Aberto o prazo de solicitude de bolsas para a compra de libros e de material escolar

Desde o sábado 20 de maio está aberto o prazo para solicitar as axudas tanto para libros de texto como para material escolar (75 euros) destinadas a alumnado matriculado en Primaria, Eso e Educación Especial en centros docentes sostidos con fondos públicos para o curso escolar 2023/24. 

O período para a realización dos trámites oportunos para beneficiarse destas axudas extenderase até o 21 de xuño, este incluído. A presentación de solicitudes realizarase preferiblemente por vía electrónica a través do formulario normalizado accesible desde a sede electrónica da Xunta de Galicia. Opcionalmente, poderase presentar solicitudes presencialmente nos centros educativos ou en calquera dos lugares e rexistros establecidos pola normativa regularoda do procedemento administrativo común. 

As convocatorias poden consultarse no Diario Oficial de Galicia e no Portal Educativo.