"DÍA DAS LETRAS GALEGAS 2021"
XELA ARIAS CASTAÑO
(SARRIA, LUGO 1962-VIGO 2003)
Homenaxe a Xela Arias no noso IES
Xela Arias foi poeta, tradutora e profesora de Lingua Castelá e Literatura en diferentes IES galegos.
Pasou a maior parte da súa vida en Vigo, onde chegou a ser un referente do mundo editorial e da poesía de muller.
En 1980 fundouse a editorial Xerais, onde Xela traballou como correctora e asesora lingüística durante dez anos.
Deuse a coñecer en 1986 con 'Denuncia do equilibrio', finalista do Premio Losada Diéguez.
Imaxe: Editorial Xerais
Tamén foi finalista do Premio Esquío con 'Lili sen pistolas', un libro que aínda hoxe permanece inédito. Posteriormente publicou 'Tigres coma cabalos' (1990), 'Darío a diario' (1996 dedicado ao seu fillo) e 'Intempériome' (2003).
Ademais, participou en libros colectivos como 'Palabra de muller' (1992), 'Rosalía na palabra de once poetas galegas' (1997) e 'Daquelas que cantan' (Fundación Rosalía de Castro, 2000).
Imaxe: Real Academia galega
Fixo traducións ao galego de obras de Bram Stoker (“Drácula”), Roald Dahl (“As bruxas”) e Gianni Rodari (“Contos ao teléfono”).
O 2 de novembro de 2003 a noticia da morte de Xela Arias conmocionou ao mundo cultural e literario de Galicia.
Imaxe: Consello da cultura galega
Xela Arias nas nosas aulas
HOMENAXE A XELA ARIAS NO NOSO CENTRO:
O pasado venres 14 de maio o alumnado da E.S.O. dedicou a primeira das sesións lectivas a lembrar a súa figura facendo unha lectura colectiva en voz alta dos principais momentos da súa vida e dunha escolma da súa poesía.
Parabéns ao noso alumnado e ao equipo da "Bibliotelleiras" polo éxito da homenaxe.
Deixámosvos a súa poesía:
Onde cantan os poetas
A nos lembra-lo que non foi
Ou puido ser,
Vese na dor inmóvil, imposible, invariable
Medida do silencio que resta.
(Intempériome, 2003)
"Mil primaveiras máis para a lingua e cultura galegas"
