome átono nas oracións simples ou nas principais das compostas *o vin, *se nos dixo.
- Non respectar as normas que impoñen os signos ortográficos (uso de maiúsculas despois de punto, separación incorrecta de sílabas…).
FALTAS GRAVES
- Confundir o xénero de certos substantivos.
- Usar as formas do demostrativo popular *estos *esos.
- Non usar os posesivos co artigo diante *nosas cousas.
- Empregar o plural *quenes.
- Usar as formas apocopadas *primer, *primeir.
- Escribir os numerais *cuarenta *ochenta, *quinientos.
- Vacilar no uso dos cardinais *deceseis, *dazaseis.
- Deformación de formas dos indefinidos *alguién, *ninguién.
- Apocopar a forma calquera *calquer, *calqueira.
- Usar algún/algunha nas frases negativas *non me produciu satisfacción algunha.
- Empregar indiscriminadamente os pronomes persoais te/che, lle, lles/o, os *xa te fixen o recado, *chameille por teléfono.
- Usar as formas do pronome suxeito como segundo termo da comparación *traballa máis ca eu.
- Conxugar con erros *anduven/andiven, *podría, *estuvo, *iba, *salgo, *traigo, *creer, *supen.
- Manter o grupo –zc- na 1ª persoa do presente de indicativo e no presente de subxuntivo *conduzco, *obedezco, *conduzca, *obedezca.
- Escribir a preposición a na perífrase IR + INFINITIVO * vou a ir ó cine.
- Empregar verbos da 2ª conxugación como pertencentes á 3ª *batir, *ocurrir.
- Castelanizar certos adverbios e preposicións *ahora, * hasta, *sin, *según.
FALTAS LEVES
- Acentuación.
Nota: As incorrecións catalogadas como moi graves na escrita serán tidas en conta desde a 1ª avaliación, restando á puntuación do exame escrito -0.2 cada unha a considerar na nota final. As faltas graves pasarán a considerarse como tales unha vez que sexa explicado o tema gramatical na clase, reducindo - 0.1 puntos. As faltas leves serán sancionadas con –0.05 cada unha.
As porcentaxes que corresponden a actividades diferentes das probas escritas só se terán en conta na súa totalidade se as alumnas e alumnos acadan un mínimo de catro puntos en ditas probas escritas.
RECUPERACIÓN DE CONTIDOS:
Farase recuperación da primeira avaliación para todo o alumnado que a suspenda. Da 2ª e da 3ª avaliación farase recuperación final, sempre e cando se teñan só dúas avaliacións suspensas. O alumnado que suspenda a recuperación da 1º avaliación, a 2ª e a 3ª ten a materia suspensa para setembro.
Nos exames extraordinarios de setembro teranse en conta estes mesmos criterios e os/as alumnos/as deberán examinarse das lecturas non realizadas.
CRITERIOS DE CUALIFICACIÓN
2º BACH. CURSO 2012 - 2013
O Departamento de Lingua galega e Literatura acordou establecer as seguintes porcentaxes:
1 - UN 10%:
A. EXPRESIÓN ORAL (5 %)
- Actitude e uso da nosa lingua no contexto da aula. Terase en conta o grao de participación e evolución na expresión oral.
- Sintetizar oralmente o sentido global de textos escritos diversos, identificando as ideas principais e secundarias.
- Exposicións e exames orais, así como a participación nos debates feitos na clase.
NOTA: serán consideradas faltas graves na avaliación da lingua oral a utilización de castelanismos e tempos compostos, ademais da colocación incorrecta dos pronomes.
B. LIBRO DE LECTURA, COMPORTAMENTO E ESFORZO COTIÁNS (5 %)
-O exame dun dos libros de lectura obrigatoria será feito nun exame oral, co cal neste apartado será valorada a correcta interpretación da obra literaria escollida, quedando encadrada no apartado anterior a valoración do nivel de corrección da lingua galega.
Considerarase como requisito imprescindíbel para aprobar LINGUA GALEGA E LITERATURA (2º BACH.), a lectura das obras incluídas na lista de lecturas como obrigatorias.
As alumnas/os que acaden en cada avaliación unha nota igual ou superior a catro, poderán subir a nota ata 2 puntos coa lectura voluntaria de obras literarias presentes na mencionada lista de lecturas.
O listado de obras de lectura voluntaria é aberto e poderá ser ampliado segundo considere este departamento, tendo sempre presente as necesidades educativas do alumnado.
2- UN 90%
-Realización de probas escritas, teóricas e prácticas.
En canto ao programa de contidos, seguimos as pautas dadas polo Grupo de Traballo de Lingua e Literatura Galegas das PAAU- LOE, sendo algunhas das probas escritas feitas ao longo das avaliacións, similares ás probas de acceso á Universidade.
ESTRUTURA, CONTIDOS E PUNTUACIÓNS DO EXAME DE SELECTIVIDADE
- Preguntas 1 e 2: -1 punto cada unha e nelas responderase de xeito breve a algún
aspecto de comprensión do texto.
Velaquí algunhas posibles preguntas:
· Resumo breve do texto ou dunha parte del.
· Estrutura do texto.
· Ideas principais e secundarias.
· Intencionalidade do texto.
· Opinión do autor sobre algún aspecto que se indique. Será especialmente
interesante que o/a alumno/-a perciba as ironías, por exemplo, e non entenda só o que se di, senón o que se quere dicir.
· Significado concreto no texto dalgunha palabra ou expresión.
- Pregunta 3: 3 puntos ( extensión aproximada de 200 a 250 palabras). Avaliará a
expresión, polo que nela se pedirá que se produza un texto relacionado dalgún modo
con aquel sobre o que se basea o exame.
Para a súa puntuación terase en conta o xuízo crítico das ideas que conteña o texto, así como a capacidade do alumnado para estruturar adecuadamente as ideas que expón e a corrección da expresión. Tamén se terá en conta a corrección gramatical e ortográfica. Quere isto dicir que na propia puntuación da pregunta se valorará negativamente a incorrección ortográfica e normativa.
- Preguntas 4 e 5: cada unha 1 punto.
Versarán sobre conceptos de fonética, fonoloxía, morfoloxía, sintaxe, semántica, léxico ou dialectoloxía. O contido de dialectoloxía de facerse nun exame concreto, será unha pregunta breve e guiada sobre as posibilidades dialectais que podería ter unha forma presente no texto (por exemplo, ante a palabra veciño poderá solicitarse que se indique qué outras formas dialectais presenta o territorio lingüístico galego e qué extensión xeográfica ten cada unha delas).
- Pregunta 6: 1 punto. “A sociolingüística”. As posibles preguntas son unicamente as
seguintes:
1.- As funcións sociais da lingua. Conflito e diglosia. Estereotipos e prexuízos
lingüísticos: a súa repercusión nos usos.
2.- Historia da normativización: a construción da variedade estándar. Interferencias e
desviacións da norma.
3.- Linguas minorizadas e linguas minoritarias. O galego: lingua en vías de
normalización.
4.- O galego no primeiro terzo do século XX: características lingüísticas fundamentais.
Contexto histórico e situación sociolingüística.
5.- O galego de 1936 a 1975: características lingüísticas fundamentais. Contexto
histórico e situación sociolingüística.
6.- O galego a finais do século XX e comezos do XXI: características lingüísticas
fundamentais. Contexto histórico e situación sociolingüística.
Como se observa polas preguntas, estes temas poderían responderse con toda a extensión
que se desexe. Non obstante, será imprescindible que a resposta sexa resumida, acorde
coa propia puntuación da pregunta e co tempo de que se dispón para o exame. Sería
desexable unha extensión aproximada dunhas 200 ou 250 palabras. Polo tanto, nesta
extensión, máis ben breve para unha pregunta deste tipo, o alumnado deberá referirse ó
contido importante e non divagar en consideracións xerais que non supoñan a cerna do
tema.
Tanto nesta pregunta 6 como na seguinte (7) ofreceranse dúas posibilidades, para que o
alumnado escolla unicamente unha delas. Estas dúas posibilidades serán as mesmas na
Opción A e na Opción B do exame. Deste xeito poderá escollerse unha ou outra opción
do exame sen que inflúan as preferencias nas preguntas de sociolingüística ou de
literatura.
Pregunta 7: 2 puntos. “A literatura”. As preguntas que se poderán facer sobre estes
contidos son unicamente as seguintes:
1.- A poesía das Irmandades da Fala. Características, autores e obras representativas.
2.- A poesía de vangarda. Características, autores e obras representativas.
3.- A prosa do primeiro terzo do XX: as Irmandades e o Grupo Nós (narrativa, ensaio e
xornalismo).
4.- O teatro do primeiro terzo do XX: Irmandades, vangardas e Grupo Nós.
5.- A poesía entre 1936 e 1976: a Xeración do 36, a Promoción de Enlace, a Xeración
das Festas Minervais.
6.- A prosa entre 1936 e 1976: os renovadores da prosa (Fole, Blanco Amor,
Cunqueiro e Neira Vilas).
7.- A Nova Narrativa galega. Características, autores e obras representativas.
8.- O teatro galego entre 1936 e 1976: a Xeración dos 50 e o Grupo de Ribadavia.
9.- A literatura do exilio entre 1936 e 1976: poesía, prosa e teatro.
10.- A poesía de fins do XX e comezos do XXI. Temas e autores dos 80 e dos 90. Poetas
e tendencias actuais máis relevantes.
11.- A prosa de fins do XX e comezos do XXI. Temas e autores dos 80 e dos 90.
Prosistas e tendencias actuais máis relevantes.
12.- O teatro de fins do XX e comezos do XXI. Temas e autores dos 80 e dos 90.
Dramaturgos, tendencias e compañías actuais máis relevantes.
Nesta pregunta 7 temos que lembrar que as respostas nunca deben ser unha listaxe de
autores e obras, senón que tamén se espera unha explicación das características da
escrita dos autores, das tendencias ou das etapas. Como orientación en canto á extensión
podemos falar aproximadamente dunhas 400 ou 500 palabras, aínda que isto pode ser
variable dependendo de se o alumnado opta por unha resposta con redacción máis
desenvolvida ou máis esquemática.
As probas que se lles realizará ás alumnas e alumnos constarán de un texto sobre o que se efectuarán breves preguntas referidas aos contidos gramaticais, léxico-semánticos, fonética, ortografía e dialectoloxía; unha pregunta para o desenvolvemento dun tema de Sociolingüística e outra sobre a parte de Literatura vista nesa avaliación.
As preguntas sobre Sociolingüística e Literatura formularanse tendo en conta a relación de temas e os seus contidos, enviados a este seminario polo Grupo de Traballo e expostos máis arriba.
En canto ao comentario de textos, obxecto da primeira, segunda e terceira pregunta das PAAU en Lingua e Literatura Galegas, faranse varias prácticas ao longo do primeiro trimestre, para despois ser incluídos como pregunta de exame nas probas escritas que se realicen.
Valorarase a corrección lingüística, polo que a expresión deficiente, así como as faltas de ortografía e puntuación baixarán a cualificación. As faltas catalogaranse como faltas moi graves, aquelas que atenten contra o sistema lingüístico ( penalizadas con 0.2 puntos), faltas graves, que serían as solucións contrarias ás convencións ortográficas e á norma lingüística
( penalizadas con 0.1 puntos) e as faltas leves , aquelas solucións discordantes co estándar vixente ( penalizadas con 0.05 puntos). Sobre a cualificación global do exame poderanse descontar ata un máximo de DOUS PUNTOS pola acumulación de erros moi graves, graves e leves.
FALTAS MOI GRAVES
- Escribir en castelán.
- Non distinguir entre s/x, b/v, una/unha…
- Acento diacrítico.
- Usar formas compostas co verbo haber *he dito.
- Antepoñer o pronome átono nas oracións simples ou nas principais das compostas *o vin, *se nos dixo.
- Non respectar as normas que impoñen os signos ortográficos (uso de maiúsculas despois de punto, separación incorrecta de sílabas…).
FALTAS GRAVES
- Confundir o xénero de certos substantivos.
- Usar as formas do demostrativo popular *estos *esos.
- Non usar os posesivos co artigo diante *nosas cousas.
- Empregar o plural *quenes.
- Usar as formas apocopadas *primer, *primeir.
- Escribir os numerais *cuarenta *ochenta, *quinientos.
- Vacilar no uso dos cardinais *deceseis, *dazaseis.
- Deformación de formas dos indefinidos *alguién, *ninguién.
- Apocopar a forma calquera *calquer, *calqueira.
- Usar algún/algunha nas frases negativas *non me produciu satisfacción algunha.
- Empregar indiscriminadamente os pronomes persoais te/che, le, lles/o,os *xa te fixen o recado, *chameille por teléfono.
- Usar as formas do pronome suxeito como segundo termo da comparación *traballa máis ca eu.
- Conxugar con erros *anduven/andiven, *podría, *estuvo, *iba, *salgo, *traigo, *creer, *supen.
- Manter o grupo –zc- na 1ª persoa do presente de indicativo e no presente de subxuntivo *conduzco, *obedezco, *conduzca, *obedezca.
- Escribir a preposición a na per´frase IR + INFINITIVO * vou a ir ó cine.
- Empregar verbos da 2ª conxugación como pertencentes á 3ª *batir, *ocurrir.
- Castelanizar certos adverbios e preposicións *ahora, * hasta, *sin, *según.
FALTAS LEVES
- Acentuación.
RECUPERACIÓN DE CONTIDOS:
Farase recuperación da primeira avaliación para todo o alumnado que a suspenda. Da 2ª e da 3ª avaliación farase recuperación final, sempre e cando se teñan só dúas avaliacións suspensas. O alumnado que suspenda a recuperación da 1º avaliación, a 2ª e a 3ª ten a materia suspensa para setembro.
Nos exames extraordinarios de setembro teranse en conta estes mesmos criterios e os/as alumnos/as deberán examinarse das lecturas non realizadas.