O Club de Ciencias CONTROL +T premiado pola súa participación na First Lego League

O sábado 4 de marzo o Club de Ciencias CONTROL+T participou na novena edición da FIRST LEGO LEAGUE, que reuniu a uns 300 participantes en Ferrol.

Ao longo da mañá realizaron varias probas cun robot e presentaron un proxecto científico que mereceu o Premio Gabadi á Excelencia en Enxeñaría. Galardón especial mereceu tamén Manuel Couceiro, o coordinador do Club de Ciencias, que recibiu o premio ao mellor adestrador.

Parabéns a todos eles polo esforzo e a dedicación que mostran a diario no centro.