Taboleiro de secretaría
MOBILIDADE ERASMUS+ DO PROFESORADO DO IES BREAMO
Durante os meses de febreiro e marzo, os profesores Lucinio Medel e Gloria Castro participaron, a través do CFR de Ferrol, nunha mobilidade no marco do Erasmus+.
No caso de Lucinio, xunto co outros docentes españois, poido coñecer de primeira man a realidade educativa grega; profundar na civilización helénica da man de directores de teatro, actrices e docentes expertos en técnicas de interpretación e posta en escena para aplicar na aula; revisar os papeis de heroínas e heroes así como os roles de xénero nas traxedias Antígona e Edipo de Sófocles.
Ademais, visitaron os centros educativos número 3 e número 4 realizando obradoiros teatrais e observación docente entre iguais.
No caso de Gloria, o destino foi Dijon: xunto con outros membros de equipos directivos da zona de Ferrol, realizaron observación en aulas sobre a inclusión, o plurilingüismo e a educación dixital. Ademais, visitaron sete centros educativos nos que realizaron obradoiros, reunións coas direccións e observación docente entre iguais.
CINE CON PERSPECTIVA
O alumnado de 2º ESO C participou nun obradoiro do programa “Cine con perspectiva”, que tivo como obxectivo educar na identificación e tratamento dos estereotipos sexistas presentes na narrativa do cinema e noutras formas de expresión audiovisual. O alumnado creou un produto (guión, plan de rodaxe...) para pór en escena unha sinxela produción audiovisual baixo a temática da desigualdade no trato nas relacións en función do xénero.
VIAXE Á CORUÑA: ESCALADA E VISITAS AO ACUARIUM E Á DOMUS - 2/04/2024
A actividade de escalada foi financiada pola Deputación da Coruña.
CURSO DE SOPORTE VITAL BÁSICO – ALUMNADO DE 1º BAC
O alumnado de 1 de bacharelato do IES Breamo asistiu este martes, 2 de abril, a un curso de Soporte Vital Básico impartido pola Dra. Yesica López Curbeira e seis profesionais máis da zona sanitaria de Ferrol.
As nocións recibidas, tanto teóricas como prácticas, estaban relacionadas coa reanimación cardio pulmonar tanto en adultos como en bebés; así como actuación en caso de atragoarse, persoas inconscientes e uso do DESA.
TORNEO ESCOLAR DE FÚTBOL FEMININO
Onte o I.E.S. Breamo participou nun encontro escolar de fútbol feminino. Nesta xornada os centros participantes foron os de Betanzos, Monfero, Miño, Mugardos e Pontedeume.
As nosas alumnas demostraron que dando o mellor de cada unha pódense alcanzar bos resultados; as cadetes gañaron todos os partidos disputados e as infantís quedaron terceiras.
Foi unha mañá moi entretida para todas afianzando relaciónelas intercentros.
A organización realizouna Deporte Escolar Galego e desenvolveuse nos polideportivos de Monfero e Irixoa.
CONVOCATORIA DE BECAS PARA ENSINANZAS POSTOBRIGATORIAS (UNIVERSIDADE, BACHARELATO, FORMACIÓN PROFESIONAL, ENSINANZAS ARTÍSTICAS, ENSINAZAS DEPORTIVAS, ENSINANZAS DE IDIOMAS…) PARA O CURSO 2024-2025
PRAZO DE SOLICITUDE: DO 19 DE MARZO AO 10 DE MAIO DE 2023
A solicitude deberá cumprimentarse mediante o formulario accesible por vía telemática a través da sede electrónica do Ministerio de Educación no enderezo. https://sede.educacion.gob.es |
CONVOCATORIA DE BECAS PARA ENSINANZAS POSTOBRIGATORIAS (UNIVERSIDADE, BACHARELATO, FORMACIÓN PROFESIONAL, ENSINANZAS ARTÍSTICAS, ENSINAZAS DEPORTIVAS, ENSINANZAS DE IDIOMAS…) PARA O CURSO 2024-2025
PRAZO DE SOLICITUDE: DO 19 DE MARZO AO 10 DE MAIO DE 2023
A solicitude deberá cumprimentarse mediante o formulario accesible por vía telemática a través da sede electrónica do Ministerio de Educación no enderezo. https://sede.educacion.gob.es |
PUNTO LARANXA NO IES BREAMO
O Punto Laranxa é unha medida impulsada desde a Xunta co obxectivo de erradicar o acoso e o ciberacoso nos centros educativos, grazas á colaboración de alumnado, docentes, familiares e outras persoas próximas á comunidade educativa. O anonimato constitúe un refuxio seguro á hora de denunciar, facilitando así o logro dun cambio entre todos e todas.
