Skip to Content

Nadal no IES AS TELLEIRAS

Xov, 14/12/2023 - 17:12 — eugenia.fer.rio

Felices festas!

Co mes de decembro, chegan os exames do final da primeira avaliación, pero tamén unha das festas máis sinaladas do ano: o Nadal. No noso centro decoramos clases, pasillos e portas con bolas, espumillóns e estrelas. As árbores de Nadal lémbrannos que as vacacións están próximas e que teremos uns días libres para disfrutar coa familia e cos amigos. Felices festas a todos e todas!!

 

 

 

 

Charla 25N: Día contra a violencia de xénero

Sáb, 25/11/2023 - 18:04 — eugenia.fer.rio

25N Día contra a violencia de xénero

Noelia Míguez veu contarnos en primeira persoa e sen censura de ningún tipo a súa traumática experiencia: sufriu oito coiteladas por parte da súa parella e desde aquela, lidia coas secuelas físicas e psíquicas que lle provocou. Pero tamén loita por facer visible a súa situación e a de tódalas supervivintes da violencia de xénero. Estamos con vós!!

 

 

SAMAÍN 2023

Sáb, 04/11/2023 - 20:45 — eugenia.fer.rio

XA ESTÁ AQUÍ HALLOWEEN!!

 

Aproveitamos a festa de Samaín para disfrazarnos todos e todas: vampiros, monstruos, orcos.. personaxes que fan dos nosos soños auténticos pesadelos! Arañas, sapos e coitelos ensangrentados! Que medo!!

 

Tamén participamos nunha variedade de xogos tradicionais e nos relamimos coa chocolatada organizada pola nosa AMPA!!

 

Que gran festa!!

 
 
   

 

 

 

SAMAÍN 2023

Sáb, 04/11/2023 - 18:04 — eugenia.fer.rio

 

CONCURSO DE CABAZAS

Celebramos no noso centro un concurso de cabazas co motivo do Samaín, todas elas arrepiantes e cheas de imaxinación, que están expostas no hall do centro. Graciñas polo voso traballo e participación!!

 

 

 

 

CASTAÑAS, CHOCOLATE E FOLIADA ESTA TARDE!!

Mar, 31/10/2023 - 10:00 — eugenia.fer.rio

ESTAMOS DE FESTA NO IES AS TELLEIRAS!!

Esta tarde celebramos o MAGOSTO comendo ricas castañas e bebendo chocolate ben quentiño!!

Non teremos clase e viremos disfrazados!! Contamos contigo!!

O alumnado de 1º ESO elaborou sendos murais na clase de lingua e literatura galega para recordarnos que estamos en outono e que é tempo chuvioso e de ceos anublados pero tamén de comer castañas e de disfrutar das fantásticas cores das follas e das árbores. Aquí vos deixo unha mostra do seu traballo. 

Noraboa!!

 

CONCURSO DE CABAZAS

Mar, 17/10/2023 - 05:20 — eugenia.fer.rio

 

Halloween é a gran festa do ano? Gústalle "matar de arrepío" aos teus amigos e amigas?

Pois esta é a túa oportunidade!!

Participa no concurso deste ano e gaña un premio mooooi xugoso!!

Non o dubides! Tes ata o 27 de outubro para presentar a túa cabaza creativa!!

Participa!!

RECOLLIDA ORDENADORES EDUCA-DIXITAL PARA O NOVO ALUMNADO DE 2º, 3º E 4º ESO

Xov, 21/09/2023 - 14:35 — eugenia.fer.rio

Informámoslles que temos á súa disposición os ordenadores para o alumnado de nova incorporación dos cursos 2º, 3º e 4º ESO e que poderán vir recollelos mañá venres día 22 de setembro en horario de 9 a 14 horas. O pai, nai ou tutor legal asinará o documento de cesión por duplicado (unha copia para o centro e outra para a familia). Os ordenadores teñen carácter de préstamo e son totalmente gratuitos para as familias, que se responsabilizan do seu coidado e uso responsable. O alumnado traerá o ordenador ao centro cada día, completamente cargado.

O equipo informático (portátil con cargador e maletín) é TEMPORAL, xa que non dispoñemos dos ordenadores E-Dixgal definitivos que a Consellería ten que enviarnos nas próximas semanas. Lamentamos as molestias que isto poida ocasionar pero tentamos garantir a calidade do ensino e non discriminar a estes alumnos/alumnas frente aos seus compañeiros / compañeiras que xa teñen ordenador. Estes  equipos non requiren ningún tipo de mantemento ou instalación de programas (agás escribir o contrasinal da wifi da casa para a súa conexión a Internet).

 

En caso de non poder vir mañá, por favor, póñanse en contacto co centro.

XORNADA DE ACOLLIDA NO IES AS TELLEIRAS

Xov, 21/09/2023 - 14:19 — eugenia.fer.rio

O pasado luns 8 deu comezo o curso escolar e para o alumnado de 1º ESO e 1º BAC foi un día especial cunha xornada de acollida no centro, no que tiveron a oportunidade de percorrer as instalacións, coñecer ao Equipo directivo e ao seu titor ou titora, así como a boa parte do profesorado co que van a traballar ao longo do curso, e como non, aos seus novos compañeiros e compañeiras. Foi unha mañá de risas e de nervios, de xogos no patio e de boas intencións para o curso que vén.

Benvidos e benvidas!!

EXENCIÓNS E CONVALIDACIÓNS CURSO 2023-24

Lun, 11/09/2023 - 01:57 — eugenia.fer.rio

Achegamos ORDE do 22 de xuño de 2023 pola que se establecen medidas para a validación

ou a exención de materias da educación secundaria obrigatoria e do bacharelato

e materias das ensinanzas profesionais de música e de danza ou a condición de

deportista de alto nivel ou de alto rendemento.

Para calquera cuestión, non dubidedes en consultar na nosa Xefatura de estudos.

ORDE EXENCIÓNS E VALIDACIÓNS

COMEZO DO CURSO 2023-24

Sáb, 02/09/2023 - 20:59 — eugenia.fer.rio

Dámosvos unha calurosa benvida ao novo curso escolar 2023-24.

O luns 11 de setembro comeza o novo curso no horario habitual do centro, isto é, de 08:30 a 14:10 de luns a venres, e os martes tamén de 16:20 a 18:00 horas pola tarde.

Desde ese día o alumnado poderá facer xa uso do transporte escolar para desprazarse até o centro educativo. 

O alumnado e as familias poderán consultar uns días antes do comezo das clases as listaxes por grupos e niveis na entrada do edificio principal para 1º, 2º e 3º da ESO e no hall do edificio de Bacharelato para 4º da ESO e 1º e 2º de Bach. En todo o caso, enviaremos unha notificación a través de Abalar para avisar en canto os fagamos públicos. 

Desde o IES as Telleiras desexámosvos un feliz inicio de curso! 

Distribuir contido


by Dr. Radut