IES de Arzúa

O alumnado de 2º da ESO ven de rematar a súa participación nas 3 sesións do obradoiro “Construción de xénero””, realizado en colaboración co CIM do Concello de Arzúa e desenvolvido por Movemento pola paz. Neste actividade analizaron as consecuencias e intereses da segregación por xénero en distintos ámbitos, como a publicidade, o consumo ou os sistemas de produción.

Obradoiro "Construción de Xénero"

Dende o Polo de emprendemento e apoio ao emprego de Friol realizaron dúas sesións no noso centro para fomentar a cultura emprendedora entre o alumnado de Formación Profesional tanto de Agraria como de Administración e Xestión. Este primeiro taller do programa de Difusión da cultura emprendedora nos centros educativos denominábase Ikigai, primeiros pasos para emprender e tiña como obxectivo detectar persoas potencialmente emprendedoras. Cunha actividade práctica, o alumnado tivo que recoñecer o que lle gusta facer e o que se lle da ben e tamén tivo que detectar as necesidades que pode haber no seu entorno e as accións polas que lle poderían pagar. Nestas dúas sesións organizadas pola Aula de Emprendemento do IES de Arzúa tamén se pretendeu dar visibilidade a labor realizada dende a Rede de Polos de Emprendemento, na cal outorgan apoio na preparación para intentar reducir o risco do emprendemento @eduemprende @auladeemprendemento @iesdearzua @polodeemprendemento

Rede de polos de emprendemento

Diseño

Este curso ampliamos fronteiras nos nosos clubs de lectura. Anímate a partir con nós nesta viaxe chea de aventuras e experiencias.

Tras varias edicións unicamente virtuais, este ano Talentia Summit´23 tivo unha xornada presencial no Palacio de Congresos e Exposicións de Galicia e o IES de Arzúa estivo presente tanto nos cursos de formación como nos obradoiros presenciais con empresas. O alumnado do ciclo superior de Administración e Finanzas viaxou ata Santiago para asistir algún dos cursos ofertados nesta feira. Concretamente, parte do alumnado participou no curso denominado Traballo en equipo: construíndo un equipo coordinado con LEGO SERIOUS PLAY. O obxectivo desta sesión era identificar o que cada persoa pode aportar a un equipo de traballo, fortalecendo así ao propio equipo e a todos os seus integrantes. A outra parte do grupo asistiu a formación denominada Como crear un impacto positivo no mundo a través do teu traballo. Con esta charla descubriron o sector do impacto e proporcionoulles as ferramentas e os coñecementos necesarios para explorar oportunidades profesionais que poden xerar un cambio significativo a nivel persoal e para a sociedade en xeral. A xornada completouse coa presentación de catro destacadas empresas do tecido produtivo de Santiago de Compostela: Carrefour, Finsa, Grupo Calvo e Obramat. Na media hora de exposición de cada un deles, os responsables de recursos humanos deron a coñecer ditas empresas e manifestaron as súas iniciativas na xestión do talento, os perfís profesionais e competencias que demandan actualmente e as canles e formatos dos procesos de selección. @eduemprende @auladeemprendemento @iesdearzua @talentiasummit

Talentia

Xusto antes desta longa ponte de decembro, o alumnado do CM Dual de Produción Agroecolóxica e de FP básica viaxou ata a granxa ecolóxica da Casa Grande de Xanceda, situada no concello de Mesía. Nesta visita guiada coñeceron dende as orixes desta empresa familiar ata a situación actual da mesma, a cal está considerada como a segunda maior produtora ecolóxica de España. Tamén coñeceron as prácticas que deben realizar na granxa para manter as certificacións ecolóxicas e os produtos que elaboran. O alumnado tamén visitou as zonas de interese da granxa como a fábrica, a sala de muxido ou os establos, onde estaban mudando as camas das vacas. A visita finalizou cunha degustación de produtos tanto elaborados na propia granxa como outros ecolóxicos galegos. @eduemprende @auladeemprendemento @iesdearzua @casagrandedexanceda #xanceda

Xanceda

Un ano máis, o noso alumnado de 3º e 4º da ESO participou nas charlas organizadas por Cruz Vermella de Arzúa para sensibilizar e informar sobre o VIH e outras enfermidades de transmisión sexual, co obxectivo de mellorar tanto a saúde individual como a colectiva

VIH

O alumnado de 1º ESO B rendiu homenaxe na "Hora Oral Mola" á insta-poetisa Rupi Kaur, como petisco dos actos conmemorativos do 25N. 

O luns 20 de novembro tivo lugar a despedida de Émilie, estudante francesa procedente do instituto “Lycée Carnot” ubicado en Dijon na rexión de Borgoña, en Francia. Émilie acompañounos durante catro semana dende o pasado xoves 26 de outubro ata o martes 21 de novembro, día no que viaxou ao seu centro de orixe. Estivo facendo unha mobilidade con réxime de reciprocidade con Ema Tarnovietchi, alumna de 1º Bac A, no marco do programa Picasso Mob que forma parte do proxecto Erasmus  KA-121-SCH.
Durante o recreo fíxoselle entrega do Certificado de participación polo seu paso no Ies de Arzúa.  O  luns pola tarde, puido acercarse xunto cos seus compañeiros de clase a Radio Arzúa para contar a súa experiencia e dar a coñecer o seu lugar de procedencia.
Dámoslle as grazas pola súa participación activa no centro, tamén esperamos que mellorara a súa competencia lingüística en español así como as habilidades comunicativas e sociais durante a súa estadía en Arzúa. Estamos seguros de que adquiriu  numerosos coñecementos sobre a cultura galega e o sistema educativo vivindo en primeira persoa o día a día dunha estudante de primeiro de bacharelato do mesmo xeito que calquera compañeira arzuá.
Esta experiencia foi moi enriquecedora para toda a comunidade educativa por todas as vivencias compartidas. Desexámoslle moita sorte no ámbito académico, persoal e esperamos que poida conseguir todos os seus obxectivos propostos!

Picasso Mob