Este Punto Laranxa funcionará como caixa de correo física (ao lado do departamento de orientación) e virtual (na web do centro) para trasladar situacións de acoso.
Se estás a sufrir ou coñeces algún posible caso de acoso ou ciberacoso, axúdanos a paralo!
Compoñentes do equipo que xestiona o Punto Laranxa no IES Breamo: Lucía Fernández, Estíbaliz Markaida, María Segura e Lucinio Medel.
ACREDITACIÓN DAS COMPETENCIAS DIXITAIS PARA O ALUMNADO DE 4º ESO E 2º BAC
Estrutura do marco galego de competencias dixitais
CERTIFICACIÓN ComDix
.- Certificación do nivel que ten unha persoa para utilizar as tecnoloxías. O sistema de acreditación seguirá un patrón similar ao que se utiliza actualmente na certificación de idiomas. A acreditación está integrada por 21 competencias que se poderán certificar en catro niveis diferentes: iniciación, intermedio, avanzado e especializado.
.- Obtense a partir dos 16 anos por validación ou realización de probas.
.- Ten caducidade aos 5 anos. Novas probas de certificación.
Certificación ComDix iniciación (de maneira automática ao titular na ESO)
Certificación ComDix intermedio (mediante probas específicas):
.- O alumnado matriculado en 4º ESO fará unha proba específica se quere acreditar este nivel.
.- Con título de bacharelato acredítanse as áreas de dominio 1, 2, 3 e 5 do nivel intremedio. O alumnado matriculado en 2º de bacharelato fará a proba específica que acredita a area de dominio 4 para obter a certifiación do nivel intermedio.
DATA E LUGAR DE REALIZACIÓNDAS PROBAS
Proba específica que acredita competencias dixitais de nivel intermedio:
.- No mes de maio en formato online.
.- Batería de 60 preguntas (12 por área de dominio).
.- 90´de duración.
.- Deberase responder correctamente ao 70% do total das preguntas cun minimo do 60% de respostas correctas en cada unha das 5 áreas.
Proba específica que acredita a área de dominio 4 do nivel intermedio:
.- No mes de abril en formato online.
.- 20´de duración.
.- Batería de 12 preguntas
.- Deberase responder correctamente ao 60% das preguntas.
SOLICITUDE DE INSCRICIÓN
.- Na secretaría do centro con data límite do 15 de marzo.
.- Modelo a entregar no centro (anexo IV).
TALENTOS INCLUSIVOS
No centro educativo IES Breamo tivemos a visita especial de usuarios de ASPACE Coruña, persoas con parálise cerebral, que nos axudaron a comprender as súas dificultades e o seu día a día. Tamén nos falaron de diferentes retos aos que se enfrontan alumnos de toda Galicia para tentar mellorar a súa calidade de vida: Talentos Inclusivos. Este proxecto, promovido polo CITIC da Universidade da Coruña e ASPACE, busca despertar vocacións STEM entre os mozos e concienciar sobre a discapacidade.
Dende o noso centro tamén estamos a participa. O alumnado de 1º bacharelato, baixo a coordinación da profesora de tecnoloxia Julia Vázquez vila, está a traballar en equipo para atopar solucións tecnolóxicas e innovadoras aos retos propostos: un guiador adaptado para bicicletas e unha tarima para os usuarios da piscina cun sistema de suxeición para poder moverse.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »