BIBLIOTELLEIRAS. III CONGRESO GALEGO DE SEGURIDADE E EDUCACIÓN VIARIA DE NARÓN. MAIO 2022
Os días 19 e 20 de maio tivo lugar no Pazo da Cultura o III Congreso Galego de Seguridade e Educación Viaria; este encontro foi organizado polo Concello de Narón e a Rede de Cidades que Camiñan e patrocinado pola Diputación da Coruña e a Axencia Galega de Seguridade Pública (Agasp), coa colaboración de outras entidades.
A alcaldesa de Narón, Marián Ferreiro Díaz, acompañada do edil de Seguridade Cidadá, Román Romero, inagurou o xoves 19 esta nova edición que este ano tiña como lema da convocatoria “As persoas primeiro”.
Ao longo de estes dous días a coordinadora técnica da Rede de Cidades que Camiñan, Ana Montalbán, foi a encargada de presentar e dar paso ás diferentes mesas que se foron sucedendo ao longo das xornadas, ás que acudiron preto dun centenar de persoas.
A mañá do venres, día 19 de maio, estivo dedicada á cooperación internacional e na sesión participaron dous relatores chegados do exterior, a colombiana Laura Daniela Gómez e o turco Emrah Kocak, nunha mesa moderada por María Pérez Rico.
Na segunda parte desta sesión tomaron parte Iago Grueiro, alumno do IES Catabois e Javier Oliveira, do IES As Telleiras, en representación das comunidades escolares que participaron no encontro: As Telleiras, Catabois, Piñeiros, Ponte de Xuvia , A Gándara e Santiago Apóstol.
O representante do noso centro, Javier Oliveira, de 1º ESO, alumno da materia de Mobilidade Segura e Sostible, que é impartida pola profesora de Tecnoloxía Aurora Romar Gasalla, explicou aos asistentes as actividades realizadas este curso 2021-2022.